പീഡന പരാതിയിൽ പത്മാകരനും രാജീവനുമെതിരെ നടപടി സ്വീകരിച്ച് എൻസിപി

സംഭവത്തിൽ ഇനിയും നടപടിയുണ്ടാകുമെന്നും എൻസിപി ജനറൽ സെക്രട്ടറി കെ ആർ രാജൻ പറഞ്ഞു

കൊല്ലം: കുണ്ടറയിൽ പീഡന പരാതിയിൽ പ്രതിസ്ഥാനത്തുള്ള പാർട്ടി സംസ്ഥാന എക്സിക്യൂട്ടീവ് അംഗം പത്മാകരനെയും നാഷണലിസ്റ്റ് ലേബർ കോൺഗ്രസ് കൊല്ലം ജില്ലാ പ്രസിഡന്റ് എസ് രാജീവനുമെതിരെ നടപടി സ്വീകരിച്ച് എൻസിപി. ഇരുവരെയും പാർട്ടി അന്വേഷണ കമ്മീഷൻ ശുപാർശ പ്രകാരം ഇരുവരെയും സസ്പെൻഡ് ചെയ്തു. പരാതിയിൽ നിയമ നടപടി തുടരട്ടെയെന്നാണ് എൻസിപി അന്വേഷണ കമ്മീഷന്റെയും പാർട്ടിയുടെയും നിലപാട്. സംഭവത്തിൽ ഇനിയും നടപടിയുണ്ടാകുമെന്നും എൻസിപി ജനറൽ സെക്രട്ടറി കെ ആർ രാജൻ പറഞ്ഞു.

അതേസമയം മന്ത്രി എ.കെ ശശീന്ദ്രനെതിരെ പരാതിക്കാരി മൊഴി നൽകി. പീഡന പരാതി ഒതുക്കി തീര്‍ക്കാന്‍ മന്ത്രി ശ്രമിച്ചുവെന്ന് യുവതി പോലീസിന് മൊഴി നൽകി. ഒന്നര മണിക്കൂറോളം എടുത്താണ് യുവതിയുടെ മൊഴി പോലീസ് രേഖപ്പെടുത്തിയത്. കേസ് ഒത്തുതീര്‍പ്പാക്കാന്‍ വേണ്ടിയാണ് മന്ത്രി ഇടപെട്ടതെന്ന് യുവതി പറഞ്ഞു. ഇത് പീഡനക്കേസിലെ പ്രതിയെ രക്ഷപ്പെടുത്താനുള്ള ശ്രമമാണ്. അതുകൊണ്ട് തന്നെ കേസില്‍ മന്ത്രിയും കുറ്റക്കാരനാണെന്നും പെണ്‍കുട്ടി പോലീസിനോട് പറഞ്ഞു.

വിവാദത്തില്‍ നിയമസഭയില്‍ മന്ത്രി എകെ ശശീന്ദ്രനെ ന്യായീകരിച്ച് മുഖ്യമന്ത്രി പിണറായി വിജയന്‍. ഫോണ്‍ വിളിച്ച സംഭവത്തില്‍ മന്ത്രി എകെ ശശീന്ദ്രന്‍ തെറ്റുകാരനാണ് എന്ന് പറയാനാകില്ലെന്ന് മുഖ്യമന്ത്രി പറഞ്ഞു. തന്റെ പാര്‍ട്ടിക്കാര്‍ക്കിടയിലെ പ്രശ്‌നം പരിഹരിക്കാനുദ്ദേശിച്ചാണ് മന്ത്രി ഫോണ്‍ വിളിച്ചത് എന്നും മുഖ്യമന്ത്രി പറഞ്ഞു. ഈ വിഷയം മറ്റൊരു തലത്തിലേക്ക് എത്തിക്കാനുളള ശ്രമം ആണ് പ്രതിപക്ഷത്തിന്റെ ഭാഗത്ത് നിന്നുളളതെന്നും മുഖ്യമന്ത്രി പറഞ്ഞു.

അതിനിടെ കേസിൽ നിന്ന് പിന്നോട്ട് പോകില്ലെന്നും ഗവർണർക്ക് പരാതി നൽകുമെന്നും പരാതിക്കാരി പറഞ്ഞു. സ്വമേധനയാ ആണ് താൻ ഗവർണർക്ക് പരാതി നൽകാൻ തിരുമാനിച്ചത്. ഇതിന് തനിക്ക് നിയമോപദേശം ലഭിച്ചിട്ടുണ്ട്. തനിക്ക് ബിജെപിയുടെ പിന്തുണ ഉണ്ടെന്നും യുവതി പറഞ്ഞിരുന്നു.

അതിരപ്പള്ളിയില്‍ മഴ നനഞ്ഞ് അനാര്‍ക്കലി മരയ്ക്കാര്‍; ഹോട്ട് ചിത്രങ്ങള്‍ വൈറല്‍

Recommended Video