കെടി ജലീലിനെതിരായ ലോകായുക്ത ഉത്തരവിനെതിരെ സര്ക്കാര് ഹൈക്കോടതിയെ സമീപിക്കില്ല
കൊച്ചി: ബന്ധു നിയമനത്തിലെ പരാതിയെ തുടര്ന്ന് കെടി ജലീലിനെതിരായി ലോകായുക്ത പുറപ്പെടുവിച്ച വിധിക്കെതിരെ സംസ്ഥാന സര്ക്കാര് ഹൈക്കോടതിയെ സമീപിക്കില്ല. ജലീല് മന്ത്രി സ്ഥാനം രാജിവെച്ച സഹചര്യത്തിലാണ് ലോകായുക്ത വിധിക്കെതിരെ ഹൈക്കോടതിയെ സമീപിക്കേണ്ടതില്ലെന്ന തീരുമാനത്തിലേക്ക് സംസ്ഥാന സര്ക്കാര് എത്തിയത്. ലോകായുക്തയ്ക്കെതിരെ ഹൈക്കോടതിയെ സമീപിക്കുന്നത് സംബന്ധിച്ച് സര്ക്കാര് അഡ്വക്കറ്റ് ജനറില് നിന്ന് നിയമോപദേശം തേടിയിരുന്നു.
ലോകായുക്ത വിധിക്കെതിരെ സര്ക്കാരിന് കോടതിയെ സമീപിക്കാമെന്നായിരുന്നു നിയമപോദേശം ലഭിച്ചത്. ലോകായുക്ത ഉത്തരവിനെ സർക്കാരിന് തന്നെ നേരിട്ട് എതിർത്ത് ഹർജി നൽകാമെന്ന് അഡ്വക്കറ്റ് ജനറല് വ്യക്തമാക്കുകകായിരുന്നു. ലോകായുക്ത ഉത്തരവിനെ ചോദ്യം ചെയ്ത് കെടി ജലീല് നേരിട്ടും ഹൈക്കോടതിയെ സമീപിച്ചിരുന്നു. ജലീലിനൊപ്പം സര്ക്കാറിനും നേരിട്ടും ഉത്തരവിനെ ചോദ്യം ചെയ്ത് ഹർജി നൽകാമെന്നാണ് എജി നിയമോപദേശം നൽകിയത്.
റമദാന് വ്രതം ആരംഭിച്ചു, രാജ്യത്തെ വിവിധയിടങ്ങളില് നിന്നുള്ള നോമ്പുതുറ ചിത്രങ്ങള് കാണാം
Recommended Video
ജലീലിനെതിരായ ഉത്തരവില് ലോകായുക്ത ചട്ടങ്ങള് പാലിച്ചില്ലെന്നായിരുന്നു എജി വ്യക്തമാക്കിയത്. ആക്ട് സെക്ഷൻ 9 പ്രകാരമുള്ള നടപടി ക്രമങ്ങൾ പാലിച്ചിട്ടില്ല. ലോകായുക്തയ്ക്ക് മുമ്പില് ഒരു പരാതി ലഭിച്ചാല് അന്വേഷണത്തിന് മുമ്പ് എതിർകക്ഷിക്ക് പരാതിയുടെ പകർപ്പ് നൽകണമെന്നാണ് ഈ ചട്ടം അനുശാസിക്കുന്നത്. എന്നാല് അന്തിമ ഉത്തരവിന് ഒപ്പമാണ് ജലീലിന് പരാതിയുടെ പകര്പ്പ് നല്കിയതെന്നും എജി നിരീക്ഷിച്ചു. ഈ ചട്ടലംഘനം ചൂണ്ടിക്കാട്ടി സര്ക്കാറിനും കോടതിയെ സമീപിക്കാമെന്നായിരുന്നു എജി വ്യക്തമാക്കിയത്.