സീരിയല് നടിയുമായി കറക്കം...ജയില് ഡിഐജിയെ രക്ഷിക്കാന് നീക്കം!! പിന്നില് ? കാരണം...
ഒരു മാസം മുന്പാണ് ജയില് മേധാവി ശ്രീലേഖ അന്വേഷണത്തിന് ഉത്തരവിട്ടത്
തിരുവനന്തപുരം: പ്രമുഖ സീരിയല് നടിയോടൊപ്പം ഔദ്യോഗിക വാഹനത്തില് യാത്ര ചെയ്തുവെന്ന പരാതിയില് ആരോപണവിധേയനായ ജയില് ഡിഐിജി ബി പ്രദീപിനെ രക്ഷിക്കാന് നീക്കമെന്ന് സൂചന. സംസ്ഥാന ജയില് ആസ്ഥാനത്ത് ലഭിച്ച ഊമക്കത്ത് പരാതിയായി പരിഗണിച്ച് മെയ് ആദ്യമാസമാണ് ജയില് മേധാവി ആര് ശ്രീലേഖ അന്വേഷണത്തിന് ഉത്തരവിട്ടത്.
കന്യാകുമാരി ഭയങ്കരി തന്നെ!! ഒന്നും രണ്ടുമല്ല, മലപ്പുറത്തു മാത്രം ആറു കേസുകള്!!
ഗള്ഫ് പ്രതിസന്ധി ഇന്ത്യക്കാര്ക്ക് ചാകര; അവസരം മുതലെടുക്കാന് ഇന്ത്യ, ഗുണം ഇങ്ങനെ!!
സംഭവം ഇങ്ങനെ
പത്തനംതിട്ട ജില്ലാ ജയിലിലെ വാര്ഷികാഘോഷ പരിപാടിയില് പങ്കെടുപ്പിക്കാന് സീരിയല് നടിയോടൊപ്പം ഡിഐജി പ്രദീപ് ഔദ്യോഗിക വാഹനത്തില് കറങ്ങിയെന്നാണ് പരാതി.
മുഖ്യമന്ത്രിക്കും പരാതി
ജയില് മേധാവി ശ്രീലേഖയ്ക്കു മാത്രമല്ല മുഖ്യമന്ത്രി പിണറായി വിജയനും പ്രദീപിനെതിരേ സമാനമായ പരാതി ലഭിച്ചിരുന്നു. ഇതേ തുടര്ന്നാണ് അന്വേഷണം നടത്തി റിപ്പോര്ട്ട് സമര്പ്പിക്കാന് ജയില് ഐജിക്കു ചുമതല നല്കിയത്.
ഒരു മാസം കഴിഞ്ഞു
അന്വേഷിക്കാന് ഉത്തരവിട്ട് ഒരു മാസം പിന്നിട്ടിട്ടും ഇതുവരെ റിപ്പോര്ട്ട് സമര്പ്പിക്കാന് കഴിഞ്ഞിട്ടില്ല. പ്രദീപിനെ രക്ഷിക്കാനുള്ള നീക്കമാണ് ഇതിനു പിന്നിലെന്നാണ് ആരോപണം.
മൊഴിയെടുത്തിരുന്നു
ഐജി ഗോപകുമാര് പത്തനംതിട്ട ജില്ലാ ജയിലിലെ ഉദ്യോഗസ്ഥരില് നിന്നും ഡിഐജി തന്നെ നിര്ദേശിച്ച ചില ഉദ്യോഗസ്ഥരില് നിന്നും മൊഴിയെടുക്കുകയും തെളിവെടുപ്പ് നടത്തുകയും ചെയ്തിരുന്നു.
അവരുടെ മൊഴി
സീരിയല് നടിയെ ഡിഐജി ഔദ്യോഗിക വാഹനത്തില് കയറ്റിയിട്ടില്ലെന്ന് ഇവരില് ആരും മൊഴി നല്കിയിട്ടില്ലെന്നാണ് സൂചനകള്. ഔദ്യോഗിക വാഹനം പ്രദീപ് ദുരുപയോഗം ചെയ്തുവെന്നു ആര് ശ്രീലേഖയുടം പ്രാഥമിക റിപ്പോര്ട്ടിലും വ്യക്തമാക്കിയിരുന്നു.
അട്ടിമറിക്കുന്നത്
ഐജി ഗോപകുമാറാണ് പ്രദീപിനെതിരായ അന്വേഷണം അട്ടിമറിക്കാന് ശ്രമിക്കുന്നതെന്നാണ് ജയിലിലെ ചില ഉദ്യോഗസ്ഥര് പറയുന്നത്. പ്രദീപും ഗോപകുമാറും അടുത്ത സുഹൃത്തുക്കളാണെന്നതും ഇതിനു കാരണമാണെന്ന് അവര് ചൂണ്ടിക്കാട്ടുന്നു.
അന്നു മാത്രമല്ല
ജില്ലാ ജയില് ദിനാഘോഷത്തിനു മാത്രമല്ല അതിനു മുമ്പും പലപ്പോഴും ഈ നടി ഡിഐജി പ്രദീപിനൊപ്പം കറങ്ങിയതായി ആരോപണമുണ്ടായിരുന്നു. മാത്രമല്ല ഡിഐജിയെ കാണാന് ഈ നടി നേരത്തേ ഓഫീസില് വന്നിട്ടുണ്ടെന്നും റിപ്പോര്ട്ടുകളുണ്ടായിരുന്നു.
ഡിഐജി പറഞ്ഞത്
പരിപാടിയിലേക്കു ക്ഷണിക്കപ്പെട്ട അതിഥിക്കു അസൗകര്യം ഉണ്ടായതിനെ തുടര്ന്നാണ് നടിയെ ചടങ്ങിലേക്കു ക്ഷണിച്ചതെന്നും നടിയോടൊപ്പം അവരുടെ മാതാപിതാക്കളും വാഹനത്തിലുണ്ടായിരുന്നുവെന്നുമായിരുന്നു പ്രദീപിന്റെ വിശദീകരണം.