Click it and Unblock the Notifications
Just In
Don't Miss
-
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
ഹജ്ജ് യാത്ര കരിപ്പൂരില്‍ നിന്ന്; സമരം ശക്തമാകുന്നു, 111 മണിക്കൂര്‍ സത്യാഗ്രഹം തിങ്കളാഴ്ച
കരിപ്പൂരില്‍ ഹജ്ജ് എംബാര്ക്കേഷന് അനുവദിക്കാത്തത് ബോധപൂര്‍വമായ നടപടിയാണെന്ന് എംഡിഎഫ് ആരോപിക്കുന്നു.
കോഴിക്കോട്: കരിപ്പൂര്‍ വിമാനത്താവളത്തില്‍ നിന്ന് ഹജ്ജ് എംബാര്ക്കേഷന് പുനസ്ഥാപിക്കണമെന്നാവശ്യപ്പെട്ട് മലബാര്‍ ഡെവലപ്‌മെന്റ് ഫോറത്തിന്റെ നേതൃത്വത്തില്‍ സമരം ശക്തിപ്പെടുത്തുന്നു. 111 മണിക്കൂര്‍ നീളുന്ന സത്യാഗ്രഹം തിങ്കളാഴ്ച ആരംഭിക്കും. വിമാനത്താവളത്തിന്റെ പ്രവര്‍ത്തനം താറുമാറാക്കാന്‍ ശ്രമം നടക്കുന്നുണ്ടെന്ന് എംഡിഎഫ് ആരോപിക്കുന്നു.
എയര്‍പോര്‍ട്ട് അതോറിറ്റിയും കേന്ദ്രസര്‍ക്കാരും വിമാനത്താവളത്തിനെതിരേ ഗൂഢാലോചന നടത്തുന്നുവെന്നാണ് ആരോപണം. കരിപ്പൂര്‍ വിമാനത്താവളം സംരക്ഷിക്കണമെന്നാവശ്യപ്പെട്ട് നിരവധി സംഘടനകള്‍ സമരത്തിലാണ്. ഈ സാഹചര്യത്തിലാണ് എംഡിഎഫ് വ്യത്യസ്തമായ സമരവുമായി രംഗത്തെത്തുന്നത്.
111 മണിക്കൂര്‍ രാപ്പകല്‍ സത്യാഗ്രഹം സംഘടിപ്പിക്കാനാണ് തീരുമാനം. വാരാണസി, ഔറംഗാബാദ്, മംഗലാപുരം, ഗുവാഹത്തി തുടങ്ങിയിടങ്ങളിലെ വിമാനത്താവളങ്ങളെല്ലാം ഹജ്ജ് എംബാര്ക്കേഷന് വേണ്ടി പരിഗണിച്ചിട്ടുണ്ട്. രാജ്യത്തെ മൂന്നാം നിര വിമാനത്താവളങ്ങളാണിത്.
എന്നാല്‍ കരിപ്പൂരില്‍ ഹജ്ജ് എംബാര്ക്കേഷന് അനുവദിക്കാത്തത് ബോധപൂര്‍വമായ നടപടിയാണെന്ന് എംഡിഎഫ് ആരോപിക്കുന്നു. ഇക്കാര്യത്തില്‍ കടുത്ത വിവേചനമാണ് കരിപ്പൂര്‍ വിമാനത്താവളത്തോട് കാണിക്കുന്നത്. വിമാനത്താവളം ഇല്ലാതാക്കാനാണ് കേന്ദ്രസര്‍ക്കാര്‍ ശ്രമിക്കുന്നതെന്നും എംഡിഎഫ് കുറ്റപ്പെടുത്തി.
