കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മൂവാറ്റുപുഴയിൽ മൊബൈൽഫോൺ പൊട്ടിത്തെറിച്ച് യുവാവിന് പൊള്ളലേറ്റു,പിഞ്ചുകുഞ്ഞ് രക്ഷപ്പെട്ടു

കുടുംബവുമൊത്ത് കാറിൽ സഞ്ചരിക്കുന്നതിനിടെയാണ് സിസിൽ വർഗീസിന്റെ മൊബൈൽ ഫോൺ പൊട്ടിത്തെറിച്ചത്.

Google Oneindia Malayalam News

മൂവാറ്റുപുഴ: മൊബൈൽ ഫോൺ പൊട്ടിത്തെറിച്ച് യുവാവിന് പരിക്കേറ്റു. കല്ലൂർക്കാട് ഗാന്ധിനഗർ എടശ്ശേരിയിൽ വീട്ടിൽ സിസിൽ വർഗീസിനാണ് കൈകൾക്കു പൊള്ളലേറ്റത്. ഇയാളുടെ കൈയിലുണ്ടായിരുന്ന പിഞ്ചുകുഞ്ഞ് പരിക്കേൽക്കാതെ രക്ഷപ്പെട്ടു.

കുടുംബവുമൊത്ത് കാറിൽ സഞ്ചരിക്കുന്നതിനിടെയാണ് സിസിൽ വർഗീസിന്റെ മൊബൈൽ ഫോൺ പൊട്ടിത്തെറിച്ചത്. ഫോൺ പൊട്ടിത്തെറിച്ച ഉടൻതന്നെ കൂടെയുണ്ടായിരുന്നവർ കുഞ്ഞിനെ സിസിലിന്റെ കൈയിൽ നിന്നും മാറ്റിയതിനാലാണ് പിഞ്ചുകുഞ്ഞ് രക്ഷപ്പെട്ടത്.

കാർ യാത്രയ്ക്കിടെ...

കാർ യാത്രയ്ക്കിടെ...

സിസിലും കുടുംബവും ആലുവയിൽ നിന്നും കല്ലൂർക്കാടേക്കുള്ള വീട്ടിലേക്ക് വരുമ്പോഴാണ് സംഭവമുണ്ടായത്. യാത്രയ്ക്കിടെ കാറിനുള്ളിൽ പെട്ടെന്ന് പുക കണ്ടതോടെയാണ് സംഭവം സിസിലിന്റെ ശ്രദ്ധയിൽപ്പെടുന്നത്.

ഫോൺ പൊട്ടിത്തെറിച്ചു...

ഫോൺ പൊട്ടിത്തെറിച്ചു...

കാറിനുള്ളിൽ പെട്ടെന്ന് പുക നിറഞ്ഞതോടെ യാത്രക്കാർ പരിഭ്രാന്തരായി. തുടർന്ന് എവിടെ നിന്നാണ് പുക വരുന്നതെന്ന് പരിശോധിക്കുന്നതിനിടെയാണ് കാറിനുള്ളിലുണ്ടായിരുന്ന ഫോൺ ചെറിയ ശബ്ദത്തോടെ പൊട്ടിത്തെറിച്ചത്.

പുറത്തേക്കെറിഞ്ഞപ്പോൾ പൊള്ളലേറ്റു...

പുറത്തേക്കെറിഞ്ഞപ്പോൾ പൊള്ളലേറ്റു...

ഉരുകി പുകഞ്ഞുകൊണ്ടിരിക്കുന്ന ഫോൺ കാറിന് പുറത്തേക്കെറിയാൻ ശ്രമിക്കുന്നതിനിടെയാണ് സിസിലിന്റെ കൈകൾക്ക് പൊള്ളലേറ്റത്.

പോലീസെത്തിയെങ്കിലും ഫോൺ എടുക്കാൻ തയ്യാറായില്ല..

പോലീസെത്തിയെങ്കിലും ഫോൺ എടുക്കാൻ തയ്യാറായില്ല..

കാറിനുള്ളിൽ പുക കണ്ടയുടൻ തന്നെ യാത്രക്കാർ ബഹളംവെച്ചിരുന്നു. തുടർന്ന് നാട്ടുകാരും പോലീസും സ്ഥലത്തെത്തുകയും ചെയ്തു. എന്നാൽ ഉരുകിയൊലിക്കുന്ന ഫോൺ എടുക്കാൻ പോലീസുകാർ തയ്യാറാകാതിരുന്നതോടെയാണ് സിസിൽ ഫോൺ പുറത്തേക്കെറിഞ്ഞത്.

ചികിത്സ നൽകി...

ചികിത്സ നൽകി...

ഫോൺ പുറത്തേക്കെറിയുന്നതിനിടെയാണ് സിസിലിന്റെ കൈകൾക്ക് പൊള്ളലേറ്റത്. തുടർന്ന് സിസിലിനെ രാജഗിരി ആശുപത്രിയിൽ പ്രവേശിപ്പിച്ച് പ്രാഥമിക ചികിത്സ നൽകിയ ശേഷം വിട്ടയച്ചു.

പോലീസ് അന്വേഷണവും...

പോലീസ് അന്വേഷണവും...

ഒൻപത് മാസമായി ഉപയോഗിക്കുന്ന ഫോൺ പൊട്ടിത്തെറിക്കാനുള്ള കാരണം എന്താണെന്നറിയില്ലെന്നാണ് സിസിൽ പറഞ്ഞത്. അതേസമയം, സംഭവത്തെക്കുറിച്ച് പോലീസ് അന്വേഷിക്കുന്നുണ്ട്.

കൂടുതൽ വാർത്തകൾ വൺഇന്ത്യയിലൂടെ...

കൂടുതൽ വാർത്തകൾ വൺഇന്ത്യയിലൂടെ...

കൂടുതൽ വായിക്കൂ...കൂടുതൽ വായിക്കൂ...

സൈബര്‍ ആക്രമണം?ബ്രിട്ടീഷ് എയര്‍വേയ്‌സിന്റെ കമ്പ്യൂട്ടര്‍ സംവിധാനം തകര്‍ന്നു,സര്‍വ്വീസുകള്‍ റദ്ദാക്കി!കൂടുതൽ വായിക്കൂ...

English summary
mobile phone exploded, youth got injured in muvattupuzha.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X