ആന ചരിഞ്ഞ സംഭവത്തിന് പ്രതി അട്ടപ്പാടിയില് കൊല്ലപ്പെട്ട മധു; പ്രചരണം അഴിച്ച് വിട്ട് സോഷ്യല്മീഡിയ
പാലക്കാട്: അമ്പലപ്പാറ വനമേഖലയില് കാട്ടാന ദുരൂഹ സാഹചര്യത്തില് ചരിഞ്ഞ സംഭവത്തില് രാജ്യത്താകമാനം വലിയ പ്രതിഷേധമാണ് ഉയരുന്നത്. സംഭവത്തില് ഒരാള് അറസ്റ്റിലാവുകയും ചെയ്തു. മലപ്പുറം ഓടക്കാലി സ്വദേശി വില്സണാണ് അറസ്റ്റിലായിരിക്കുന്നത്. എന്നാല് സംഭവം പുറത്ത് അറിഞ്ഞതിന് പിന്നാലെ സോഷ്യല്മീഡിയയില് പ്രചരിക്കുന്ന മറ്റൊരു ചിത്രമുണ്ട്. ആന ചരിഞ്ഞ സംഭവത്തിന് പിന്നില് പ്രതിയാണെന്ന് ആരോപിച്ച് കൊണ്ട് അട്ടപ്പാടിയില് ആള്ക്കൂട്ട ആക്രമണത്തില് കൊല്ലപ്പെട്ട മധുവിന്റെ ചിത്രമാണ് സാമൂഹ്യമാധ്യമങ്ങളിലടക്കം പ്രചരിക്കുന്നത്.
സംഭവം എവിടെയായാലും മലപ്പുറം ഹാഷ്ടാഗ് തിരുത്തില്ലെന്ന് സന്ദീപ്വാര്യര്; താനൊരു മണ്ടനെന്ന് അജു
മധുവിന്റെ ചിത്രം
ഈ ചിത്രത്തില് കാണുന്നയാളാണ് ആന ചരിഞ്ഞ സംഭവത്തിന് പിന്നില് എന്നാണ് പ്രചരണം. ഒപ്പം മധുവിന്റെ ചിത്രവും ചരിഞ്ഞ ആനയുടെ ചിത്രവും എഡിറ്റ് ചെയ്ത് ഉപയോഗിച്ചാണ് പ്രചരണം. നിരവധി പേരാണ് സോഷ്യല്മിഡിയയില് ഈ ചിത്രം ഷെയര് ചെയ്തിരിക്കുന്നത്.
ശിക്ഷ നല്കണം
പ്രതിക്ക് തക്കതായ ശിക്ഷ നല്കണമെന്ന് ആവശ്യപ്പെട്ടുകൊണ്ടാണ് പലരും ചിത്രം പങ്കുവെച്ചിരിക്കുന്നത്. ഇംഗ്ലീഷ്, ഹിന്ദി, ബംഗാളി ഭാഷകളിലാണ് പോസ്റ്റുകള് പലതും. സംഭവത്തില് കൃത്യമായ അന്വേഷണം നടത്തുമെന്ന് മുഖ്യമന്ത്രി പിണറായി വിജയന് വ്യക്തമാക്കിയിരുന്നു. ഇതിനിടെയാണ് ഇത്തരം വ്യാജ പ്രചരണങ്ങള്.
2017 ഫെബ്രുവരി 22
എന്നാല് പ്രതിയാണെന്ന ആരോപിച്ച് കൊണ്ട് സോഷ്യല്മീഡിയയില് പ്രചരിക്കുന്ന ചിത്രത്തിലെ മധുവിനെ കേരളത്തിന് മറക്കാന് കഴിയില്ല. ഈ സംഭവം നടക്കുന്നതിനും മൂമ്പ 2017 ഫെബ്രുവരി 22 നാണ് മധു എന്ന ആദിവാസി യുവാവ് അട്ടപ്പാടിയില് ആള്ക്കൂട്ട ആക്രമണത്തില് കൊല്ലപ്പെടുന്നത്.
