Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
നിസാമുമായി ആഡംബര ഹോട്ടലില്‍; അഞ്ചു പോലീസുകാരെ സസ്‌പെന്‍ഡ് ചെയ്തു
തൃശൂര്‍: സെക്യൂരിറ്റി ജീവനക്കാരനെ കാറിടിച്ചും മര്‍ദ്ദിച്ചും കൊലപ്പെടുത്തിയ കേസിലെ പ്രതി നിസാമിന് വഴിവിട്ട സഹായം ചെയ്‌തെന്നു കണ്ടെത്തിയതിനെ തുടര്‍ന്ന് അഞ്ചു പോലീസുകാര്‍ക്കെതിരെ അച്ചടക്ക നടപടി. കണ്ണൂര്‍ എ.ആര്‍ ക്യാമ്പ് എസ്.ഐ പ്രദീപ്, ജോര്‍ജ്, പ്രദീഷ്, ധനഞ്ജയന്‍, സുധീരന്‍ എന്നിവരെ സസ്‌പെന്‍ഡ് ചെയ്യാനാണ് നിര്‍ദ്ദേശം.
കേസിന്റെ വിചാരണയ്ക്കായി കണ്ണൂര്‍ സെന്‍ട്രല്‍ ജയിലില്‍ നിന്നും നിസാമിനെ തൃശൂര്‍ ജില്ലാ കോടതിയില്‍ എത്തിച്ചപ്പോള്‍ ബന്ധുക്കളെ കാണാന്‍ പോലീസ് അവസരമൊരുക്കുകയായിരുന്നു. ഇതിനായി തൃശൂര്‍ നഗരത്തിലെ ഒരു ആഡംബര ഹോട്ടലില്‍ നിസാമിനെ എത്തിച്ചു. ഒരു മണിക്കൂര്‍നേരം നിസാം ബന്ധുക്കളുമായി കൂടിക്കാഴ്ച നടത്തുകയും ചെയ്തു.
തെളിവു ലഭിക്കാതിരിക്കാനായി ഹോട്ടലിലെ സിസിടിവി പോലീസ് ഓഫ് ചെയ്യിച്ചതായും റിപ്പോര്‍ട്ടുണ്ട്. ഇക്കാര്യത്തെക്കുറിച്ച് വിവരം ലഭിച്ച ചന്ദ്രബോസിന്റെ ബന്ധുക്കളും പബ്ലിക് പ്രോസിക്യൂട്ടറും പരാതി നല്‍കിയിരുന്നു. ഇതേതുടര്‍ന്ന് ഡിജിപി നിര്‍ദ്ദേശപ്രകാരം നടത്തിയ പ്രാഥമിക പരിശോധനയ്ക്കുശേഷമാണ് പോലീസിനെതിരെ നടപടി തീരുമാനിച്ചത്.
നേരത്തെയും നിസാമിന് ഉന്നത പോലീസ് സഹായമുണ്ടായതായി റിപ്പോര്‍ട്ടുണ്ടായിരുന്നു. കോടിക്കണക്കിന് രൂപയുടെ ആസ്തിയുള്ള നിസാം കൈക്കൂലി നല്‍കി പോലീസുകാരെ വിലയ്‌ക്കെടുക്കുകയായിരുന്നെന്നാണ് കരുതുന്നത്. കടുത്തകുറ്റം ചെയ്തിട്ടും ജയിലില്‍ നിസാമിന് സൗകര്യമൊരുക്കാന്‍ ഉദ്യോഗസ്ഥര്‍ മത്സരിക്കുകയായിരുന്നു.
