ഇടുക്കി ഡാം തുറക്കുന്നു, നാളെ രാവിലെ 11 മണിക്ക് ഷട്ടർ ഉയർത്തും, അതീവ ജാഗ്രതാ നിർദേശം

ഇടുക്കി ഡാമിന്റെ രണ്ട് ഷട്ടറുകള്‍ 50 സെന്റിമീറ്ററാണ് ഉയര്‍ത്തുക. ഡാം തുറക്കുന്നതിന് മുന്നോടിയായി പ്രദേശത്തെ 64 കുടുംബങ്ങളെ മാറ്റി പാര്‍പ്പിക്കും. പെരിയാറിന്റെ തീരത്തുളളവര്‍ അതീവ ജാഗ്രത പാലിക്കണം എന്നാണ് മുന്നറിയിപ്പ്. നിലവില്‍ മണിക്കൂറില്‍ 0.993 ഘനയടി വെള്ളമാണ് ഇടുക്കി ഡാമിലേക്ക് ഒഴുകി എത്തിക്കൊണ്ടിരിക്കുന്നത്. ഇടുക്കി ഡാമിലെ ജലനിരപ്പ് 2396.86 അടിയിൽ എത്തിയതിനെ തുടർന്ന് ഡാമിൽ ഇന്ന് രാവിലെ 7.00 മണിക്ക് ഓറഞ്ച് അലെർട്ട് പ്രഖ്യാപിച്ചിരുന്നു.

പ്രളയത്തിൽ എസ്ഡിപിഐക്കാർ രക്ഷിച്ചെന്ന് വ്യാജ പ്രചാരണം;തെണ്ടികളെന്ന് വിളിക്കേണ്ടിവരുമെന്ന് പിസി ജോർജ്

മഴയുടെ ശക്തിയും നീരൊഴുക്കിന്റെ അളവും അനുസരിച്ച് ഇന്ന് വൈകുന്നേരം 6 മണിയ്ക്കു റെഡ് അലെർട്ട് പ്രഖ്യാപിക്കുമെന്ന് ജില്ലാ കളക്ടർ അറിയിച്ചു. നാളെ രാവിലെ 7.00 മണിക്ക് അപ്പർ റൂൾ ലെവൽ ആയ 2398.86 അടിയിലേക്ക് ജലനിരപ്പ് ഉയരുന്നതിന് സാധ്യതയുണ്ട് എന്ന് കെഎസ്ഇബി ഡാം സേഫ്റ്റി എക്സിക്യൂട്ടീവ് എഞ്ചിനീയർ അറിയിച്ചിട്ടുള്ളതാണെന്നും കളക്ടർ വ്യക്തമാക്കി. സർക്കാരും അധികാരികളും നൽകുന്ന നിർദ്ദേശങ്ങളോട് പൊതുജനങ്ങൾ ജാഗ്രത പാലിക്കണമെന്നും കളക്ടർ അഭ്യർത്ഥിച്ചു.

നിലവില്‍ ഇടുക്കി അണക്കെട്ടിലെ ജലനിരപ്പ് 2397.34 അടിയാണ്. 2403 ആണ് ഡാമിന്റെ സംഭരണശേഷി. അപകടകരമായ നിലയിലേക്ക് ഡാമിലെ ജലനിരപ്പ് ഉയര്‍ത്താതെ നിലനിര്‍ത്തണം എന്ന് ജലവകുപ്പ് വിദഗ്ധരുടെ യോഗത്തില്‍ തീരുമാനിച്ചു. ഇടമലയാര്‍ അണക്കെട്ടും നാളെ തുറക്കാന്‍ തീരുമാനിച്ചിട്ടുണ്ട്. ഡാമിന്റെ ഷട്ടര്‍ പരമാവധി 80 സെന്റിമീറ്റര്‍ വീതം ഉയര്‍ത്തിയാണ് വെള്ളം പുറത്തേക്ക് വിടുക.

ഇടുക്കി ഡാമും ഇടമലയാര്‍ ഡാമും ഒരുമിച്ച് തുറക്കാതിരിക്കാനാണ് ശ്രമം എന്ന് വൈദ്യുതി വകുപ്പ് മന്ത്രി കെ കൃഷ്ണന്‍കുട്ടി നേരത്തെ പറഞ്ഞിരുന്നു. ഒരു കാരണവശാലും ഡാമുകള്‍ രാത്രി തുറക്കരുത് എന്നാണ് നിര്‍ദേശം നല്‍കിയിരിക്കുന്നത്. ഇടമലയാര്‍ ഡാമിന്റെ രണ്ട് ഷട്ടറുകള്‍ നാളെ രാവിലെ ആറ് മണിക്കാണ് ഉയര്‍ത്തുക. ഒരു സെക്കന്‍ഡില്‍ 100 ക്യൂബിക് മീറ്റര്‍ ജലം പുറത്തേക്ക് ഒഴുക്കി വിടും.

അച്ഛന്റെ മടിയിലിരുന്നു ആദ്യാക്ഷരം കുറിച്ച് മഹാലക്ഷ്മി..ഒപ്പം മീനാക്ഷിയും കാവ്യ മാധവനും..ചിത്രങ്ങൾ വൻ വൈറൽ