Click it and Unblock the Notifications
Just In
Don't Miss
-
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
സ്വപ്നയ്ക്കും സന്ദീപിനും പിറകെ പാഞ്ഞ് ചാനല്‍ സംഘവും: സിഡി വേട്ടക്കഥയെ അനുസ്മരിപ്പിക്കും ചേസിങ്
തിരുവനന്തപുരം: സോളാര്‍ തട്ടിപ്പ് കേസില്‍ സിഡി പിടിച്ചെടുക്കാന്‍ കൊച്ചിയില്‍ നിന്നും കോയമ്പത്തൂരിലേക്കും പുറപ്പെട്ട അന്വേഷണ സംഘത്തെ പിന്തുടര്‍ന്ന ചാനല്‍ സംഘത്തെ അനുസ്മരിപ്പിച്ച് സ്വര്‍ണ്ണക്കടത്ത് കേസിലും പ്രതികളെ പിന്തുടര്‍ന്ന് ടിവി ചാനല്‍ സംഘം. ഇന്നലെ വൈകീട്ടോടെ ബെംഗളൂരിവില്‍ വെച്ച് അറസ്റ്റിലായ സ്വപ്ന സുരേഷിനേയും സന്ദീപ് നായരേയും ഇന്ന് തന്നെ കേരളത്തില്‍ എത്തിക്കുമെന്ന കാര്യം ഉറപ്പായിരുന്നു.
എന്‍ഐഎ ഏറ്റെടുത്ത കേസായതിനാല്‍ തന്നെ ഏതുവഴിയായിരിക്കും പ്രതികളെ കേരളത്തിലേക്ക് എത്തിക്കുമെന്ന കാര്യത്തില്‍ മാധ്യമങ്ങള്‍ക്ക് കൃത്യമായ വിവരം ഒന്നും ലഭിച്ചിരുന്നില്ല. ഇതോടെ വാളയാര്‍ അതിര്‍ത്തിയിലും, മുത്തങ്ങ അതിര്‍ത്തിയിലും മധ്യമസംഘങ്ങള്‍ കാവലുറപ്പിച്ചു. എല്ലാ വാര്‍ത്താ ചാനലുകളിലും ഇടവേളകളില്ലാതെ തത്സമയം സംപ്രേക്ഷണമായിരുന്നു. ഒടുവില്‍ ദീര്‍ഘസമയത്തെ കാത്തിരിപ്പിനൊടുവില്‍ 11.30 ഓടെ വാളയാര്‍ അതിര്‍ത്തിയിലൂടെ പ്രതികളേയും കൊണ്ട് എന്‍ഐഎ സംഘം കേരളത്തിലേക്ക് പ്രവേശിച്ചു.
പ്രതിപക്ഷ സംഘടനകളുടെ പ്രതിഷേധങ്ങള്‍ക്കിടെ എന്‍ഐഎ സംഘം മുന്നോട്ട് കുതിച്ചതോടെ മാധ്യമസംഘങ്ങളുടെ വാഹനങ്ങളും പിന്നാലെ കുതിച്ചു. പിന്നീട് സിനിമകളെ അനുസ്മരിപ്പിക്കുന്ന വിധത്തിലുള്ള 'ചേസിങ്' ആയിരുന്നു ടിവിയിലൂടെ മലയാളികള്‍ക്ക് കാണാന്‍ സാധിച്ചത്. അതിനിടയില്‍ സ്വപ്ന സുരേഷിനെ കൊണ്ടുവന്ന കാര്‍ കേടായപ്പോള്‍ പുറകെ പിന്തുടര്‍ന്ന് വന്ന ചാനല്‍ സംഘത്തില്‍ നിന്നും ക്യാമറാന്‍മാര്‍ ചാടിയിറങ്ങി ദൃശ്യങ്ങള്‍ പകര്‍ത്തുകയും പ്രതികരണം തേടാന്‍ ശ്രമിക്കുകയും ചെയ്തു.
എന്നാല്‍ കനത്ത സുരക്ഷയില്‍ സ്വപ്നയെ മറ്റൊരു വാഹനത്തിലേക്ക് മാറ്റി സംഘം കൊച്ചിയിലേക്കുള്ള യാത്ര തുടര്‍ന്നു. കേരള പോലീസിന്‍റെ അകമ്പടി വാഹനങ്ങളായിരുന്നു എന്‍ഐഎ സംഘത്തിന് വഴിയൊരുക്കിയത്. പ്രതികളെ നേരിട്ട് കൊച്ചിയില്‍ എത്തിക്കുമെന്നായിരുന്നു കരുതിയത്. ഇത് അനുസരിച്ച് ആലുവയില്‍ നിന്ന് കൊച്ചിയിലേക്കുള്ള റോഡില്‍ ക്യാമറയും വെച്ച് ചാനലുകള്‍ കാത്തിരുന്നു. എന്നാല്‍ പ്രതികളെ നേരെ കൊണ്ടുപോയത് ആലുവ ആശുപത്രിയിലേക്കായിരുന്നു. ഇതോടെ ചാനല്‍ സംഘവും നേരെ അശുപത്രിയിലേക്ക് വിട്ടു. പിന്നീട് ഇരുവരുടേയും വൈദ്യ പരിശോധന പൂര്‍ത്തിയാക്കാനുള്ള കാത്തിരിപ്പ്. അരമണിക്കൂറിന് ശേഷം പ്രതികളുമായി എന്‍ഐഎ സംഘം കൊച്ചിയിലേക്ക് തിരിച്ചതോടെ ചാനല്‍ സംഘവും പുറകെ വണ്ടി വിട്ടു. ഒടുവില്‍ കടവത്രയിലെ എന്‍ഐഎ ആസ്ഥാനത്ത് പ്രതികളെ എത്തിച്ചതോടെയാണ് ചാനല്‍ സംഘത്തിന്‍റെ മണിക്കൂറുകള്‍ നീണ്ട 'ചേസിങും' അവസാനിച്ചത്.
