കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സംസ്ഥാന ചരിത്രത്തിലെ ആദ്യസംഭവം;നവകേരളത്തിനായ് മുഴുവൻ വിദ്യാർത്ഥികൾക്കും മുഖ്യമന്ത്രിയുടെ കത്ത്!!

  • By Akshay
Google Oneindia Malayalam News

തിരുവനന്തപുരം: പുതിയ അധ്യയന വർഷത്തിൽ സംസ്ഥാനത്തെ മുഴുവൻ സ്‌കൂൾ കുട്ടികൾക്കും പരിസ്ഥിതി സ്നേഹവും സംരക്ഷണവും ഓർമ്മപ്പെടുത്തി മുഖ്യമന്ത്രി പിണറായി വിജയൻ കത്തയച്ചു . സംസ്ഥാന ചരിത്രത്തിൽ ആദ്യമായിട്ടാണ് കുട്ടികളിൽ പരിസ്ഥിതി സ്നേഹം വളർത്തുവാൻ ലക്ഷ്യമിട്ട് മുഴുവൻ കുട്ടികൾക്കും മുഖ്യമന്ത്രി നേരിട്ട് കത്തയക്കുന്നത് .

പ്രിയകൂട്ടുകാരേ എന്ന് സംബോധന ചെയ്തു തുടങ്ങുന്ന കത്തിൽ കാടും മലയും കുളവും പുഴയും വയലും കായലും അറബിക്കടലും ചേർന്ന് പ്രകൃതി അനുഗ്രഹിച്ച സുന്ദരമായ നമ്മുടെ കേരളം കൂടുതൽ സുന്ദരമാക്കിയാൽ എങ്ങനെയായിരിക്കും എന്ന് ചോദിക്കുന്നു . അതിനായി നമുക്ക് ചെയ്യാവുന്ന ഒരുപാട് കാര്യങ്ങളും മുഖ്യമന്ത്രി കത്തിൽ വിവരിക്കുന്നു .

Pinarayi Vijayan

കൂടുതൽ പ്രണവായുവും ജലവും ലഭിക്കാൻ കൂടുതൽ മരങ്ങൾ വെച്ച് പിടിപ്പിക്കുക , പ്ലാസ്റ്റിക് ഉപയോഗം കുറയ്ക്കുക ,പ്രകൃതിക്കു ദോഷം ചെയ്യുന്ന തരത്തിൽ കുപ്പികൾ ,കവറുകൾ ,പ്ലാസ്റ്റിക് മാലിന്യങ്ങൾ എന്നിവ വലിച്ചെറിയാതിരിക്കുക,മലിന ജലം കെട്ടിക്കിടന്നു പകർച്ചവ്യാധികൾ പടരാതെ നോക്കുക തുടങ്ങിയവയാണ് മുഖ്യമന്ത്രി കുട്ടികൾക്ക് അയച്ച കത്തിലെ പ്രധാന നിർദേശങ്ങൾ .

വിഷം കലർന്ന പച്ചക്കറികളിൽ നിന്നുള്ള മോചനത്തിനായി പരമാവധി ജൈവ വളം ഉപയോഗിച്ച് നമുക്ക് വേണ്ട പച്ചക്കറികൾ നാം തന്നെ വിളയിക്കുക . പച്ചക്കറികൾക്കായി മറ്റു സംസ്ഥാനങ്ങളെ ആശ്രയിക്കുന്നത് അങ്ങനെ ഒഴിവാക്കാനാകുമെന്നും കത്തിൽ വ്യക്തമാക്കുന്നു .

ജലസ്രോതസ്സുകൾ ശുചീകരിക്കുന്നതിനു മുൻകൈയെടുത്തു നാളത്തെ തലമുറയ്ക്ക് വേണ്ടി ജലാശയങ്ങളെ പരിപാലിക്കുക .ഒരു തുള്ളി ജലം പോലും പാഴാക്കില്ലെന്ന ഉറച്ച തീരുമാനം എടുക്കണമെന്നും മുഖ്യമന്ത്രി കുട്ടികളോട് കത്തിലൂടെ അഭ്യർത്ഥിക്കുന്നു . നല്ല ശീലങ്ങളിലൂടെ നല്ല പൗരരായി വളർന്നു നാടിനു വെളിച്ചവും മാതൃകയും ആകണമെന്നും അദ്ദേഹം കുട്ടികളെ ഉപദേശിക്കുന്നു .

പുതിയൊരു കേരളം സൃഷ്ടിക്കാൻ കുട്ടികളെ ക്ഷണിച്ചുകൊണ്ട് അവസാനിപ്പിക്കുന്ന കത്തിൽ പേരും സ്‌കൂൾ വിലാസവും സഹിതം അഭിപ്രയങ്ങളും നിർദ്ദേശങ്ങളും എഴുതി അറിയിക്കണമെന്നും മുഖ്യമന്ത്രി അഭ്യർത്ഥിക്കുന്നു .

English summary
Chief Minister Pinarayi Vijayan sent letter to students
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X