Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: 20ാം ഓവര് എന്തുകൊണ്ട് യഷിന് നല്കി? രാഹുല്‍ ധോണിയെ സഹായിച്ചു! തെളിവ് ഇതാ -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഇടത് യുവാക്കളുടെ സമരം അക്രമാസക്തമാകുമോ
തിരുവനന്തപുരം: നിയമന നിരോധനത്തിനെതിരേയും പെന്‍ഷന്‍ പ്രായം ഉയര്‍ത്തിയതിനെതിരേയും ഇടത് യുവജന സംഘനകളുടെ നേതൃത്വത്തില്‍ സെക്രട്ടേറിയറ്റിന് മുന്നില്‍ അനിശ്ചിതകാല നിരാഹാര സമരം നടക്കുകയാണ്. ഇടത് മുന്നണി നടത്തിയ ഒരു സമരത്തിനോടും അനുകൂലമായി പ്രതികരിക്കാത്ത സര്‍ക്കാരാണ് ഇപ്പോഴുള്ളത്. അങ്ങനെയെങ്കില്‍ ഈ സമരം എങ്ങനെ അവസാനിക്കും...?
മൂന്നാമത്തെ ദിവസമാണ് നിരാഹാര സമരം പുരോഗമിക്കുന്നത്. സമരക്കാരുമായി ചര്‍ച്ച നടത്താന്‍ ഉമ്മന്‍ ചാണ്ടി തയ്യാറായിട്ടുണ്ടെന്നാണ് വാര്‍ത്തകള്‍.
സമരത്തിന് നേതൃത്വം നല്‍കുന്നത് ഡിവൈഎഫ്ഐ ആണ്. ഇതേ രീതിയില്‍ മുന്നോട്ട് പോവുകയാണെങ്കില്‍ സെക്രട്ടേറിയറ്റ് വളയല്‍ അടക്കമുള്ള സമരപരിപാടികളുമായി മുന്നോട്ട് പോകാനാണ് സംഘടനയുടെ തീരുമാനം എന്നറിയുന്നു. വില്ലേജ് കമ്മിറ്റികള്‍ക്ക് ഇത് സംബന്ധിച്ച് നിര്‍ദ്ദേശവും നല്‍കിയതായി റിപ്പോര്‍ട്ടുണ്ട്. സെക്രട്ടേറിയറ്റ് വളയാന്‍ ഡിവൈഎഫ്ഐ തീരുമാനിച്ചാല്‍ പിന്നെ എന്തുണ്ടാകുമെന്ന് കാത്തിരുന്ന് തന്നെ കാണേണ്ടി വരും.
പിണറായിയെത്തി
സെക്രട്ടേറിയറ്റിന് മുന്നില്‍ അനിശ്ചിതകാല നിരാഹാര സമരമിരിക്കുന്ന യുവജന നേതാക്കളെ സിപിഎം സംസ്ഥാന സെക്രട്ടറി പിണറായി വിജയന്‍ സന്ദര്‍ശിക്കുന്നു.
എല്‍ഡിഫ് നേതൃത്വം
സമരത്തിന് എല്‍ഡിഎഫ് നേതൃത്വത്തിന്റെ പരിപൂര്‍ണ പിന്തുണയുണ്ട്. എല്‍ഡിഫ് കണ്‍വീനര്‍ വൈക്കം വിശ്വനും മറ്റ് നേതാക്കളും സമരപ്പന്തല്‍ സന്ദര്‍ശിക്കുന്നു.
യുവജന സമരം
ഡിവൈഎഫ്ഐ, എഐവൈഎഫ്, യൂത്ത് ഫ്രണ്ട്, യൂത്ത് കോണ്‍ഗ്രസ് എസ്, യുവ ജനതാ ദള്‍, എന്‍വൈസി എന്നീ സംഘടനകളുടെ നേതൃത്വത്തിലാണ് സമരം.
സമരം നീണ്ടാല്‍
മൂന്ന് ദിവസമായി ഇപ്പോള്‍ സമരം തുടങ്ങിയിട്ട്. സമര നേതാക്കളെല്ലാം ആരോഗ്യ പ്രശ്‌നങ്ങള്‍ അഭിമുഖീകരിക്കുന്നുണ്ട്. ഇനിയും സമരം നീണ്ടുപോയാല്‍ അത് വലിയ പ്രക്ഷോഭങ്ങളിലേക്കായിരിക്കും നയിക്കുക.
ഉമ്മന്‍ ചാണ്ടി എന്ത് ചെയ്യും
സിപിഎമ്മിന്റെ സെക്രട്ടേറിയറ്റ് ഉപരോധം അടക്കമുളള സമരങ്ങളെ അവഗണിച്ച ചരിത്രമാണ് സര്‍ക്കാരിനുള്ളത്. ഇടത് യുവജന സംഘടനകളുടെ സമരത്തെ സര്‍ക്കാര്‍ അങ്ങനെ അവഗണിക്കുമോ...
സെക്രട്ടേറിയറ്റ് വളഞ്ഞാല്‍
ഡിവൈഎഫ്‌ഐയുടെ നേതൃത്വത്തില്‍ വലിയ സമരങ്ങളൊന്നും അടുത്ത കാലത്ത് കേരളം കണ്ടിട്ടില്ല. സെക്രട്ടേറിയറ്റ് വളയല്‍ അടക്കമുള്ള സമര രീതികളിലേക്ക് ഡിവൈഎഫ്ഐ മുന്‍ കയ്യെടുക്കുമോ.
