Click it and Unblock the Notifications
Just In
Don't Miss
-
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി -
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
തിലകന്‍ പറഞ്ഞത് സത്യമാവുന്നു!! ശ്രീനാഥിന്റേത് ആത്മഹത്യയല്ല ? ആ ഫയലുകള്‍ അപ്രത്യക്ഷം!!
2010ലാണ് ശ്രീനാഥിനെ സ്വകാര്യ ഹോട്ടല്‍ മുറിയില്‍ മരിച്ച നിലയില്‍ കണ്ടെത്തിയത്
കൊച്ചി: മലയാള സിനിമയിലെ സ്വഭാവനടന്‍മാരിലൊരാളായ ശ്രീനാഥിന്റെ മരണം സംബന്ധിച്ച് കൂടുതല്‍ ദുരൂഹത തുടരുന്നു. ഏഴു വര്‍ഷങ്ങള്‍ക്കു മുമ്പാണ് ശ്രീനാഥിനെ ഒരു സ്വകാര്യ ഹോട്ടലില്‍ മരിച്ച നിലയില്‍ കണ്ടെത്തിയത്. ശ്രീനാഥിന്റെ മരണവുമായി ബന്ധപ്പെട്ട ഫയല്‍ പോലീസ് സ്‌റ്റേഷനില്‍ നിന്നും അപ്രത്യക്ഷമായതായി വിവരം. മരണത്തില്‍ അസ്വാഭാവികതയുണ്ടെന്ന് ആരോപിച്ച് ഭാര്യ ലത രംഗത്തുവന്നിട്ടുണ്ട്. നിമയനടപടികള്‍ക്ക് ആലോചിക്കുകയാണെന്നും അവര്‍ വ്യക്തമാക്കി. ശ്രീനാഥ് ഒരിക്കലും ആത്മഹത്യ ചെയ്യില്ലെന്ന് ചൂണ്ടിക്കാട്ടി അന്തരിച്ച പ്രശസ്ത നടന്‍ തിലകന്‍ അന്നു രംഗത്തുവന്നിരുന്നു.
രേഖകള്‍ ആവശ്യപ്പെട്ടത്
ശ്രീനാഥിന്റെ മരണവുമായി ബന്ധപ്പെട്ട രേഖകള്‍ നല്‍കണമനെന്ന് വിവരാവകാശ നിയമപ്രകാരം ചിലര്‍ അപേക്ഷ നല്‍കിയിരുന്നു. ഇതിനുള്ള മറുപടിയായാണ് ഫയലുകള്‍ കാണാനില്ലെന്നു പോലീസ് അറിയിച്ചത്. കിട്ടിയാല്‍ നല്‍കാമെന്നും പോലീസ് വ്യക്തമാക്കി.
മരണം സംഭവിച്ചത്
2010 മേയിലാണ് കോതമംഗലത്തുള്ള മരിയ ഹോട്ടലിലെ 102ാം നമ്പര്‍ മുറിയില്‍ ശ്രീനാഥിനെ മരിച്ച നിലയില്‍ കണ്ടെത്തിയത്. ഞരമ്പ് മുറിച്ച് രക്തം വാര്‍ന്ന നിലയിലാണ് അദ്ദേഹം കാണപ്പെട്ടത്.മോഹന്‍ലാല്‍ നായകായ ശിക്കാര്‍ എന്ന സിനിമയില്‍ അഭിനയിക്കാനെത്തിയതായിരുന്നു ശ്രീനാഥ്.
അന്വേഷണം അവസാനിച്ചിരുന്നു
ശ്രീനാഥ് ആത്മഹത്യ ചെയ്യാന്‍ സാധ്യതയില്ലെന്ന് കുടുംബം അന്നു വ്യക്തമാക്കിയിരുന്നു. എന്നാല്‍ നാലു മാസം കൊണ്ടു ഇതുമായി ബന്ധപ്പെട്ട അന്വേഷണം പോലീസ് അവസാനിപ്പിക്കുകയായിരുന്നു. ആത്മഹത്യ തന്നെയാണെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമാണെന്നും പോലീസ് പറഞ്ഞിരുന്നു. വ്യക്തിപരമായ പ്രശ്‌നങ്ങള്‍ മൂലമാണ് ശ്രീനാഥ് ജീവനൊടുക്കിയതെന്നുമാണ് പോലീസ് കണ്ടെത്തിയത്.
തിലകന്‍ രംഗത്തുവന്നിരുന്നു
ശ്രീനാഥിന്റേത് ആത്മഹത്യയല്ല, കൊലപാതകമാണെന്ന ആരോപണവുമായി നടന്‍ തിലകന്‍ അന്നു രംഗത്തുവന്നിരുന്നു. എന്നാല്‍ ഇതേക്കുറിച്ച് അന്വേഷണമൊന്നും പിന്നീട് നടന്നില്ല.
അമ്മയില്‍ അംഗമല്ല
താരസംഘടനയായ അമ്മയില്‍ ശ്രീനാഥ് അംഗമായിരുന്നില്ല. അതുകൊണ്ടു തന്നെ അദ്ദേഹത്തിനു സിനിമയില്‍ കാര്യമായ റോളുകളും ലഭിച്ചിരുന്നില്ല. ഇതോടെ ശ്രീനാഥ് സീരിയലുകളിലാണ് ശ്രദ്ധ കേന്ദ്രീകരിച്ചിരിക്കുന്നത്.
തിരിച്ചുവരാന്‍ തയ്യാറെടുക്കവെ മരണം
സിനിമയിലേക്ക് തിരിച്ചുവരാനുള്ള തയ്യാറെടുപ്പുകള്‍ നടത്തുന്നതിനിടെയാണ് തികച്ചും അപ്രതീക്ഷിതമായി ശ്രീനാഥിന്റെ മരണം സംഭവിച്ചത്. ഒരു കാലത്തു മലയാളത്തിലെ തിരക്കേറിയ നടന്‍മാരിലൊരാളായിരുന്നു അദ്ദേഹം.
