തിരക്കഥാകൃത്ത് എ ആര് മുകേഷ് അന്തരിച്ചു
തിരക്കഥാകൃത്ത് എആര് മുകേഷ് അന്തരിച്ചു. ഹൃദയാഘാതത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് വച്ച് ശനിയാഴ്ച രാത്രി 6 മണിയോടെയാണ് മരിച്ചത്.
കൊച്ചി: തിരക്കഥാകൃത്ത് എആര് മുകേഷ് അന്തരിച്ചു. ഹൃദയാഘാതത്തെ തുടര്ന്ന് കൊച്ചിയിലെ സ്വകാര്യ ആശുപത്രിയില് വച്ച് ശനിയാഴ്ച രാത്രി 6 മണിയോടെയാണ് മരിച്ചത്. പ്രമേഹ രോഗത്തെ തുടര്ന്ന് ഏറെനാളായി ചികിത്സയില് കഴിയുകയായിരുന്നു.
ജനുവരി ഒരു ഓര്മ്മ, ക്ഷമിച്ചു എന്നൊരു വാക്ക്, പൊന്നച്ചാമി, വിദേശി നായര് സ്വദേശി നായര് എന്നിങ്ങനെ ശ്രദ്ധേയമായ ചിത്രങ്ങള്ക്ക് കഥയും തിരക്കഥയും നിര്വ്വഹിച്ചിട്ടുണ്ട്. 1978 ല് പിജി വിശ്വംഭരന് സംവിധാനം ചെയ്ത സീമന്തിനി എന്ന ചിത്രത്തിനാണ് ആദ്യമായി തിരക്കഥ എഴുതുന്നത്.
ടാറ്റാ ഓയില് മില്സിലെ ജോലി ഉപേക്ഷിച്ചാണ് സിനിമാ രംഗത്തേക്ക് കടന്ന് വരുന്നത്. പ്രശസ്ത് തിരക്കഥാകൃത്ത് കലൂര് ഡെന്നീസിനൊപ്പം നിരവധി സിനിമകളില് പ്രവര്ത്തിച്ചിട്ടുണ്ട്. ഭാര്യ: ആശ, മക്കള്: ശ്രീലക്ഷ്മി, ശ്രീപ്രഭ, മരുമകന്: ശരത്. ശവസംസ്കാരം ഞായറാഴ്ച ഉച്ചയ്ക്ക് ഒരു മണിയ്ക്ക് പച്ചാളം ശ്മശാനത്തില് നടത്തും.