വീട്ടമ്മയെ പീഡിപ്പിച്ച കേസ്...വിന്സെന്റ് എംഎല്എ അകത്തു തന്നെ!! രണ്ടു ദിവസം, എല്ലാമറിയാം
വിധി പറയുന്നത് കോടതി വ്യാഴാഴ്ചത്തേക്ക് മാറ്റി
തിരുവനന്തപുരം: വീട്ടമ്മയെ പീഡിപ്പിച്ച കേസില് ജയിലിലുള്ള കോവളം എംഎല്എ എം വിന്സെന്റിന്റെ ജാമ്യാപേക്ഷയില് വിധി പറയുന്നത് മാറ്റിവച്ചു. വ്യാഴാഴ്ചത്തേക്കാണ് കോടതി വിധി പറയല് മാറ്റിവച്ചത്.
എംഎല്എയ്ക്ക് ജാമ്യം നല്കിയാല് അതു പരാതിക്കാരിയുടെ ജീവന് തന്നെ ഭീഷണിയാവുമെന്ന് പ്രോസിക്യൂഷന് കോടതിയില് വാദിച്ചു. വിന്സെന്റിന് ജാമ്യം നല്കുകയാണെങ്കില് ഉപാധികളോടെ മാത്രമേ നല്കാവൂയെന്നും പ്രോസിക്യൂഷന് ചൂണ്ടിക്കാട്ടി.
കഴിഞ്ഞ വര്ഷം സപ്തംബര് 16നു രാത്രി എട്ടു മണിക്കും നവംബര് 11ന് രാവിലെ 11 മണിക്കും തന്നെ എംഎല്എ പീഡനത്തിന് ഇരയാക്കിയെന്നാണ് വീട്ടമ്മയുടെ പരാതി. വീട്ടില് വച്ചാണ് വിന്സെന്റ് തന്നെ പീഡിപ്പിച്ചതെന്നും ഇവര് മൊഴി നല്കിയിരുന്നു. നിരവധി തവണ വിന്സെന്റ് വീട്ടമ്മയെ ഫോണില് വിളിച്ചതിന്റെ രേഖകള് പോലീസിനു നേരത്തേ ലഭിച്ചിരുന്നു. ജൂലൈ 22നാണ് എംഎല്എയെ പോലീസ് അറസ്റ്റ് ചെയ്തത്.