Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സെന്‍കുമാറിനെ ഒതുക്കുന്നു!! തച്ചങ്കരിയുടെ 'ഗ്രൂപ്പില്‍' ഇടമില്ല!! കേരള പോലീസില്‍ നടക്കുന്നത്....
തച്ചങ്കരിയുടെ വാട്സാപ്പ് ഗ്രൂപ്പില്‍ സെന്‍കുമാറിന് ഇടമില്ല
തിരുവനന്തപുരം: സുപ്രീം കോടതിവരെ നീണ്ട നിയമപോരാട്ടത്തിനൊടുവില്‍ ഡിജിപി സ്ഥാനം തിരിച്ചുപിടിച്ചെങ്കിലും ടിപി സെന്‍കുമാറിനെ സംബന്ധിച്ചിടത്തോളം കാര്യങ്ങള്‍ അത്ര ശുഭകരമല്ല. സെന്‍കുമാറിനെ ഒതുക്കാനുള്ള നീക്കങ്ങളാണ് അണിയറയില്‍ നടക്കുന്നതെന്നതിന്റെ പുതിയ സൂചനകള്‍ പുറത്തുവന്നു.
പോലീസ് ആസ്ഥാനത്തെ ജീവനക്കാരേയും ഉദ്യോഗസ്ഥരേയും ഉള്‍പ്പെടുത്തി ആരംഭിച്ച വാട്സാപ്പ് ഗ്രൂപ്പില്‍ സെന്‍കുമാറിനെ ഉള്‍പ്പെടുത്തിയില്ല. ഹെഡ് ക്വാട്ടേഴ്‌സ് എഡിജിപി ടോമിന്‍ തച്ചങ്കരിയാണ് ഈ ഗ്രൂപ്പ് തുടങ്ങിയത്.
320 മിനിസ്റ്റീരിയല്‍ ജീവനക്കാരെയും ഉള്‍പ്പെടുത്തിയാണ് തച്ചങ്കരി കഴിഞ്ഞ ദിവസം പുതിയ വാട്സാപ്പ് ഗ്രൂപ്പുണ്ടാക്കിയത്. പിഎച്ച്ക്യു എന്നാണ് ഗ്രൂപ്പിന്റെ പേര്. ഇതിന്റെ അഡ്മിന്‍ തച്ചങ്കരിയാണ്. 256 ജീവനക്കാരായതോടെ ഗ്രൂപ്പ് നിറഞ്ഞു. തുടര്‍ന്ന് തച്ചങ്കരി തന്നെ മറ്റൊരു ഗ്രൂപ്പ് തുടങ്ങുകയായിരുന്നു.
ഹെഡ് ക്വാട്ടേഴ്‌സ് ചുമതലക്കാരനായതിനാല്‍ ജീവനക്കാരുമായി വേഗത്തില്‍ ബന്ധപ്പെടാനും പ്രശ്‌ന പരിഹാരത്തിനുമാണ് ഗ്രൂപ്പ് ആരംഭിച്ചതെന്ന് തച്ചങ്കരി പറയുന്നു. ജീവനക്കാരുടെ ഔദ്യോഗിക, ക്ഷേമകാര്യങ്ങള്‍, പൊതുവിജ്ഞാനം എന്നിവയെക്കുറിച്ച് ഗ്രൂപ്പില്‍ സന്ദേശമയക്കാം. അടിയന്തര അവധി അപേക്ഷയും ഗ്രൂപ്പിലൂടെ നല്‍കാന്‍ അനുവാദമുണ്ട്.
സെന്‍കുമാര്‍ ഡിജിപിയായി ചുമതലയേല്‍ക്കുന്നതിനു മുമ്പ് തന്നെ അദ്ദേഹത്തെ നിരീക്ഷിക്കാനും ഫയല്‍ വിവരങ്ങല്‍ മുന്‍കൂട്ടി അറിയിക്കാനും ഉന്നത ഉദ്യോഗസ്ഥരെ സര്‍ക്കാര്‍ നിയോഗിച്ചിരുന്നു. തച്ചങ്കരി ഉള്‍പ്പെടെയുള്ള നാലു ഐപിഎസുകാര്‍ക്കായിരുന്നു ഇതിന്റെ ചുമതല.
ഡിജിപിയായി ചുമതലയേറ്റയുടന്‍ തന്നെ സെന്‍കുമാര്‍ ചില നിര്‍ണായക നീക്കങ്ങള്‍ നടത്തിയിരുന്നു. മുന്‍ മേധാവിയായ ലോക്‌നാഥ് ബെഹ്‌റയുടെ പല വിവാദ ഉത്തരവുകളും പിന്‍വലിച്ചാണ് സെന്‍കുമാര്‍ തന്റെ 'സാന്നിധ്യം' അറിയിച്ചത്.
ബെഹ്‌റ ഡിജിപിയായിരുന്നപ്പോള്‍ സംസ്ഥാനത്തെ മുഴുവന്‍ സ്‌റ്റേഷനുകളിലും ഒരു പ്രത്യേക കമ്പനിയുടെ ബ്രൗണ്‍ നിറത്തിലുള്ള പെയിന്റ് അടിക്കാന്‍ ഉത്തരവിട്ടിരുന്നു. എന്നാല്‍ സെന്‍കുമാര്‍ ഈ ഉത്തരവ് റദ്ദാക്കുകയായിരുന്നു.
പോലീസ് ആസ്ഥാനത്തെ അതീവ രഹസ്യവിഭാഗമായ ടി ബ്രാഞ്ചിലെ ജൂനിയര്‍ സൂപ്രണ്ടിനെ മാറ്റിയതാണ് സെന്‍കുമാറിന്റെ മറ്റൊരു സുപ്രധാന നടപടി. തന്നെ നിരീക്ഷിക്കാന്‍ ചുമതലപ്പെടുത്തിയവരെ സാക്ഷിയാക്കിയാണ് സെന്‍കുമാര്‍ ഉത്തരവിറക്കിയത്.
