Click it and Unblock the Notifications
Just In
Don't Miss
-
അങ്ങനൊരു മാറ്റം വന്നാല് ബിഗ് ബോസ് വന് വിജയമാവും! മത്സരാര്ഥികളുടെ ബഹുമാനമില്ലായ്മയെ പറ്റി ആരാധകര് -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
എന്റെ വീട്ടില്‍ പണം എണ്ണുന്ന യന്ത്രമില്ലെന്ന് കെഎം മാണി
തിരുവനന്തപുരം: ബാര്‍ കോഴ കേസില്‍ തുറന്നടിച്ച് ധനമന്ത്രി കെഎം മാണി രംഗത്ത്. തന്റെ 50 വര്‍ഷത്തെ രാഷ്ട്രീയ ജീവിതം ഒരു തുറന്ന പുസ്തകമാണെന്നും ആരെങ്കിലും വിളിച്ചു പറഞ്ഞാല്‍ താന്‍ അഴിമതിക്കാരനാവില്ലെന്നും മാണി പറഞ്ഞു. ബാര്‍ ഉടമ ബിജു രമേശ് പുറത്തുവിട്ട ശബ്ദരേഖകള്‍ കൃത്രിമമാണെന്നും മാണി വ്യക്തമാക്കി. ആരോപണങ്ങള്‍ക്ക് തെളിവോ സാഹചര്യമോ ഇല്ല. ഇപ്പോള്‍ നടക്കുന്നത് ബ്ലാക്ക് മെയില്‍ കച്ചവടം ആണെന്നും മാണി പറഞ്ഞു.
മൂന്നുമാസമായി ബാര്‍ കോഴ ആരോപണത്തില്‍ തന്നെ വേട്ടയാടുകയാണെന്നും കെഎം മാണി പറഞ്ഞു. പൈസയുണ്ടെങ്കില്‍ ആര്‍ക്കും ആടിനെ പട്ടിയാക്കാം. എന്റെ വീട്ടില്‍ പണം എണ്ണുന്ന യന്ത്രമില്ലെന്നും കെഎം മാണി വ്യക്തമാക്കി. ജനങ്ങള്‍ക്ക് തന്നെ അറിയാമെന്നും മാണി പറഞ്ഞു. തനിക്കെതിരെ ആരോപണങ്ങള്‍ ഉന്നയിക്കുന്ന പ്രതിപക്ഷം കനത്ത വില നല്‍കേണ്ടി വരും.
പ്രതിപക്ഷത്തിന് നിലവാര തകര്‍ച്ചയാണെന്നും പ്രതിപക്ഷം സ്വന്തം ധര്‍മ്മം പുലര്‍ത്തണമെന്നും മാണി പറഞ്ഞു. ഒരു വ്യക്തിക്കും താന്‍ നികുതി ഇളവ് നല്‍കിയിട്ടില്ല. കള്ള പ്രചരണങ്ങളെക്കൊണ്ട് സര്‍ക്കാരിനെ തകര്‍ക്കാമെന്നും ആരും വിചാരിക്കണ്ട. തനിക്കെതിരെ നടക്കുന്നത് വ്യക്തിപരമായ തേജോവധമാണ്. മാന്യന്മാര്‍ക്കെതിരായ ആരോപണങ്ങള്‍ മാധ്യമങ്ങള്‍ പ്രോത്സാഹിപ്പിക്കരുതെന്നും മാണി ആവശ്യപ്പെട്ടു. മദ്യനയം സര്‍ക്കാരിന്റെ കൂട്ടായ തീരുമാനമായിരുന്നു.
ഇതുവരെ താന്‍ ഒരു കേസിലും പിടിക്കപ്പെടുകയോ ശിക്ഷിക്കപ്പെടുകയോ ചെയ്തിട്ടില്ലെന്നും മാണി പറഞ്ഞു. ശത്രുക്കളെ പോലും സ്‌നേഹിക്കുകയാണ് താന്‍ ഇതുവരെ ചെയ്തത്. നികുതി കുറച്ചത് മന്ത്രിസഭയോടും മുഖ്യമന്ത്രിയോടും കൂടിയാലോചിച്ചിട്ടായിരുന്നുവെന്നും മാണി പറഞ്ഞു. താന്‍ ജീവിച്ചിരിക്കുമ്പോള്‍ മറ്റാരും ബജറ്റ് അവതരിപ്പിക്കില്ലെന്നും മാണി തുറന്നടിച്ചു. രാജിവെക്കില്ലെന്നും മന്ത്രി കെഎം മാണി പത്രസമ്മേളനത്തിലൂടെ അറിയിച്ചു.
