Click it and Unblock the Notifications
Just In
Don't Miss
-
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഹൈക്കോടതി പിരിധി വിട്ടെന്ന് സുധീരന്‍; ഇനിയും സര്‍ക്കുലര്‍ അയക്കും
തിരുവനന്തപുരം: കോണ്‍ഗ്രസ് ഭരിക്കുന്ന തദ്ദേശ സ്ഥാപനങ്ങള്‍ ബാര്‍ ലൈസന്‍സ് അനുവദിക്കരുതെന്ന കെപിസിസി സര്‍ക്കുലറിനെതിരെ ഹൈക്കോടതി രംഗത്ത് വന്നപ്പോള്‍ അതിനെ അംഗീകരിക്കാന്‍ വിഎം സുധീരന്‍ തയ്യാറല്ല. സര്‍ക്കുലര്‍ നിയമവിരുദ്ധമാണെന്ന ഹൈക്കോടതി പരാമര്‍ശം അധികാരപരിധി വിട്ടിട്ടുളളതാണെന്നാണ് സുധീരന്റെ വിമര്‍ശനം.
വിഷയത്തില്‍ കെപിസിസിയുടെ നിലപാട് എന്തെന്ന് അറിയാന്‍ കോടതി തയ്യാറായില്ല. കോടതിയുടെ പരാമര്‍ശം സാമാന്യ നീതിക്ക് നിരക്കാത്തതാണെന്നും സുധീരന്‍ ആരോപിച്ചു.
ഒരു രാഷ്ട്രീയ പാര്‍ട്ടിയുടെ അധ്യക്ഷന്‍ എന്ന നിലക്ക് പ്രവര്‍ത്തകര്‍ക്ക് ഇത്തരം നിര്‍ദ്ദശങ്ങള്‍ തുടര്‍ന്നും നല്‍കുമെന്നും സുധീരന്‍ പറഞ്ഞു. കോടതി നടപടി സ്വാഭാവിക നീതിയുടെ നിഷേധമാണെന്നും അദ്ദേഹം ആരോപിച്ചു.
തദ്ദേശ സ്ഥാപനങ്ങള്‍ക്കല്ല കെപിസിസി സര്‍ക്കുലര്‍ നല്‍കിയതെന്ന് സുധീരന്‍ വിശദീകരിച്ചു. കോണ്‍ഗ്രസ് ടിക്കറ്റില്‍ മത്സരിച്ച ജയിച്ച, പാര്‍ട്ടിയുടെ പാര്‍ലമെന്ററി നേതാക്കള്‍ക്കാണ് കത്തയച്ചത്. ഇത്തരം നിര്‍ദ്ദേശങ്ങള്‍ നല്‍കാന്‍ പാര്‍ട്ടിക്ക് അധികാരമുണ്ടെന്നും സുധീരന്‍ വ്യക്തമാക്കി.
രാഷ്ട്രീയ പാര്‍ട്ടികളുടെ സംഘടനാ സ്വാതന്ത്ര്യം ആരുടെ മുന്നിലും അടിയറവ് വക്കില്ല. സര്‍ക്കാരിന്റെ നയരൂപീകരണത്തില്‍ രാഷ്ട്രീയ പാര്‍ട്ടികള്‍ക്ക് വലിയ പങ്കുണ്ട്. ജനന്മ മുന്‍നിര്‍ത്തിയാണ് ബാര്‍ വിഷയത്തില്‍ സര്‍ക്കുലര്‍ പുറത്തിറക്കിയതെന്നും സുധീരന്‍ വിശദീകരിച്ചു.
