ഹൈക്കോടതി അസിസ്റ്റന്റ് പരീക്ഷയ്ക്ക് ചോദ്യം 'മോദി സന്ദര്‍ശിക്കാത്ത രാജ്യമേത്? '

കൊച്ചി: സോഷ്യല്‍ മീഡിയയില്‍ അടുത്തിടെ തമാശരൂപേണെ ഒരു ചേദ്യം ഉയര്‍ന്നിരുന്നു. മുകളിലത്തെ രാജ്യത്തുണ്ട് സൈഡിലുള്ള രാജ്യത്തുണ്ട് നമ്മുടെ രാജ്യത്ത് മാത്രം ഇല്ല ആരാണെന്നു പറയാമോ? ഉത്തരം നമ്മുടെ പ്രധാനമന്ത്രി എന്നായിരുന്നു. ഞായറാഴ്ച നടന്ന ഹൈക്കോടതി അസിസ്റ്റന്റ് പരീക്ഷയിലെ ചോദ്യം പരീക്ഷാര്‍ത്ഥികളെ അമ്പരപ്പിച്ചു.

എന്താണ് ആ ചോദ്യം എന്നല്ലേ? പ്രധാനമന്ത്രി നരേന്ദ്ര മോദി സന്ദര്‍ശിക്കാത്ത രാജ്യമേത് എന്നതായിരുന്ന അത്. ചോദ്യം വിവാദമായിരിക്കുകയാണ്.പ്രധാനമന്ത്രിയുടെ വിദേശ യാത്രകളെ പരിഹസിക്കുന്നതാണിതെന്നും അല്ല, പൊതുവിജ്ഞാനത്തിന്റെ ഭാഗമാണെന്നുമാണ് വിവാദം.

പ്രധാനമന്ത്രിയുടെ വിദേശ സന്ദര്‍ശനങ്ങളെക്കുറിച്ച് ചോദിക്കുന്നത് ചോദ്യ പേപ്പറിലെ ആറാമത്തെ ചോദ്യത്തിലാണ്. താഴെ പറയുന്നവയില്‍ പ്രധാനമന്ത്രിയെന്ന നിലയില്‍ നരേന്ദ്ര മോദി സന്ദര്‍ശിക്കാത്ത രാജ്യമേത്? എന്നാണ് ചോദ്യം.

ഉത്തരങ്ങളായി യു.എസ്.എ, ഓസ്‌ട്രേലിയ, ബ്രിട്ടന്‍, ദക്ഷിണ കൊറിയ എന്നി 4 ഓപ്ഷനും നല്കിയിട്ടുണ്ട്.മുപ്പതിനായിരത്തിലധികം ഉദ്യോഗാര്‍ഥികള്‍ എഴുതിയ ഹൈക്കോടതി അസിസ്റ്റന്റ് പരീക്ഷ കഴിഞ്ഞപാടേ സോഷ്യല്‍ മാധ്യമങ്ങളിലുള്‍പ്പെടെ ഈ ചോദ്യം ചര്‍ച്ചയായി മാറിയിരുന്നു.

English summary

The Kerala high court had no knowledge about the question about Prime Minister Narendra Modi's foreign visits appearing in the question paper for high court assistant examination conducted on Sunday