പ്ലസ് ടു വിദ്യാര്ഥിനിയെ അജ്ഞാതര് ക്രൂരമായി ആക്രമിച്ചു
പത്തനംതിട്ട: പത്തനംതിട്ടയില് പ്ലസ് ടു വിദ്യാര്ത്ഥിനിക്കെതിരെ അഞ്ജാത സംഘത്തിന്റെ മാരകമായ ആക്രമണം. പ്ലസ് ടു പരീക്ഷയുടെ റിസല്ട്ട് അറിഞ്ഞുവരികയായിരുന്ന പെണ്കുട്ടിയെ പരസ്യമായി നടുറോഡില്വെച്ച് മുഖംമൂടി ധാരികള് ആക്രമിക്കുകയായിരുന്നു. പത്തനംതിട്ട ചെന്നീര്ക്കര കോളേജ് ജംഗ്ഷനില് വെച്ച് വ്യാഴാഴ്ച വൈകിട്ടായിരുന്നു അക്രമം.
ജങ്ഷനിലെ ഒരു ഇന്റര്നെറ്റ് കഫെയില് പ്ലസ് ടു ഫലം അറിയാന് എത്തിയതായിരുന്നു പെണ്കുട്ടി. റിസല്ട്ട് അറിഞ്ഞശേഷം കഫെയില് നിന്നും പുറത്തിറങ്ങിയ ഉടനെയായിരുന്നു ആക്രമണം. ബൈക്കിലെത്തിയ രണ്ടുപേര് പെണ്കുട്ടിയെ തടഞ്ഞു നിര്ത്തുകയും ബലമായി ബ്ലേഡ്കൊണ്ട് ശരീരത്തില് വരയുകയും ചെയ്തു.
എതിര്ത്ത പെണ്കുട്ടിയെ മറ്റൊരാള് കല്ലുകൊണ്ട് മര്ദ്ദിക്കുകയും വസ്ത്രം പിടിച്ചുവലിക്കുകയും ചെയ്തതായി ദൃക്സാക്ഷികള് പറയുന്നു. പെണ്കുട്ടി രക്ഷയ്ക്കായി അലറി വിളിച്ചെങ്കിലും ആരും രക്ഷിക്കാനെത്തിയില്ല. ഇതേ തുടര്ന്ന് സമീപത്തെ ബന്ധുവീട്ടിലേക്ക് പെണ്കുട്ടി പ്രാണരക്ഷാര്ഥം ഓടിക്കയറുകയായിരുന്നു.
ഇതോടെ അക്രമികള് ബൈക്കില് രക്ഷപ്പെട്ടു. പെണ്കുട്ടി ഇപ്പോള് പത്തനംതിട്ട ജനറല് ആശുപത്രിയില് ചികിത്സയിലാണ്. അക്രമികളെക്കുറിച്ച് പോലീസിന് സൂചന ലഭിച്ചതായാണ് വിവരം. ഇവര്ക്കുവേണ്ടിയുള്ള തിരച്ചില് ആരംഭിച്ചിട്ടുണ്ട്. പെണ്കുട്ടിയെ അപായപ്പെടുത്തുകയായിരുന്നു അക്രമികളുടെ ലക്ഷ്യമെന്ന് പോലീസ് പറഞ്ഞു.