മണ്ണ് ഇടിഞ്ഞുവീണ് 4 മരണം!! ദുരന്തം നടന്നത് തിരുവനന്തപുരത്ത്...

മണ്ണിനടിയില്‍ ചിലര്‍ കുടുങ്ങിക്കിടക്കുന്നതായി സംശയം

തിരുവനന്തപുരം: തലസ്ഥാനത്ത് മണ്ണ് ഇടിഞ്ഞു വീണ് 4 പേര്‍ മരിച്ചു. ഫ്‌ളാറ്റ് നിര്‍മാണത്തിനായി എടുത്ത കുഴിയിലേക്ക് മണ്ണ് ഇടിഞ്ഞുവീണപ്പോള്‍ 4 പേര്‍ അതിനടിയില്‍ കുടുങ്ങുകയായിരുന്നു. പാങ്ങപ്പാറയിലാണ് അപകടം നടന്നത്.

പൈലിങ് ജോലി നടക്കുന്നതിനിടെയാണ് മണ്ണ് ഇടിഞ്ഞു തൊഴിലാളികള്‍ക്കു മുകളിലേക്കു വീണത്. ഫ്‌ളാറ്റിന്റെ നിര്‍മാണത്തിനായി എത്തിയ ജോലിക്കാരാണ് അപകടത്തില്‍ മരിച്ചത്.

മൃതദേഹങ്ങള്‍ പുറത്തെടുത്തിട്ടുണ്ട്. മരിച്ചവര്‍ അന്യസംസ്ഥാന തൊഴിലാളികള്‍ ആണെന്നാണ് പോലീസ് പറയുന്നത്. നാലു പേര്‍ കൂടി മണ്ണിനുള്ളില്‍ അകപ്പെട്ടിട്ടുണ്ടെന്നാണ് സംശയിക്കുന്നത്. തിരച്ചില്‍ പുരോഗമിക്കുകയാണ്.

English summary

3 died in trivandrum due to land slide.