Click it and Unblock the Notifications
Just In
-
-
-
Don't Miss
-
IPL 2024: സെലക്ടര്മാരുടെ ശ്രദ്ധയ്ക്ക്! ലോകകപ്പ് ടീമിലിടം നേടാന് സാധ്യതയുള്ള പഞ്ചാബ് താരങ്ങള് -
ചാണക്യനീതി: പാമ്പിനെ പാലൂട്ടുന്നതിന് സമം, ഇവരെ കൂടെക്കൂട്ടിയാല് പ്രശ്നം നിഴല് പോലെ കൂടെ -
വ്യക്തി വൈരാഗ്യം തീർക്കാൻ നോറ; പൊട്ടിത്തെറിച്ച് അഭിഷേക്; പിറകെ നടന്ന് വെറുപ്പിക്കുന്നെന്ന് പ്രേക്ഷകരും -
ചലാൻ്റെ കാര്യത്തിൽ ഡബിൾ സെഞ്ചുറി, 270 ചലാനും ഒന്നര ലക്ഷം രൂപ പിഴയും ലഭിച്ച ലേഡി റൈഡർ -
എഫ്ഡി vs ആർഡി; പലിശ നിരക്ക്, നിക്ഷേപ കാലയളവ്, നികുതി, അപകട സാധ്യത തുടങ്ങി അറിയേണ്ടതെല്ലാം -
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
പ്രമുഖ മാധ്യമ പ്രവര്‍ത്തകന്‍ വി രാജഗോപാല്‍ അന്തരിച്ചു
കൊച്ചി: സ്‌പോര്‍ട്‌സ് ജേര്‍ണലിസത്തില്‍ മലയാളികള്‍ക്ക് പുത്തന്‍ അനുഭവങ്ങള്‍ സമ്മാനിച്ച മുതിര്‍ന്ന മാധ്യമ പ്രവര്‍ത്തന്‍ വി രാജഗോപാല്‍(63) അന്തരിച്ചു. മാതൃഭൂമി മുന്‍ ഡെപ്യൂട്ടി എഡിറ്റര്‍ ആയിരുന്നു. മാതൃഭൂമിയില്‍ നിന്ന് വിരമിച്ചതിന് ശേഷം ടിവി ന്യൂവിന്റെ എഡിറ്ററായും പ്രവര്‍ത്തിച്ചു. കോഴിക്കോട് പന്നിയങ്കര സ്വദേശിയാണ്.
വിആര്‍ജി എന്ന ചുരുക്കപ്പേരിലാണ് അറിയപ്പെട്ടിരുന്നത്. കേരളത്തില്‍ ഏറ്റവും അധികം തവണ ഒളിംപിക്‌സ് റിപ്പോര്‍ട്ട് ചെയ്തുവെന്ന റെക്കോര്‍ഡ് വി രാജഗാപോലിന്റെ പേരിലാണ്. അഞ്ച് തവണയാണ് അദ്ദേഹം കായിക മാമാങ്കമായ ഒളിംപിക്‌സ് റിപ്പോര്‍ട്ട് ചെയ്തിട്ടുള്ളത്.
ഇത് കൂടാതെ ആറ് ഏഷ്യാഡും ഒരു യൂത്ത് ഒളിംപിക്‌സും വി രാജഗോപാല്‍ മാതൃഭൂമിയ്ക്ക് വേണ്ടി റിപ്പോര്‍ട്ട് ചെയ്തു. മാതൃഭൂമിയ്ക്ക് വേണ്ടി ആദ്യമായി ഒളിംപിക്‌സ് നേരിട്ട് റിപ്പോര്‍ട്ട് ചെയ്തതും വിആര്‍ജി തന്നെ.
2013 ല്‍ ആയിരുന്നു ഡെപ്യൂട്ടി എഡിറ്റര്‍ ആയിരിക്കെ മാതൃഭൂമിയില്‍ നിന്ന് വിരമിച്ചത്. മാതൃഭൂമി എക്‌സിക്യൂട്ടീവ് എഡിറ്ററായും ജോലി ചെയ്തിട്ടുണ്ട്. മാതൃഭൂമി വാരാന്തപ്പതിപ്പില്‍ 'ഒളിംപ്യന്‍' എന്ന പേരില്‍ ദീര്‍ഘകാലം സ്‌പോര്‍ട്‌സ് കോളം കൈകാര്യം ചെയ്തിരുന്നു.
ലോകപ്രശസ്ത സ്‌പോര്‍ട്‌സ് പുരസ്‌കാരമായ ലോറസിന്റെ സെലക്ഷന്‍ പാനലില്‍ അംഗമായിരുന്ന ഏക ഇന്ത്യന്‍ മാധ്യമ പ്രവര്‍ത്തകനായിരുന്നു വി രാജഗോപാല്‍. 12 വര്‍ഷം തുടര്‍ച്ചയായി വി രാജഗോപാല്‍ ഈ സെലക്ഷന്‍ പാനലില്‍ അംഗമായിരുന്നു.
കോളേജ് വിദ്യാഭ്യാസ കാലം മുതലേ പത്രപ്രവര്‍ത്തന മേഖലയില്‍ ഉണ്ട്. രണ്ട് തവണ സ്‌പോര്‍ട്‌സ് കൗണ്‍സില്‍ പുരസ്‌കാരം ലഭിച്ചു. പ്രസ് അക്കാദിയുടെ ജനറല്‍ കൗണ്‍സില്‍ അംഗമായും പ്രവര്‍ത്തിച്ചു. പിടി ഉഷയെ കുറിച്ച് 'ഒരേ ഒരു ഉഷ' എന്ന പേരില്‍ എഴുതിയ പുസ്തകം ഏറെ ശ്രദ്ധനേടി.
കൊച്ചിയിലെ പിവിഎസ് ആശുപത്രിയില്‍ വച്ച് ജൂലായ് 7 ന് രാവിലെയായിരുന്നു അന്ത്യം. ഭാര്യ : റാണി. മക്കള്‍ നിഖില്‍, അഖില്‍.
