കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

'തെറ്റ് തിരുത്തി പൂന്തുറ'; ആരോഗ്യപ്രവർത്തകരെ പുഷ്പവൃഷ്ടി നടത്തി സ്വീകരിച്ച് പ്രദേശവാസികൾ

  • By Aami Madhu
Google Oneindia Malayalam News

തിരുവനന്തപുരം; സംസ്ഥാനത്ത് ആദ്യമായി കൊവിഡ് സൂപ്പർ സ്പെഡ് ആയ പൂന്തുറയിൽ പ്രദേശവാസികൾ കഴിഞ്ഞ ദിവസം ആരോഗ്യപ്രവർത്തകർക്ക് നേരെ നടത്തിയ പ്രതിഷേധവും പെരുമാറ്റവും വലിയ വിമർശനങ്ങൾക്കാണ് വഴിവെച്ചത്. പ്രതിരോധ പ്രവർത്തനങ്ങൾക്കെതിരെ ആരോഗ്യപ്രവർത്തകർക്ക് നേരെ ചുമയ്ക്കുയും തുപ്പുകയുമൊക്കെ ചെയ്തത് ദേശീയ തലത്തിൽ ഉൾപ്പെടെ വാർത്തയായിരുന്നു. എന്നാൽ ഇപ്പോഴിതാ ആ മോശം പെരുമാറ്റങ്ങൾക്കെല്ലാം പ്രായശ്ചിത്തം ചെയ്തിരിക്കുകയാണ് പൂന്തുറയിലെ ജനങ്ങൾ. പ്രദേശത്ത് ഇന്ന് ജോലിക്കെത്തിയ ആരോഗ്യ പ്രവർത്തകരെ പുഷ്പവൃഷ്ടി നടത്തിക്കൊണ്ടായിരുന്നു പ്രദേശവാസികൾ ഇന്ന് സ്വീകരിച്ചത്.

 poonthura-1594

ആരോഗ്യ പ്രവർത്തകരുടെ വാഹനങ്ങൾക്ക് നേരെ പുഷ്പ വൃഷ്ടി നടത്തി ബൊക്കളും മറ്റും നൽകിയായിരുന്നു പ്രദേശത്തുള്ളവർ സ്വീകരിച്ചത്. പൂന്തുറയിലെ വൈദികരടക്കം മുൻകൈയെടുത്താണ് സ്വീകരണം ഒരുക്കിയത്. ഇതിന്റെ ദൃശ്യങ്ങൾ സോഷ്യൽ മീഡിയയിൽ വൈറലാകുന്നുണ്ട്. വീഡിയോ പങ്കുവെച്ച് മുഖ്യമന്ത്രി പിണറായി വിജയൻ കുറിച്ച വാക്കുകൾ ഇങ്ങനെമുഖ്യമന്ത്രിയുടെ വാക്കുകൾ ഇങ്ങനെ- രാവിലെ സോഷ്യൽ മീഡിയയിലും ടിവി ചാനലുകളിലും മനോഹരമായ ഒരു ദൃശ്യം കണ്ടു. പൂന്തുറ നിവാസികൾ പൂക്കൾ വിതറി ആരോഗ്യ പ്രവർത്തകരെ വരവേൽക്കുന്ന കാഴ്ചയായിരുന്നു അത്. അതു കണ്ടപ്പോൾ ആഹ്ലാദവും ആശ്വാസവും തോന്നുകയുണ്ടായി. സൂപ്പർ സ്പ്രെഡിനെത്തുടർന്ന് കർശനമായ ലോക്ഡൗൺ ഏർപ്പെടുത്തേണ്ടി വന്ന പൂന്തുറ, മാണിക്യവിളാകം, പുത്തൻതോപ്പ് വാർഡിലെ ജനങ്ങളെല്ലാം കേരളത്തിൻ്റെ കോവിഡ്-19 പ്രതിരോധ പ്രവർത്തനങ്ങളുമായി തുടക്കം തൊട്ടു തന്നെ മികച്ച രീതിയിൽ സഹകരിച്ചു വന്നവരായിരുന്നു.

