Click it and Unblock the Notifications
Just In
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സംഘപരിവാറിന്റെ ഭീഷണിക്ക് പിണറായി വിജയന്റെ മറുപടി, മംഗളൂരുവിലെ പരിപാടിയില്‍ പങ്കെടുക്കും....
സംഘപരിവാര്‍ വെല്ലുവിളിയെക്കുറിച്ച് തനിക്കറിയില്ലെന്നും മുഖ്യമന്ത്രി പറഞ്ഞു.
തിരുവനന്തപുരം: മംഗളൂരുവിലെ സാമുദായിക ഐക്യറാലിയില്‍ പങ്കെടുക്കുമെന്ന് മുഖ്യമന്ത്രി പിണറായി വിജയന്‍. മംഗളൂരുവിലെ പരിപാടിയില്‍ പങ്കെടുക്കുന്നതില്‍ നിന്ന് തന്നെ തടയുമെന്ന സംഘപരിവാര്‍ ഭീഷണിയെക്കുറിച്ച് അറിയില്ലെന്നും മുഖ്യമന്ത്രി വ്യക്തമാക്കി. തിരുവനന്തപുരത്ത് നടത്തിയ വാര്‍ത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്.
ഫെബ്രുവരി 25ന് മംഗളൂരുവില്‍ രണ്ട് പരിപാടികളാണ് നിശ്ചയിച്ചിട്ടുള്ളത്. ഒന്ന് മതസൗഹാര്‍ദ്ദ റാലിയാണ്,മറ്റൊന്ന് ഒരു മാധ്യമ സ്ഥാപനത്തിന്റെ ഉദ്ഘാടന ചടങ്ങും. ഈ രണ്ട് പരിപാടികളിലും പങ്കെടുക്കാനാണ് തീരുമാനം. സംഘപരിവാര്‍ വെല്ലുവിളിയെക്കുറിച്ച് തനിക്കറിയില്ലെന്നും മുഖ്യമന്ത്രി പറഞ്ഞു.
നിശ്ചയിച്ച പരിപാടികളില്‍ പങ്കെടുക്കുമോ എന്ന് മാധ്യമ പ്രവര്‍ത്തകര്‍ വീണ്ടും ചോദിച്ചപ്പോള്‍ തീര്‍ച്ചയായും പങ്കെടുക്കുമെന്നായിരുന്നു മുഖ്യമന്ത്രി വീണ്ടും മറുപടി നല്‍കിയത്. ഫെബ്രുവരി 25ന് ദക്ഷിണ കന്നഡ ജില്ലയില്‍ നടക്കുന്ന മതസൗഹാര്‍ദ്ദ റാലിയില്‍ പിണറായി വിജയന്‍ പങ്കെടുക്കുന്നതിനെതിരെയാണ് മംഗളൂരുവിലെ സംഘപരിവാര്‍ സംഘടനകളുടെ പ്രതിഷേധം.
പിണറായി വിജയനെ തടയും...
കേരളത്തിലെ ബിജെപി പ്രവര്‍ത്തകരെ കൊന്നൊടുക്കുന്നത് സിപിഎമ്മാണെന്നും, അതിന് നേതൃത്വം നല്‍കുന്നത് സിപിഎം നേതാവും കേരള മുഖ്യമന്ത്രിയുമായ പിണറായി വിജയനാണെന്നും ആരോപിച്ചാണ് സംഘപരിവാര്‍ സംഘടനകളുടെ പ്രതിഷേധം. പിണറായി വിജയനെ മംഗളൂരുവില്‍ പ്രവേശിക്കാന്‍ അനുവദിക്കില്ലെന്നാണ് വിഎച്ച്പി നേതാവ് എംബി പുരാനിക് വ്യക്തമാക്കിയത്.
പരാതി നല്‍കി...
പിണറായി വിജയന്‍ പങ്കെടുക്കുന്ന പരിപാടി നടക്കുന്ന ദിവസം മംഗളൂരു കോര്‍പ്പറേഷന്‍ പരിധിയില്‍ ഹര്‍ത്താലിനും സംഘപരിവാര്‍ ആഹ്വാനം ചെയ്തിട്ടുണ്ട്. വിഎച്ച്പി, ബംജ്‌റംഗ്ദള്‍ തുടങ്ങിയ സംഘടനകളാണ് പിണറായിക്കെതിരെ പ്രതിഷേധവുമായി രംഗത്തുള്ളത്. പിണറായി വിജയനെ പരിപാടിയില്‍ പങ്കെടുപ്പിക്കുന്നതിനെതിരെ പോലീസിനും പരാതി നല്‍കിയിട്ടുണ്ട്.
പങ്കെടുക്കുമെന്ന് പിണറായി...
എന്നാല്‍ സംഘപരിവാര്‍ വെല്ലുവിളിയെക്കുറിച്ച് തനിക്കറിയില്ലെന്നാണ് മുഖ്യമന്ത്രി തിരുവനന്തപുരത്ത് പറഞ്ഞത്. ഫെബ്രുവരി 25ന് മംഗളൂരുവില്‍ രണ്ട് പരിപാടികളാണ് നിശ്ചയിച്ചിട്ടുള്ളത്. ഒരു മതസൗഹാര്‍ദ്ദ റാലിലും, ഒരു മാധ്യമ സ്ഥാപനത്തിന്റെ ചടങ്ങും, ഈ രണ്ട് പരിപാടികളിലും പങ്കെടുക്കാനാണ് തീരുമാനമെന്നും അദ്ദേഹം വ്യക്തമാക്കി. കഴിഞ്ഞ വര്‍ഷം സംഘപരിവാര്‍ സംഘടനകളുടെ എതിര്‍പ്പ് കാരണം മധ്യപ്രദേശിലെ ചില പരിപാടികളില്‍ പങ്കെടുക്കാതെ മുഖ്യമന്ത്രിക്ക് മടങ്ങേണ്ടി വന്നിരുന്നു.
