പെണ്‍വാണിഭക്കേസിലെ പ്രധാനി മുബീന ഒടുവില്‍ പിടിയില്‍, കൂടെ വന്ദനയും

തിരുവനന്തപുരം സ്വദേശിനിയാണ് മുബീന. പെണ്‍വാണി കേസില്‍ അറസ്റ്റിലായ ആഷികിന്റെ ഭാര്യയാണ് മുബീനയെന്നും റിപ്പോര്‍ട്ടുകളുണ്ടായിരുന്നു.

നെടുമ്പാശേരിയില്‍ വച്ച് പോലീസിനെ ആക്രമിച്ച് കടന്നത് മുബീനയാണെന്ന് ആദ്യമേ വ്യക്തമായിരുന്നു. ഇവര്‍ക്കപ്പം സഹായിയായ വന്ദന എന്ന സ്ത്രീയും പ്രായപൂര്‍ത്തിയാകാത്ത ഒരു പെണ്‍കുട്ടിയും ഉണ്ടായിരുന്നു എന്നാണ് റിപ്പോര്‍ട്ട്.

മുബീനയ്‌ക്കൊപ്പം സഹായി വന്ദനയേയും പോലീസ് അറസ്റ്റ് ചെയ്തിട്ടുണ്ട്. ഇവര്‍ക്ക് സഹായം നല്‍കിയ സുല്‍ഫിക്കര്‍ എന്ന ആളും പോലീസിന്റെ പിടിയിലായി.

തമിഴ്‌നാട്ടിലെ ഒരു ആയുര്‍വേദ റിസോര്‍ട്ടിലായിരുന്നു ഇവര്ഡ ഒളിച്ച് താമസിച്ചിരുന്നത്. ഇവിടെ നിന്നാണ് മൂന്ന് പേരേയും അറസ്റ്റ് ചെയ്തത്.

പെണ്‍വാണിഭ സംഘത്തില്‍ ഇനിയും തിരിച്ചറിയാത്ത കണ്ണികള്‍ ഏറെയുണ്ടെന്നാണ് റിപ്പോര്‍ട്ടുകള്‍. ഇതില്‍ പെടുന്ന താത്ത എന്ന് വിളിയ്ക്കപ്പെടുന്ന സ്ത്രീ ആണത്രെ മുബീനയ്ക്കും വന്ദനയ്ക്കും റിസോര്‍ട്ടില്‍ ഒളിച്ച് താമസിയ്ക്കാന്‍ വഴിയൊരുക്കിയത്.

മുബീനയെ ആണത്രെ റിസോര്‍ട്ടില്‍ വച്ച് ചിലര്‍ തിരിച്ചറിഞ്ഞത്. പല മാധ്യമങ്ങളിലും ഇവരുടെ ചിത്രം പ്രസിദ്ധീകരിച്ചിരുന്നു. ഇത് വഴിയാണ് ആളെ തിരിച്ചറിഞ്ഞത്.

തമിഴ്‌നാട് പോലീസിന്റെ സഹായത്തോടെയാണ് മുബീനയേയും കൂട്ടരേയും കേരള പോലീസ് അറസ്റ്റ് ചെയ്തത്.

വേറിട്ടൊരു വാര്‍ത്താ വായനാനുഭവത്തിന് മലയാളം വണ്‍ഇന്ത്യയുടെ ഫേസ് ബുക്ക് എക്കൗണ്ട് ലൈക്ക് ഇവിടെ ക്ലിക്ക് ചെയ്യൂ  ഫോളോ ട്വിറ്റര്‍