ചില ദുഷ്ടശക്തികൾ തെറ്റിദ്ധാരണ പരത്തി ആ പ്രവർത്തനങ്ങളുടെ താളം തെറ്റിക്കാൻ ശ്രമിച്ചു. അതിനെയെല്ലാം തള്ളിക്കളഞ്ഞ് പൂർണ മനസ്സോടെ ആരോഗ്യ പ്രവർത്തകർക്കും സർക്കാരിനുമൊപ്പം നിൽക്കുകയാണ് ജനങ്ങൾ ചെയ്തിരിക്കുന്നത്.സർക്കാരിനെ വിശ്വാസത്തിലെടുക്കാനും പ്രതിരോധ പ്രവർത്തനങ്ങളിൽ പങ്കെടുക്കാനും തയ്യാറായ എല്ലാ പൂന്തുറ നിവാസികളോടും ഹാർദ്ദമായി നന്ദി പറയുന്നു. ഈ മഹാമാരി സൃഷ്ടിച്ച പ്രതിസന്ധിയെ മറികടക്കാൻ നമുക്ക് ഒത്തൊരുമിച്ചു മുന്നോട്ടു പോകാം. ആ പോരാട്ടത്തിൽ നിങ്ങൾക്കു മുന്നിൽ സർക്കാരുണ്ട്, മുഖ്യമന്ത്രി കുറിച്ചു.

ആരോഗ്യമന്ത്രിയും വീഡിയോ പങ്കുവെച്ചിട്ടുണ്ട്, മന്ത്രിയുടെ വാക്കുകൾ ഇങ്ങനെ- ഈ ദൃശ്യം കാണുമ്പോൾ ഏറെ ആശ്വാസം തോന്നുന്നു. പ്രളയത്തിന്റെ നാളുകളിൽ നാടിനെ രക്ഷിക്കാൻ ഈ പ്രദേശത്തെ നിരവധി പ്രവർത്തകർ നടത്തിയ ത്യാഗപൂർണമായ പ്രവർത്തനം നമ്മുടെയെല്ലാം മനസ്സിലുണ്ട്. തുടർന്നുള്ള നാളുകളിലും ആ ഒത്തൊരുമയോടെ കോവിഡ് ബാധയിൽ നിന്ന് നമ്മുടെ നാടിനെ തിരിച്ചു കൊണ്ടുവരാം.കോവിഡ് അതിജീവന പ്രക്രിയയിൽ കാസർഗോഡ് മാതൃക ഇന്ന് ആത്മാഭിമാനത്തോടെ പറയുംപോലെ സൂപ്പർ സ്പ്രെഡ് ഉണ്ടായിട്ടും വ്യാപനത്തെ തടഞ്ഞുനിർത്താൻ കഴിഞ്ഞ ഒരു പൂന്തുറ മാതൃക ഉണ്ടെന്ന് നമുക്ക് അഭിമാനത്തോടെ പറയാൻ കഴിയണം, മന്ത്രി കുറിച്ചു.

അതേസമയം പ്രദേശത്ത് കൊവിഡ് പ്രതിരോധ പ്രവർത്തനങ്ങൾ ഊർജ്ജിതമാക്കുന്നതിന്റെ ഭാഗമായി റവന്യൂ-പോലീസ്-ആരോഗ്യ പ്രവർത്തകർ എന്നിവരെ ഉൾപ്പെടുത്തി കൊണ്ട് ഒരു ക്വിക്ക് റെസ്പോൺസ് ടീമിനെ രൂപീകരിച്ചതായി കലക്ടർ അറിയിച്ചു. ക്രിട്ടിക്കൽ കണ്ടെയ്ൻമെന്റ് സോണിലുള്ള വൈദ്യുതി, വെള്ളം, ചരക്ക് നീക്കം തുടങ്ങിയ എല്ലാ പ്രവർത്തനങ്ങളും സംഘം നിരീക്ഷിക്കും.പൂന്തുറ സെന്റ് തോമസ് സ്കൂളാണ് പുതിയ പ്രഥമഘട്ട ചികിത്സാ കേന്ദ്രം. പുതിയ കൊവിഡ് രോഗികളെ ഇവിടെയാണ് പാർപ്പിക്കുക. ഇതുവരെ നടത്തിയ 1366 ആന്റിജൻ പരിശോധനകളിൽ 262 പേർക്കാണ് മേഖലയിൽ കൊവിഡ് സ്ഥിരീകരിച്ചത്.

English summary
Poonthura natives welcomes health staffs; video viral
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X