Click it and Unblock the Notifications
Just In
Don't Miss
-
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
തൃശൂരിലെ നഴ്സുമാരുടെ സമരം തുടരുമെന്ന് സംഘടന;ആവശ്യങ്ങൾ അംഗീകരിച്ച ആശുപത്രികളിൽ സമരം പിൻവലിച്ചു...
നഴ്സുമാരുടെ സമരം ഒത്തുതീർപ്പാക്കാൻ സർക്കാരും മന്ത്രിമാരും ശ്രമിക്കുന്നതിനിടെ ചില സ്വകാര്യ ആശുപത്രി മാനേജ്മെന്റുകൾ സ്വീകരിക്കുന്ന ധിക്കാരപരമായ നടപടികളിൽ യുഎൻഎ പ്രതിഷേധം അറിയിച്ചു.
തൃശൂർ: നഴ്സുമാരുടെ ആവശ്യങ്ങൾ അംഗീകരിക്കാത്ത ആശുപത്രികളിൽ സമരം തുടരുമെന്ന് നഴ്സുമാരുടെ സംഘടനയായ യുണൈറ്റഡ് നഴ്സസ് അസോസിയേഷൻ അറിയിച്ചു. തങ്ങളുടെ ആവശ്യങ്ങൾ അംഗീകരിച്ച തൃശൂർ ദയ ആശുപത്രിയിൽ സമരം പിൻവലിച്ച് നഴ്സുമാർ ജോലിയിൽ തിരികെ പ്രവേശിച്ചെന്നും സംഘടനാ ഭാരവാഹികൾ വ്യക്തമാക്കി.
50 ശതമാനം ഇടക്കാലാശ്വാസം നൽകാമെന്ന വ്യവസ്ഥയാണ് ദയ ആശുപത്രി മാനേജ്മെന്റ് അംഗീകരിച്ചത്. ഇതുപ്രകാരം നഴ്സുമാർക്ക് 5400 രൂപ ഇടക്കാലാശ്വാസമായി ലഭിക്കും. ജൂൺ 27ന് ഐആർസി യോഗത്തിലെ തീരുമാനങ്ങളുടെ അടിസ്ഥാനത്തിൽ കരാറിൽ നിയമപരമായ ഭേദഗതികളും വരുത്തും.
അതേസമയം, നഴ്സുമാരുടെ സമരം ഒത്തുതീർപ്പാക്കാൻ സർക്കാരും മന്ത്രിമാരും ശ്രമിക്കുന്നതിനിടെ ചില സ്വകാര്യ ആശുപത്രി മാനേജ്മെന്റുകൾ സ്വീകരിക്കുന്ന ധിക്കാരപരമായ നടപടികളിൽ യുഎൻഎ പ്രതിഷേധം അറിയിച്ചു. ബഹുഭൂരിപക്ഷം സ്വകാര്യ ആശുപത്രി മാനേജ്മെന്റുകളും സമരം ഒത്തുതീർപ്പാക്കാൻ തയ്യാറായി വരുന്നുണ്ടെന്നും, പലയിടത്തും ചർച്ചകൾ പുരോഗമിക്കുകയാണെന്നും അസോസിയേഷൻ ഭാരവാഹികൾ വ്യക്തമാക്കി.
തങ്ങളുടെ ഒത്തുതീർപ്പ് വ്യവസ്ഥകൾ അംഗീകരിക്കുന്ന മുറയ്ക്ക് അതാത് ആശുപത്രികളിലെ സമരം അവസാനിപ്പിക്കുമെന്നാണ് അസോസിയേഷൻ അറിയിച്ചിരിക്കുന്നത്. വരും ദിവസങ്ങളിൽ ചില ആശുപത്രികൾ കൂടി നഴ്സുമാരുടെ ആവശ്യങ്ങൾ അംഗീകരിക്കാൻ സാധ്യതയുണ്ട്. ഇതിനിടെ നഴ്സുമാരുടെ സമരം കാരണം ജില്ലയിലെ മിക്ക സ്വകാര്യ ആശുപത്രികളുടെയും പ്രവർത്തനം താളംതെറ്റിയിരിക്കുകയാണ്. പലയിടത്തും നഴ്സിംഗ് ട്രൈയിനികളെ ഡ്യൂട്ടിയ്ക്ക് നിയോഗിച്ചാണ് രോഗികൾക്ക് സേവനം ഉറപ്പാക്കുന്നത്.
