Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
നടിയെ ഉപദ്രവിച്ചശേഷം പള്‍സര്‍ സുനി സിനിമാക്കാരുമായി ബന്ധപ്പെട്ടു; കേസില്‍ നിര്‍ണായകമാകും
കൊച്ചി: നടിയെ തട്ടിക്കൊണ്ടു പോയി ഉപദ്രവിച്ച സംഭവത്തില്‍ മുഖ്യ പ്രതിയായ പള്‍സര്‍ സുനി കൃത്യത്തിനുശേഷം ചില സിനിമാക്കാരുമായി ഫോണില്‍ ബന്ധപ്പെട്ട വിവരം പോലീസിന് ലഭിച്ചു. സുനിയുടെ ഫോണ്‍ രേഖകളില്‍ നിന്നാണ് പോലീസിന് ഇതുസംബന്ധിച്ച വിവരം ലഭിച്ചത്. പാലാരിവട്ടത്തിനടുത്താണ് പള്‍സര്‍ സുനിയും സംഘവും ഇറങ്ങിപ്പോയത്. ഇതിനുശേഷമായിരുന്നു സിനിമാക്കാരുമായി ബന്ധപ്പെട്ടതെന്നാണ് വിവരം.
നടിയെ ഭീഷണിപ്പെടുത്തി ഉപദ്രവിച്ചത് പോലീസില്‍ അറിയിക്കില്ലെന്നായിരുന്നു സുനി കരുതിയിരുന്നത്. എന്നാല്‍ സംവിധായകന്‍ ലാലിന്റെ സഹായത്തോടെ നടി പോലീസില്‍ പരാതിപ്പെട്ടത് സുനി സിനിമാക്കാരില്‍ നിന്നും അറിയുകയും ഇതോടെ സ്ഥലത്തുനിന്നും രക്ഷപ്പെടുകയുമായിരുന്നു. 30 ലക്ഷം രൂപയ്ക്കുവേണ്ടിയായിരുന്നു സുനി ക്വട്ടേഷന്‍ ഏറ്റെടുത്തത്.
നഗരത്തിനുള്ളില്‍ തമ്മനം മേഖലയിലെ ഒരു വീട്ടിലായിരുന്നു സുനിയും സംഘവും നടിയെ ഉപേക്ഷിച്ച ശേഷം രക്ഷപ്പെട്ടത്. ഇവരുടെ താവളം മനസിലാക്കിയ പോലീസ് അവിടെയെത്തിയെങ്കിലും അതിനോടകം ഇയാള്‍ രക്ഷപ്പെട്ടിരുന്നു. സിനിമാക്കാരില്‍നിന്നും ലഭിച്ച വിവരത്തിന്റെ അടിസ്ഥാനത്തിലായിരുന്നു രക്ഷപ്പെടല്‍.
പോലീസ് പിന്നിലുണ്ടെന്ന് തിരിച്ചറഞ്ഞതോടെ പള്‍സര്‍ സുനി ഫോണ്‍ സ്വിച്ച് ഓഫ് ചെയ്തിരിക്കുകയാണ്. സുനി കൊച്ചിയില്‍തന്നെ ഒളിവില്‍ കഴിയുന്നതായാണ് പോലീസിന് ലഭിച്ച വിവരം. സുനിക്കൊപ്പം സംഘത്തിലുണ്ടായിരുന്ന വടിവാള്‍ പ്രദീപും, സലീമും, നടിയുടെ ഡ്രൈവര്‍ മാര്‍ട്ടിനും ഇപ്പോള്‍ പോലീസ് കസ്റ്റഡിയിലുണ്ട്. സുനി അടുത്തദിവസം തന്നെ പിടിയിലാകുമെന്നാണ് പോലീസിന്റെ പ്രതീക്ഷ.
