സംസ്ഥാനത്ത് പ്രദേശിക ലോക്ക് ഡൗണ് വേണ്ടി വന്നേക്കും; വാക്സിന് ക്ഷാമമുണ്ടെന്നും ആരോഗ്യമന്ത്രി
തിരുവനന്തപുരം: സംസ്ഥാനത്ത് കൊവിഡ് വാക്സിന് ക്ഷാമമുണ്ടെന്ന് ആരോഗ്യമന്ത്രി കെകെ ശൈലജ. സംസ്ഥാനത്തേക്ക് കൂടുതല് വാക്സിന് നല്കാന്ഡ കേന്ദ്ര സര്ക്കാരിനോട് ആവശ്യപ്പെട്ടിട്ടുണ്ട്. വാക്സിന് കുറവായതുകൊണ്ട് സംസ്ഥാനത്ത് ആശങ്കാജനകമായ സാഹചര്യമാണുള്ളതെന്നും കൊവിഡ് വ്യാപനത്തിന് തിരഞ്ഞെടുപ്പ് കാരണമായിട്ടില്ലെന്നും ആരോഗ്യമന്ത്രി വ്യക്തമാക്കി.
രോഗ തീവ്രതയുള്ള പ്രദേശങ്ങളില് പ്രാദേശിക ലോക്ക് ഡൗണ് ഉള്പ്പടെ വേണ്ടിവരും. സമ്പൂര്ണ ലോക്ക് ഡൗണ് ഇനി ബുദ്ധിമുട്ടുള്ള കാര്യമാണ്. ആളുകളുടെ ജീവന് മാത്രമല്ല, ജീവിത ഉപാധികൂടി സംരക്ഷിക്കേണ്ടതുണ്ടെന്നും ആരോഗ്യമന്ത്രി വ്യക്തമാക്കി. മാതൃഭൂമി ന്യൂസിനോോയിരുന്നു മന്ത്രിയുടെ പ്രതികരണം.
മെഗാ വാക്സിനേഷന് ക്യാമ്പിലൂടെ എല്ലാവര്ക്കും വാക്സിന് നല്കാനുള്ള ദൗത്യം കേരളം നിര്വഹിക്കുമ്പോള് വാക്സിന് ക്ഷാമം നന്നായി അനുഭവപ്പെടുന്നുണ്ട്. ഇക്കാര്യം കേന്ദ്ര ആരോഗ്യമന്ത്രിയുടെയും ആരോഗ്യവകുപ്പ് സെക്രട്ടറിയുടെയും ശ്രദ്ധയില്പ്പെടുത്തിയിട്ടുണ്ട്. നിഷേധാത്മക നിലപാട് ഇതുവരെ കേന്ദ്രം സ്വീകരിച്ചിട്ടില്ല. 50 ലക്ഷം ഡോസ് ചോദിച്ചിട്ട് അതിന്റെ പകുതി പോലും ലഭ്യമായിട്ടില്ല. കൂടുതല് വാക്സിന് ഡോസ് നല്കാന് കേന്ദ്രം തയ്യാറാകണമെന്നും ആരോഗ്യമന്ത്രി ആവശ്യപ്പെട്ടു.
ഇപ്പോള് വാക്സിന് നേരിട്ട് വാങ്ങാന് സംസ്ഥാനങ്ങള്ക്ക് ആവില്ല. കേന്ദ്ര സര്ക്കാര് സമ്മതിക്കണം. സ്വകാര്യ മേഖലയില് വാക്സിന് നല്കാനുള്ള അനുവാദം കേന്ദ്രം നല്കിയാല് വാക്സിനേഷന് വേഗത കൈവരിക്കാന് സാധിച്ചേക്കും. അടുത്ത ദിവസങ്ങളില് വാക്സിന് വലിയ തോതില് ലഭിച്ചില്ലെങ്കില് സംസ്ഥാനത്തെ മെഗാ വാക്സിനേഷന് പദ്ധതി അവതാളത്തിലാവുമെന്നും അരോഗ്യമന്ത്രി വ്യക്തമാക്കി.
Recommended Video
അഭിമന്യുവിന്റെ കൊലയ്ക്ക് പിന്നില് ആര്എസ്എസ്? 2 പേര് പൊലീസ് കസ്റ്റഡിയില്