Click it and Unblock the Notifications
Just In
Don't Miss
-
ഉള്ളി കേടുകൂടാതെ ഫ്രഷ് ആയി കൂടുതല് കാലം സൂക്ഷിക്കാനുള്ള മാര്ഗ്ഗങ്ങള് -
IPL 2024: 20ാം ഓവര് എന്തുകൊണ്ട് യഷിന് നല്കി? രാഹുല് ധോണിയെ സഹായിച്ചു! തെളിവ് ഇതാ -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കോഴിക്കോട്ട് വീണ്ടും മാവോയിസ്റ്റ് ലഘുലേഖകള്‍, വിപ്ളവത്തിന് ആഹ്വാനം
കോഴിക്കോട്: കോഴിക്കോട്ട് വഴിയരികില്‍ വിതറിയ നിലയില്‍ മാവോയിസ്റ്റ് ലഘു ലേഖകള്‍ കണ്ടെത്തി. കേരളത്തിലും തമിഴ്‌നാട്ടിലും കര്‍ണാടകത്തിലും സായുധ വിപഌവത്തിന് ആഹ്വാനം ചെയ്യുന്നതാണ് ലഘു ലേഖകള്‍. കോഴിക്കോട് ചെറുവണ്ണൂര്‍ ചാനിയങ്കടവിലെ റോഡിലാണ് നോട്ടീസുകള്‍ കണ്ടെത്തിയത്. രണ്ട് തരത്തില്‍ പെട്ട നൂറിലധികം നോട്ടീസുകള്‍ റോഡില്‍ വിതറിയിരുന്നു.
നോട്ടീസുകളുടെ ഉറവിടത്തെപ്പറ്റിയുള്ള അന്വേഷണം പൊലീസ് ഊര്‍ജ്ജിതമാക്കിയിട്ടുണ്ട്. മാസങ്ങള്‍ക്ക് മുമ്പാണ് കോഴിക്കോട്ടെ മാധ്യമങ്ങളുടെ ന്യൂസ് ബോക്‌സ്‌നുള്ളില്‍ മാവോയിസ്റ്റുകള്‍ വീഡിയോ ടേപ്പ് നിക്ഷേപിച്ചത്. മുഖം വ്യക്തമാകാത്ത വീഡിയോയില്‍ സായുധ വിപഌവത്തിന് ആഹ്വാനം ചെയ്തിരുന്നു.
മലബാര്‍ മേഖലയില്‍ മാവോയിസ്റ്റ് സാന്നിദ്ധ്യം ഉണ്ടെന്ന സൂചനകള്‍ക്കിടെയാണ് ഇത്തരം ലഘുലേഖകള്‍ പ്രചരിയ്ക്കുന്നത്. ആദിവാസി മേഖലകളില്‍ ഇത്തരം ലഘുലേഖകള്‍ സജീവമാണ്. സായുധ വേഷത്തിലെത്തി മാവോയിസ്റ്റുകള്‍ ലഘുലേഖ വിതരണം ചെയ്തതായും സ്ഥിരീകരിയ്ക്കാത്ത റിപ്പോര്‍ട്ടുകളുണ്ട്. വയനാട് മേലേ തലപ്പുഴ പുതിയിടം ആദിവാസി കോളനിയില്‍ ചൊവ്വാഴ്ച രാത്രിയില്‍ സായുധരായെത്തിയ മാവോയിസ്റ്റുകള്‍ ലഘുലേഖ വിതരണം ചെയ്തതായാണ് റിപ്പോര്‍ട്ട്.
ആദിവാസികള്‍ക്കെതിരെ സര്‍ക്കാര്‍ കാണിയ്ക്കുന്ന അവഗണനയ്‌ക്കെതിരെ സായുധ വിപഌവത്തിലേര്‍പ്പെടണമെന്നാണ് ലഘുലേഖകളില്‍ ആഹ്വാനം ചെയ്യുന്നത്. കേരളത്തിന് പുറമെ തമിഴ്‌നാട്ടിലും കര്‍ണാടകത്തിലും സായുധ വിപഌവത്തിന് ലഘുലേഖയില്‍ ആഹ്വാനം ചെയ്യുന്നുണ്ട്.
