പരീക്ഷ കഴിഞ്ഞു, അച്ഛന് ഗേറ്റില്; പിന്ഭാഗത്തുകൂടെ പെണ്കുട്ടി മുങ്ങി, പിന്നീട് സംഭവിച്ചത്!!
ഒരു ഭാഗത്ത് അച്ഛനും മറുഭാഗത്തെ കവാടത്തില് കാമുകനും കാത്തുനില്ക്കുന്നു. പെണ്കുട്ടി നേരത്തെ കരുതിയാണ് പരീക്ഷക്കെത്തിയതെന്ന് പിന്നീടാണ് മനസിലായത്.
കണ്ണൂര്: പ്ലസ് ടു വിദ്യാര്ഥിനി കാമുകനൊപ്പം ഒളിച്ചോടി. അതും അച്ഛന് പുറത്ത് കാത്തുനില്ക്കവെ. പരീക്ഷ കഴിഞ്ഞ മകളെയും കൂട്ടി വീട്ടിലേക്ക് പോവാനെത്തിയതായിരുന്നു അച്ഛന്.
എന്നാല് അച്ഛന്റെ കണ്വെട്ടിച്ച് പെണ്കുട്ടി സ്കൂളിന്റെ പിന്ഭാഗത്തുള്ള ഗേറ്റ് വഴി മുങ്ങുകയായിരുന്നു. സ്കൂളിന് പുറത്ത് കാമുകന് കാത്തുനിന്നിരുന്നു.
ഒരു ഭാഗത്ത് അച്ഛനും മറുഭാഗത്തെ കവാടത്തില് കാമുകനും കാത്തുനില്ക്കുന്നു. പെണ്കുട്ടി നേരത്തെ കരുതിയാണ് പരീക്ഷക്കെത്തിയതെന്ന് പിന്നീടാണ് മനസിലായത്. മാലോത്ത് കസബ സര്ക്കാര് ഹയര് സെക്കണ്ടറി സ്കൂളിലാണ് സംഭവം.
കാമുകന് ജീപ്പ് ഡ്രൈവറാണ്. കുട്ടിയുടെ പ്രണയം നേരത്തെ വീട്ടുകാര് അറിഞ്ഞിരുന്നു. ശേഷം വീട്ടുകാരുടെ പ്രത്യേക ശ്രദ്ധ കുട്ടിയുടെ കാര്യത്തിലുണ്ടായിരുന്നു. ബന്ധുക്കള് ആരെങ്കിലും പെണ്കുട്ടിക്കൊപ്പം സ്കൂളിലേക്ക് വരുമ്പോഴും പോകുമ്പോഴും ഒപ്പം വന്നു.
ഇക്കാര്യം മനസിലാക്കിയ കാമുകന് അവസാന പരീക്ഷക്ക് ശേഷം സ്കൂള് ഗ്രൗണ്ടിന്റെ പുറകു വശത്തുള്ള കവാടം വഴി പെണ്കുട്ടിയുമായി കടക്കുകയായിരുന്നു. ഈ സമയം പ്രധാന കവാടത്തിനടുത്ത് കാത്തിരിക്കുകയായിരുന്നു അച്ഛന്.
ഏറെ നേരം കഴിഞ്ഞിട്ടും പെണ്കുട്ടിയെ കാണാതായതോടെ അച്ഛന് സ്കൂളിന് അകത്തു ചെന്നു നോക്കി, അപ്പോഴാണ് മകള് പോയതായി മനസിലായത്. ഉടനെ വീട്ടുകാര് പോലീസില് പരാതിപ്പെട്ടു. ഇരുവരെയും പോലീസ് സ്റ്റേഷനിലെത്തിച്ചു.
പെണ്കുട്ടിക്ക് 18 വയസ് തികഞ്ഞിട്ടുണ്ട്. ഇക്കാര്യം ബോധ്യപ്പെട്ട പോലീസ് കാമുകന്റെ കൂടെ പോവണമെന്ന പെണ്കുട്ടിയുടെ ആവശ്യം അംഗീകരിച്ചു. ഇരുവീട്ടുകാരും സംസാരിച്ച് തീരുമാനത്തിലെത്തണമെന്നും പോലീസ് നിര്ദേശിച്ചു.