കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കരാറുകാര്‍ക്കും ഉദ്യോഗസ്ഥര്‍ക്കും മുന്നില്‍ വഴങ്ങരുത്..അതിരപ്പിള്ളി ഉപേക്ഷിക്കണമെന്ന് പരിഷത്ത്

അതിരപ്പിള്ളി പദ്ധതിയുമായി മുന്നോട്ട് പോവാനാണ് സിപിഎം തീരുമാനിച്ചിട്ടുള്ളതെന്ന് വൈദ്യതി വകുപ്പ് മന്ത്രി വ്യക്തമാക്കിയിരുന്നു.

  • By Nihara
Google Oneindia Malayalam News

തൃശ്ശൂര്‍ : അതിരപ്പിള്ളി ജലവൈദ്യുത പദ്ധതി നടപ്പിലാക്കുന്നതുമായി ബന്ധപ്പെട്ട വിവാദങ്ങള്‍ തുടരുന്നതിനിടയില്‍ നിലപാട് വ്യക്തമാക്കി ശാസ്ത്ര സാഹിത്യ പരിഷത്ത്. പദ്ധതിയുമായി മുന്നോട്ട് പോകാനാണ് തീരുമാനമെന്ന് സര്‍ക്കാര്‍ അറിയിച്ചതോടെയാണ് തങ്ങളുടെ നിലപാട് വ്യക്തമാക്കി ശാസ്ത്ര സാഹിത്യ പരിഷത്ത് രംഗത്തുവന്നിട്ടുള്ളത്. ഉദ്യോഗസ്ഥര്‍ക്കും കരാറുകാര്‍ക്കും മുന്നില്‍ സര്‍ക്കാര്‍ വഴങ്ങരുതെന്ന് ശാസ്ത്ര സാഹിത്യ പരിഷത്ത് ആവശ്യപ്പെട്ടു.

അതിരപ്പിള്ളി പദ്ധതിയെ എതിര്‍ത്ത് സിപിഐ, കോണ്‍ഗ്രസ് നേതാക്കള്‍ രംഗത്തു വന്നിരുന്നു. പദ്ധതി നടപ്പാക്കാന്‍ സമ്മതിക്കില്ലെന്ന് മുസ്ലീം ലീഗും വ്യക്തമാക്കിയിരുന്നു. എന്നാല്‍ പദ്ധതിയുമായി മുന്നോട്ട് പോകാനാണ് സിപിഎമ്മിന്റെ തീരുമാനമെന്ന് വൈദ്യുതി വകുപ്പ് മന്ത്രി എംഎം മണി അറിയിച്ചിരുന്നു. വിവരമില്ലാത്തവരാണ് പദ്ധതിയെ എതിര്‍ക്കുന്നത്. ജലവൈദ്യുത പദ്ധതിയുടെ കാര്യം വന്നാല്‍ മാത്രമാണ് ജനങ്ങള്‍ പരിസ്ഥിതിയെക്കുറിച്ച് ഒാര്‍ക്കുന്നതെന്നും അദ്ദേഹം കുറ്റപ്പെടുത്തിയിരുന്നു.

Athirappilly

പദ്ധതിയുടെ പ്രാരംഭ ഘട്ട നിര്‍മ്മാണ പ്രവര്‍ത്തനങ്ങള്‍ ആരംഭിച്ചുവെന്ന വാര്‍ത്ത കഴിഞ്ഞ ദിവസം പുറത്തുവന്നിരുന്നു. ഇതിന് പിന്നാലെയാണ് വ്യാപക എതിര്‍പ്പുമായി രാഷ്ട്രീയ കക്ഷികളും നേതാക്കളും നിലപാട് വ്യക്തമാക്കി മുന്നോട്ട് വന്നത്. തുടക്കത്തില്‍ തന്നെ സിപിഎം എതിര്‍പ്പ് വ്യക്തമാക്കിയിരുന്നു. അതിരപ്പിള്ളി വിഷയത്തില്‍ ഏകപക്ഷീയമായി സര്‍ക്കാരിന് തീരുമാനമെടുക്കാന്‍ കഴിയില്ലെന്ന് വിഎസ് അച്യുതാനന്ദന്‍ വ്യക്തമാക്കിയിരുന്നു. പദ്ധതിയുമായി മുന്നോട്ട് പോകാന്‍ സര്‍ക്കാരിന് കഴിയില്ലെന്ന് ബിനോയ് വിശ്വവും വ്യക്തമാക്കിയിരുന്നു.

English summary
Prishat says to abandon Athirappilly project.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X