കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മുന്നാക്ക സംവരണം; ഇടതുപക്ഷ സര്‍ക്കാരിന് സവര്‍ണ താല്‍പ്പര്യമെന്ന് കാന്തപുരം വിഭാഗം

Google Oneindia Malayalam News

കോഴിക്കോട്: മുന്നാക്ക സംവരണം നടപ്പാക്കിയ വിഷയത്തില്‍ പിണറായി വിജയന്റെ നേതൃത്വത്തിലുള്ള ഇടതുപക്ഷ സര്‍ക്കാര്‍ കൂടുതല്‍ ഒറ്റപ്പെടുന്നു. സര്‍ക്കാരിനോട് അനുഭാവം പുലര്‍ത്തുന്ന കാന്തപുരം വിഭാഗവും സംവരണ നടപടിക്കെതിരെ രംഗത്തുവന്നു. തീരുമാനം പിന്‍വലിക്കണമെന്ന് കാന്തപുരം വിഭാഗത്തിന്റെ മുഖപത്രമായ സിറാജിലെ ലേഖനത്തില്‍ ആവശ്യപ്പെടുന്നു. സവര്‍ണ താല്‍പ്പര്യം മാത്രം മുന്‍ നിര്‍ത്തിയാണ് മുന്നാക്കക്കാര്‍ക്ക് 10 ശതമാനം സംവരണം ഏര്‍പ്പെടുത്തിയത്. സംവരണത്തിന്റെ അടിസ്ഥാന തത്വങ്ങളെ സര്‍ക്കാര്‍ വെല്ലുവിളിക്കുകയാണ് ചെയ്തതെന്നും ലേഖനം ചൂണ്ടിക്കാട്ടുന്നു.

Kan

നേരത്തെ മറ്റു മുസ്ലിം സംഘടനകളും എസ്എന്‍ഡിപിയും മുന്നാക്ക സംവരണത്തിനെതിരെ രംഗത്തുവന്നിരുന്നു. മുന്നാക്ക സംവരണം 10 ശതമാനത്തില്‍ നിന്ന് അഞ്ച് ശതമാനമാക്കണമെന്നു എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശന്‍ ആവശ്യപ്പെട്ടു. മുന്നാക്കക്കാരിലെ സാമ്പത്തികമായി പിന്നാക്കം നില്‍ക്കുന്നവര്‍ അത്രയേ വരൂ എന്നും വെള്ളപ്പാള്ളി അഭിപ്രായപ്പെട്ടു.

മുന്നാക്ക സംവരണത്തിനെതിരെ സമരം തുടങ്ങാന്‍ മുസ്ലിം ലീഗ് തീരുമാനിച്ചിട്ടുണ്ട്. ഇതിന്റെ ഭാഗമായി നാളെ കൊച്ചിയില്‍ സംവരണ സമുദായങ്ങളുടെ പ്രതിനിധികളെ ഉള്‍പ്പെടുത്തി യോഗം ചേരും. ഭാവി സമര പരിപാടികള്‍ യോഗം തീരുമാനിക്കും. സംസ്ഥാന സര്‍ക്കാര്‍ അശാസ്ത്രീയമായി സംവരണം നടപ്പാക്കുകയാണ്. ഇത് പിന്നാക്കക്കാരെ കൂടുതല്‍ പിന്നാക്കക്കാരാക്കാനേ ഉപകരിക്കൂ. സംവരണ സമുദായങ്ങള്‍ക്ക് നഷ്ടമുണ്ടാക്കുന്നതാണ് സര്‍ക്കാര്‍ തീരുമാനം. സര്‍ക്കാര്‍ തീരുമാനം പുനഃപ്പരിശോധിക്കണമെന്നും മുസ്ലിം ലീഗ് ജനറല്‍ സെക്രട്ടറി പികെ കുഞ്ഞാലിക്കുട്ടി എംപി ആവശ്യപ്പെട്ടു.

അതേസമയം, മുന്നാക്ക സംവരണത്തിന് മുന്‍കാല പ്രാബല്യം അനുവദിക്കണമെന്ന് എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായര്‍ ആവശ്യപ്പെട്ടു. ജനുവരി മുതല്‍ മുന്‍കാല പ്രാബല്യം വേണം. നിലവിലെ വ്യവസ്ഥകള്‍ തുല്യനീതിക്ക് എതിരാണ്. സാമ്പത്തികമായി പിന്നാക്കം നില്‍ക്കുന്ന ഉദ്യോഗാര്‍ഥികളെ ലഭിക്കാതെ വന്നാല്‍ അതേ സമയുദായത്തിലെ മറ്റു ഉദ്യോഗാര്‍ഥികളെ പരിഗണിക്കണമെന്നും സുകുമാരന്‍ നായര്‍ ആവശ്യപ്പെട്ടു.

ഫലത്തില്‍ സംവരണ സമുദായങ്ങള്‍ മൊത്തമായി സര്‍ക്കാരിനെതിരായി എന്നതാണ് സാഹചര്യം. തിരഞ്ഞെടുപ്പുകള്‍ വരുന്ന സാഹചര്യത്തില്‍ ഇത് തിരിച്ചടിയാകുമോ എന്ന ആശങ്കയും ഇടതുപക്ഷത്തിനുണ്ട്.

Recommended Video

cmsvideo
clearance certificate is mandatory for people who coming to Kerala | Oneindia Malayalam

English summary
Kanthapuram Sunni faction demands Forward Community Reservation should withdraw
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X