മേലുദ്യോഗസ്ഥനെ തല്ലാനോങ്ങി വനിതാ കണ്ടക്ടര്; ഒഴിഞ്ഞുമാറിയപ്പോള് കമിഴ്ന്നുവീണു, നടപടി
തൃശൂര്: ലീവ് നല്കുന്നതുമായി ബന്ധപ്പെട്ട തര്ക്കത്തിനിടെ മേലുദ്യോഗസ്ഥനെ തല്ലാനോങ്ങി വനിതാ കണ്ടക്ടര്. ഉദ്യോഗസ്ഥന് ഒഴിഞ്ഞുമാറിയപ്പോള് കണ്ടക്ടര് നിലത്ത് വീണു. ജനങ്ങള് നോക്കി നില്ക്കെ നടന്ന സംഭവത്തില് ഇരുവര്ക്കുമെതിരെ ഒടുവില് കെഎസ്ആര്ടിസി നടപടിയെടുത്തു. ഓരാളെ പൊന്നാനിയിലേക്കും മറ്റൊരാളെ കണ്ണൂരിലേക്കും സ്ഥലം മാറ്റി. ഇതുമായി ബന്ധപ്പെട്ട് എക്സിക്യൂട്ടീവ് ഡയറക്ടര് ഉത്തരവിറക്കി. മെയ് 7ന് തൃശൂരിലാണ് വിവാദമായ സംഭവം.
മുസ്തഫ രാജുമായുള്ള വിവാഹം; പ്രിയാമണിക്ക് പറയാനുള്ളത് ഇതാണ്... ഞങ്ങളുടെ ബന്ധത്തിന്റെ ശക്തി
കാന്റീനിന് സമീപം സംസാരിച്ചുനില്ക്കുകയായിരുന്നു കെഎസ്ആര്ടിസി ട്രാഫിക് കണ്ട്രോളിങ് ഇന്സ്പെക്ടര് കെഎ നാരാണയന്. ഈ വേളയിലാണ് കണ്ടക്ടര് എംവി ഷൈജ ലീവിന്റെ കാര്യം പറയാന് വന്നത്. വൈകാതെ ഇരുവരും തര്ക്കത്തിലായി. തുടര്ന്ന് ഷൈജ ഇന്സ്പെക്ടറെ പുറത്ത് അടിക്കാന് ഓങ്ങി എന്നാണ് പറയുന്നത്. നാരായണന് ഒഴിഞ്ഞു മാറിയതോടെ ഷൈജ കമിഴ്ന്ന് നിലത്തുവീണു.
കോര്പറേഷന് കളങ്കം സൃഷ്ടിച്ച സംഭവത്തില് ഇരുവര്ക്കുമെതിരെ നടപടിയെടുക്കുകയായിരുന്നു. നാരായണനെ കണ്ണൂരിലേക്കാണ് സ്ഥലം മാറ്റിയത്. ഷൈജയെ പൊന്നാനി ഡിപ്പോയിലേക്കും. ജീവനക്കാരിയെ പ്രകോപിപ്പിച്ചതിനാണ് നാരാണയനെതിരെ നടപടിയെടുത്തത്. പൊതുജനമധ്യത്തില് ഡ്യൂട്ടിയിലുണ്ടായിരുന്ന ഇന്സ്പെക്ടര് അപമാനിക്കാന് ശ്രമിച്ചതിനാണ് ഷൈജക്കെതിരെ നടപടി.
Recommended Video