ശില്പയുടെ മരണദിവസം സംഭവിച്ച കാര്യങ്ങള്... എല്ലാം ദുരൂഹം
തിരുവനന്തപുരം: ശില്പ ഒരിയ്ക്കലും ആത്മഹത്യ ചെയ്യില്ലെന്നാണ് മാതാപിതാക്കള് പറയുന്നത്. സിനിമയില് കൂടുതല് അവസരങ്ങള് കിട്ടിക്കൊണ്ടിരിയ്ക്കുകയായിരുന്നു. വേറെ പ്രശ്നങ്ങള് ഒന്നും തന്നെ ഉണ്ടായിരുന്നും ഇല്ല.
പിന്നെന്താണ് ശില്പയ്ക്ക് സംഭവിച്ചത്. തൊട്ടടുത്ത ദിവസം ഒരു ഗാനമേളയ്ക്ക് പോകാനായി എല്ലാം തയ്യാറാക്കി വച്ചാണ് ശനിയാഴ്ച ശില്പ വീട്ടില് നിന്ന് പുറത്തിറങ്ങിയത്. അതും ഒരു സുഹൃത്തിനൊപ്പം. പിന്നീട് എന്താണ് സംഭവിച്ചത്?
ഉച്ചയ്ക്കിറങ്ങി
ശനിയാഴ്ച ഉച്ചയ്ക്ക് 12.30 ഓടെയാണ് ശില്പ വീട്ടില് നിന്ന് പുറത്തിറങ്ങുന്നത്. ഒരു സുഹൃത്തിനൊപ്പമായിരുന്നു ഇത്.
എന്തിനാണ് പുറത്ത് പോയത്
സ്വകാര്യ ചടങ്ങുകളില് ആതിഥേയത്വേം വഹിയ്ക്കാന് ശില്പ പോകാറുണ്ടായിരുന്നു. സുഹൃത്തും ഇത്തരത്തില് ശില്പയ്ക്കൊപ്പം ഉണ്ടാകാറുണ്ട്. ശനിയാഴ്ചയും അങ്ങനെ ഒരു ചടങ്ങിനാണ് പോയത്.
രണ്ട് യുവാക്കള്
ശനിയാഴ്ച ശില്പ പങ്കെടുത്ത സ്വകാര്യ ചടങ്ങില് ഇവര്ക്കൊപ്പം രണ്ട് യുവാക്കളും ഉണ്ടായിരുന്നു. അതില് ഒരാള് ശില്പയുടെ കാമുകനാണെന്ന് റിപ്പോര്ട്ടുകളുണ്ട്.
ഫോണില് കിട്ടിയില്ല
ശനിയാഴ്ച ഉച്ചയോടെ മാതാപിതാക്കള് ശില്പയെ ഫോണില് ബന്ധപ്പെടാന് ശ്രമിച്ചു. പക്ഷേ കണക്ഷന് കിട്ടിയില്ല. അപ്പോഴാണ് കൂട്ടുകാരിയെ വിളിച്ചത്.
പിണങ്ങിപ്പോയി
ചടങ്ങിനിടെ ശില്പ പിണങ്ങിപ്പോയി എന്നാണ് കൂട്ടുകാരി മാതാപിതാക്കളോട് പറഞ്ഞത്.
എന്തിന് പണം കൊടുത്തു
വൈകുന്നേരം നാലരയോടെ ശില്പയുടെ കൂട്ടുകാരി വീട്ടിലെത്തി 300 രൂപ നല്കി. ചടങ്ങില് പങ്കെടുത്തതിന്റെ ബാക്കി തുക എന്ന് പറഞ്ഞ് പണം നല്കി ഉടന് മടങ്ങിയെന്നാണ് പറയുന്നത്.
പരസ്പരവിരുദ്ധം
വൈകുന്നേരത്തോടേയും മകള് വീട്ടിലെത്താരുന്നതോടെ വീണ്ടും കൂട്ടുകാരിയെ ബന്ധപ്പെട്ടു. അപ്പോള് പരസ്പരവിരുദ്ധ മറുപടികളാണത്രെ ലഭിച്ചത്.
മൃതദേഹം കണ്ടെടുക്കുന്നു
ശനിയാഴ്ച രാത്രി പത്തരയോടെയാണ് ശില്പയുടെ മൃതദേഹം കരമയാറില് നിന്ന് കണ്ടെടുക്കുന്നത്. ശില്പയ്ക്ക് എന്തായിരിയ്ക്കും സംഭവിച്ചിട്ടുണ്ടാവുക.