Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സൂരജിന് സസ്‌പെന്‍ഷന്‍; 5 മണിക്കൂര്‍ ചോദ്യം ചെയ്തു
തിരുവനന്തപുരം: അനധികൃത സ്വത്ത് സമ്പാദന കേസില്‍ പ്രഥമദൃഷ്ട്യാ കുറ്റക്കാരനെന്ന് കണ്ടെത്തിയ പൊതുമരാമത്ത് സെക്രട്ടറി ടി.ഒ സൂരജിനെ സര്‍വീസില്‍ നിന്ന് സസ്‌പെന്‍ഡ് ചെയ്യാന്‍ ശിപാര്‍ശ. ശനിയാഴ്ച സൂരജിനെ സസ്‌പെന്‍ഡ് ചെയ്തുകൊണ്ടുള്ള ഉത്തരവ് പുറത്തിറങ്ങും. സൂരജിനെ സസ്‌പെന്‍ഡ് ചെയ്യണമെന്ന വിജിലന്‍സിന്റെ ശുപാര്‍ശ ആഭ്യന്തര സെക്രട്ടറിയും ചീഫ് സെക്രട്ടറിയും ആഭ്യന്തരമന്ത്രിയും അംഗീകരിച്ചു. മുഖ്യമന്ത്രി ഉമ്മന്‍ചാണ്ടി ഫയലില്‍ ഒപ്പുവെക്കുന്നതോടെ സസ്‌പെന്‍ഷന്‍ പൂര്‍ണമാകും.
സൂരജിന്റെ വീടുകളിലും ഓഫീസിലും കഴിഞ്ഞ ദിവസം വിജിലന്‍സ് നടത്തിയ പരിശോധനയുടെ പിന്നാലെ സൂരജിനെ ഉദ്യോഗസ്ഥര്‍ ചോദ്യം ചെയ്തു. പിടിച്ചെടുത്ത രേഖകളുടെ അടിസ്ഥാനത്തിലായിരുന്നു ചോദ്യം ചെയ്യല്‍. അഞ്ചു മണിക്കൂര്‍ നീണ്ട ചോദ്യം ചെയ്യലില്‍ പല രേഖകള്‍ സംബന്ധിച്ചും വ്യക്തമായ വിവരം നല്‍കാന്‍ സൂരജിന് കഴിഞ്ഞിട്ടില്ലെന്നാണ് റിപ്പോര്‍ട്ട്.
എറണാകുളം സ്‌പെഷ്യല്‍ സെല്‍ ഡിവൈ.എസ്.പി കെ.ആര്‍. വേണുഗോപാല്‍, ഡിവൈ.എസ്.പി എസ്.ടി. സുരേഷ് കുമാര്‍ എന്നിവര്‍ ചോദ്യം ചെയ്യലിന് നേതൃത്വം നല്‍കി. വരും ദിവസങ്ങളിലും സൂരജിനെ ചോദ്യം ചെയ്യും. സൂരജിന്റെ ബന്ധക്കളേയും കേസുമായി ബന്ധപ്പെട്ട് ചോദ്യം ചെയ്യുമെന്നാണ് വിവരം.
അതിനിടെ, സൂരജിനെതിരെ വ്യക്തമായ തെളിവുകളുണ്ടെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. കേസില്‍ ഒരു ഇടപെടലും അനുവദിക്കില്ല. വിജിലന്‍സ് കൂട്ടിലടച്ച തത്ത അല്ലെന്നും അദ്ദേഹം വ്യക്തമാക്കി. മുസ്ലീംലീഗിനെ കേസില്‍ വലിച്ചിഴയ്‌ക്കേണ്ട. ലീഗിനോ പൊതുമരാമത്തു വകുപ്പിനോ അഴിമതിയില്‍ പങ്കില്ലെന്നും രമേശ് ചെന്നിത്തല കൂട്ടിച്ചേര്‍ത്തു.