മോഷ്ടാവാണെന്ന് ആരോപിച്ച്
മോഷ്ടാവാണെന്ന് ആരോപിച്ചായിരുന്നു അക്രമിസംഘം മധുവിന്റെ കൊലപ്പെടുത്തിയത്. മലമുകളിലെ ഒരു ഗുഹയില് താമസമാക്കിയ മധു വിശക്കുമ്പോള് മാത്രം താഴെ ഗ്രാമത്തിലെത്തി വല്ലതുമൊക്കെ വാങ്ങി കഴിച്ച് വിശപ്പ് മാറ്റുമായിരുന്നു. എന്നാല് ഒരു ദിവസം മധു മലമുകളിലുണ്ടെന്ന് കേട്ടറിഞ്ഞ സംഘം അവിടൈത്തുകയും തൊണ്ടി മുതലായി ചെറിയ സഞ്ചിയില് അരിയും മുളക് പൊടിയും കണ്ടെടുക്കുകയുമായിരുന്നു.
വ്യാജ പ്രചരണം
അവിടെ നിന്ന് മധുവിന്റെ കൈകള് ബന്ധിച്ച് ഫോട്ടേയെടുത്ത ശേഷം താഴെ ഗ്രാമത്തില് കൊണ്ടുവന്ന ശേഷം മര്ദിക്കുകയായിരുന്നു. എന്നാല് അവശനായ മധുവിനെ ആശുപത്രിയില് എത്തിക്കുമ്പേഴേക്കും മരണപ്പെടുകയാണ്. ഇദ്ദേഹത്തിന്റെ ചിത്രമുപയോഗിച്ചാണ് ആന ചരിഞ്ഞ സംഭവത്തിന് പിന്നില് പ്രതി ചേര്ക്കപ്പെട്ട് ചിത്രം പ്രചരിക്കുന്നത്.
കര്ഷകന്
നിലവില് ആന ചരിഞ്ഞ സംഭവത്തില് അറസ്റ്റിലായ വില്സണ് അമ്പലപ്പാറ മേഖലയില് കൃഷിക്കാരനാണ്. സംഭവവുമായി ബന്ധപ്പെട്ട് ഇന്നലേയും മൂന്ന് പേര് അന്വേഷണ സംഘം ചോദ്യം ചെയ്തിരുന്നു. അതേസമയം അന്വേഷണം മലപ്പുറം ജില്ലയിലെ കരവാരക്കുണ്ടിലേക്കും വ്യാപിപ്പിക്കാനാണ് അന്വേഷണ സംഘത്തിന്റെ തിരുമാനം.
സമാന സംഭവം
കഴിഞ്ഞ ദിവസം കരുവാരക്കുണ്ടില് സമാനമായ രീതിയില് പരിക്കേറ്റ നിലയില് ആനയെ കണ്ടെത്തിയിരുന്നു. ആനയുടെ വായില് കണ്ടെത്തിയ മുറിവുകളും അമ്പലപാറയിലെ ചരിഞ്ഞ ആനയുടെ വായില് കണ്ടെത്തിയ മുറിവുകളും സമാനമാണ്.ഈ സാഹചര്യത്തിലാണ് കൂടുതല് അന്വേഷണം നടത്താനൊരുങ്ങുന്നത്.
Recommended Video
വന്യമൃഗ ശല്യം
സൈലന്റ് വാലി ബഫര് സോണിനോട് അടുത്ത് കിടക്കുന്ന തോട്ടങ്ങളില് വന്യമൃഗങ്ങളുടെ ശല്യം രൂക്ഷമാണ്. ഇവയെ തുരത്താന് ഇവിടങ്ങളില് സ്ഫോടക വസ്തുക്കള് നിറച്ച് ഭക്ഷണങ്ങള് വയ്ക്കുന്നത് പതിവാണ്. ഇതേ രീതിയില് വെച്ച ഭക്ഷണമാകാം അമ്പലപ്പാറയിലെ ആനയും കഴിച്ചതെന്നാണ് അന്വേഷണ സംഘത്തിന്റെ നിമഗമനം.