അറസ്റ്റിലായപ്പോള് രൂപേഷ് വലിച്ചെറിഞ്ഞ ഡയറി പൊലീസിന് കിട്ടി, ഡയറിയില്...
കോയമ്പത്തൂര്: മാവോയിസ്റ്റ് നേതാവ് രൂപേഷിന്റെ ഡയറിയും സിംകാര്ഡുകളും പൊലീസ് കണ്ടെടുത്തു. കഴിഞ്ഞ ദിവസം കോയമ്പത്തൂരിലെ ഒരു ബേക്കറിയില് നിന്നുമാണ് രൂപേഷും സംഘവും അറസ്റ്റിലായത്. അറസ്റ്റിലാകുന്ന സമയം രൂപേഷ് വലിച്ചെറിഞ്ഞ ഡയറിയും സിം കാര്ഡുകളുമാണ് പൊലീസിന് ലഭിച്ചത് .
സമീപവാസികളാണ് ഇവ കണ്ടെടുത്ത് പൊലീസിനെ തിരികെ ഏല്പ്പിച്ചത് . ഡയറിയില് കേരളത്തിലെ ഏതാനും ചില മനുഷ്യാവകാശ പ്രവര്ത്തരപുടെ പേരുകളും നമ്പരുകളും രേഖപ്പെടുത്തിയിട്ടുണ്ടെന്നാണ് റിപ്പോര്ട്ട് .
പൊലീസ് ബേക്കറി വളഞ്ഞതോടെ പ്രതിരോധിയ്ക്കാതെ രൂപേഷും ഷൈനയും ഉള്പ്പെട്ട സംഘം കീഴടങ്ങുകയായിരുന്നു. മുദ്രവാക്യം മുഴക്കിയാണ് സംഘം കീഴടങ്ങിയത് . കേരള പൊലീസ് ഇവരെ ചോദ്യം ചെയ്ത് വരികയാണ്. ആദ്യഘട്ടത്തില് ചോദ്യം ചെയ്യലിനോട് സഹകരിച്ചില്ലെങ്കിലും പിന്നീട് അനുകൂലമായ നിലപാട് എടുത്തു .
രൂപേഷിനെതിരെ കേരളത്തില് മാത്രം 20ല് അധികം കേസുകള് ഉണ്ടെന്നാണ് പൊലീസ് ഭാഷ്യം . കേരളത്തിലും തമിഴ്നാട്ടിലും ഉള്പ്പടെ മാവോയിസ്റ്റ് പ്രവര്ത്തനങ്ങള്ക്ക് നേതൃത്വം നല്കുന്ന സിപിഐ മാവോയിസ്റ്റ് കമാന്ഡറാണ് രൂപേഷ് . രൂപേഷിന്റെ ഭാര്യയും മാവോവാദിയുമാണ് അറസ്റ്റിലായ സംഘത്തിലെ ഷൈന .