Click it and Unblock the Notifications
Just In
Don't Miss
-
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം -
IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക് -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
സ്ത്രീകള്‍ അശ്ലീലം എഴുതിയാല്‍ പുസ്തകം ചൂടപ്പം പോലെ വിറ്റഴിയും; വിവാദ പരാമര്‍ശവുമായി ടി പദ്മനാഭന്‍
കോഴിക്കോട്: സ്ത്രീവിരുദ്ധ പരാമര്‍ശവുമായി സാഹിത്യകാരന്‍ ടി പദ്മനാഭന്‍. സ്ത്രീകള്‍ അശ്ലീലം എഴുതിയാല്‍ പുസ്തകം ചൂടപ്പം പോലെ വിറ്റഴിയും എന്ന് ടി പദ്മനാഭന്‍ പറഞ്ഞു. എ സി ഗോവിന്ദന്റെ സമ്പൂര്‍ണ്ണ കൃതികള്‍ പ്രകാശനം ചെയ്ത് കോഴിക്കോട് സംസാരിക്കവേയാണ് ടി പദ്മനാഭന്റെ വിവാദ പരാമര്‍ശം.
മഠത്തിലെ ചീത്ത അനുഭവം സന്യാസിനി എഴുതിയാല്‍ നല്ല ചെലവാണ് എന്നും സിസ്റ്റര്‍ എന്ന പേര് ചേര്‍ത്താല്‍ വില്‍പ്പന കൂടും എന്നും ടി പദ്മനാഭന്‍ പറഞ്ഞു. ഉത്തമ സാഹിത്യ കൃതികള്‍ വാങ്ങാന്‍ ആളുണ്ടാകില്ല എന്നും അദ്ദേഹം പറഞ്ഞു. അശ്ലീല സാഹിത്യം വൈകാതെ ചവറ്റു കൊട്ടയില്‍ വീഴും എന്നും ടി പദ്മനാഭന്‍ കൂട്ടിച്ചേര്‍ത്തു.
ശ്രീനാരായണ ഗുരു സെന്റിനറി ഹാളില്‍ തദ്ദേശ സ്വയംഭരണ മന്ത്രി എം വി ഗോവിന്ദനായിരുന്നു പരിപാടി ഉദ്ഘാടനം ചെയ്തത്. നേരത്തേയും പദ്മനാഭന്റെ പരാമര്‍ശങ്ങള്‍ വിവാദമായിരുന്നു. വര്‍ഷങ്ങള്‍ക്ക് മുന്‍പ് സാഹിത്യകാരന്‍ രൂപേഷ് പോളിനെയും ഭാര്യ ഇന്ദു മേനോനെയും പദ്മനാഭന്‍ വിമര്‍ശിച്ചതും വിവാദത്തിലായിരുന്നു.
മുമ്പ് ഒരു യുവ കവി പ്രകാശനം ചെയ്ത കവിതയുടെ മുഖചിത്രവും അവതാരികയും അശ്ലീലമായിരുന്നു എന്നായിരുന്നു അദ്ദേഹം പറഞ്ഞത്. പശുക്കളുടെ സ്വവര്‍ഗ ബന്ധത്തെക്കുറിച്ച് എഴുതിയ ഇദ്ദേഹത്തിന്റെ ഭാര്യയും സാഹിത്യകാരിയാണ് എന്നും പിന്നീട് സിനിമയിലെത്തിയ ഈ ദമ്പതികളെ വാര്‍ണര്‍ ബ്രദേഴ്സ് അമേരിക്കയിലേക്ക് കൊണ്ടുപോയി എന്നും അദ്ദേഹം പറഞ്ഞിരുന്നു.
ശരിയാണ്...രാജ്ഞിയെ പോലെ തന്നെ ഉണ്ട്..; സാരിയില്‍ സംയുക്തയുടെ കിടിലന്‍ ചിത്രങ്ങള്‍
ഇവരുടെ സാഹിത്യ ശല്യം ഇല്ലാതാക്കിയ വാര്‍ണര്‍ ബ്രദേഴ്സ് നീണാള്‍ വാഴട്ടെ എന്നായിരുന്നു പേരെടുത്ത് പറയാതെയുള്ള ടി പദ്മനാഭന്റെ വിമര്‍ശനം. ഇത്തരം കാര്യങ്ങള്‍ ഏറ്റുപറയുന്നവരെ പുതിയ സാഹിത്യകാരന്മാര്‍ കല്ലെറിയുകയാണ് എന്നും അദ്ദേഹം പറഞ്ഞിരുന്നു. ഒ എന്‍ വി, അക്കിത്തം, സുഗതകുമാരി, വിഷ്ണു നാരായണന്‍ നമ്പൂതിരി എന്നിവരുടെ എല്ലാം ഇന്നിങ്സ് കഴിഞ്ഞു എന്ന ടി പദ്മനാഭന്റെ പരാമര്‍ശവും വിവാദമായിരുന്നു.
ഇപ്പോഴത്തെ എഴുത്തുകാര്‍ അല്‍പ വിഭവക്കാരാണെന്നും പെണ്ണെഴുത്തിന്റെ നിയോജക മണ്ഡലമുണ്ടാക്കി അതില്‍ കയറി ബഹളം സൃഷ്ടിച്ച് നിയമസഭയില്‍ പ്രവേശനം കാംക്ഷിക്കുന്നവരാണ് ഇപ്പോഴത്തെ പല വനിതാ എഴുത്തുകാരെന്നും 2009 ല്‍ ഒരു പരിപാടിക്കിടെ ടി പദ്മനാഭന്‍ പറഞ്ഞതും വലിയ വിവാദമായിരുന്നു.
