കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കെടി ജലീലിന് എന്തുപറ്റി; എംഎല്‍എ പദവി തെറിക്കുമോ? പ്രതിപക്ഷം സ്പീക്കറെ സമീപിച്ചാല്‍...

Google Oneindia Malayalam News

കൊച്ചി: കശ്മീര്‍ വിവാദത്തിന്റെ പശ്ചാത്തലത്തില്‍ കുരുക്കിലായ കെടി ജലീല്‍ എംഎല്‍എ ഡല്‍ഹിയിലെ പരിപാടികളില്‍ പങ്കെടുക്കാതെ നാട്ടിലെത്തിയിരിക്കെ പ്രതിഷേധം കൂടുതല്‍ ശക്തമാക്കാന്‍ സംഘപരിവാര്‍ സംഘടനകള്‍. കേരളത്തില്‍ പ്രതിഷേധ പ്രകടനത്തിന് ഹിന്ദു ഐക്യവേദി ആഹ്വാനം ചെയ്തു. കര്‍ശനമായ നടപടി ഉണ്ടാകുംവരെ നിയമ പോരാട്ടവും സമരവും തുടരുമെന്ന് കേന്ദ്രമന്ത്രി വി മുരളീധരന്‍ പറഞ്ഞു.

തവനൂര്‍ മണ്ഡലത്തില്‍ ഉപതിരഞ്ഞെടുപ്പിനുള്ള സാഹചര്യമാണ് വരുന്നതെന്ന് കോണ്‍ഗ്രസ് നേതാവ് ഷാനിമോള്‍ ഉസ്മാന്‍ സൂചിപ്പിച്ചു. ഡല്‍ഹിക്ക് പുറമെ കേരളത്തിലും കെടി ജലീലിനെതിരെ പരാതി നല്‍കാന്‍ ബിജെപി ആലോചിക്കുന്നുണ്ട്. ഈ ഘട്ടത്തില്‍ പ്രതിപക്ഷം സ്വീകരിക്കുന്ന നിലപാട് നിര്‍ണായകമാകും. പ്രതിപക്ഷം സ്പീക്കറെ സമീപിച്ചാല്‍ കെടി ജലീല്‍ വെട്ടിലാകുമെന്നാണ് വിദഗ്ധര്‍ പറയുന്നത്....

1

കെടി ജലീലിനെതിരെ ഡല്‍ഹി പോലീസില്‍ ബിജെപി പ്രവര്‍ത്തകനായ അഭിഭാഷകന്‍ പരാതി നല്‍കിയിട്ടുണ്ട്. ഈ പരാതിയില്‍ പോലീസ് നടപടിയുണ്ടായേക്കുമെന്ന അഭ്യൂഹങ്ങള്‍ക്കിടെയാണ് ജലീല്‍ തിടുക്കത്തില്‍ കേരളത്തിലേക്ക് പോന്നത്. ഇന്ന് പുലര്‍ച്ചെ മൂന്ന് മണിക്കാണ് ജലീല്‍ കൊച്ചിയിലേക്ക് പുറപ്പെട്ടത്. വീട്ടില്‍ നിന്ന് വിളി വന്നതോടെയാണ് ജലീല്‍ നാട്ടിലേക്ക് പോയതെന്ന് എംഎല്‍എ സംഘത്തിന് നേതൃത്വം നല്‍കിയ എസി മൊയ്തീന്‍ പറഞ്ഞു.

2

ജലീലിന്റെ കശ്മീര്‍ പരാമര്‍ശം രാജ്യത്തിന്റെ അഖണ്ഡതയ്ക്ക് എതിരാണ് എന്ന അഭിപ്രായം പ്രതിപക്ഷ നേതാക്കളും പങ്കുവച്ചിരുന്നു. ജലീല്‍ മാപ്പ് പറയണമെന്നാണ് വിഡി സതീശന്‍ ആവശ്യപ്പെട്ടത്. എസി മൊയ്തീന്‍ അധ്യക്ഷനായ നിയമസഭാ കമ്മിറ്റി അംഗം എന്ന നിലയിലാണ് ജലീല്‍ കശ്മീര്‍ ഉള്‍പ്പെടെ സന്ദര്‍ശിച്ചത്. ഈ വേളയില്‍ പാലിക്കേണ്ട ചട്ടങ്ങള്‍ ജലീല്‍ ലംഘിച്ചുവെന്നാണ് ആക്ഷേപം.

രാജ്യ തലസ്ഥാനം വാരണാസിയിലേക്ക് മാറ്റും; അഹിന്ദുക്കള്‍ക്ക് വോട്ടില്ല... 'ഹിന്ദുരാഷ്ട്ര' ഭരണഘടന തയ്യാറാക്കുന്നുരാജ്യ തലസ്ഥാനം വാരണാസിയിലേക്ക് മാറ്റും; അഹിന്ദുക്കള്‍ക്ക് വോട്ടില്ല... 'ഹിന്ദുരാഷ്ട്ര' ഭരണഘടന തയ്യാറാക്കുന്നു

3

കേരളത്തിന് പുറത്ത് നിയമസഭാ കമ്മിറ്റിയുടെ ഭാഗമായി പോകുമ്പോള്‍ എംഎല്‍എ എന്ന നിലിയിലുള്ള ചില പെരുമാറ്റ ചട്ടങ്ങള്‍ സമിതി അംഗങ്ങള്‍ പാലിക്കേണ്ടതുണ്ട്. പെരുമാറ്റ ചട്ടത്തിലെ 27, 49 വകുപ്പുകള്‍ക്ക് വിരുദ്ധമായി ജലീല്‍ പെരുമാറി എന്ന ആക്ഷേപം പ്രതിപക്ഷത്തിന് ഉന്നയിക്കാന്‍ സാധിക്കും. ഇക്കാര്യത്തില്‍ പ്രതിപക്ഷം പരാതി നല്‍കിയാല്‍ സ്പീക്കര്‍ക്ക് ജലീലിനെതിരെ നടപടി എടുക്കേണ്ടി വരും.

4

ജലീലിന് സിപിഎം പിന്തുണ ഈ വിഷയത്തില്‍ കിട്ടിയില്ല എന്നതാണ് എടുത്തുപറയേണ്ടത്. തുടര്‍ച്ചയായി അദ്ദേഹം പാര്‍ട്ടിയെ വെട്ടിലാക്കുന്നുവെന്ന അഭിപ്രായം നേതാക്കളില്‍ പലര്‍ക്കുമുണ്ട്. എആര്‍ നഗര്‍ സഹകരണ ബാങ്ക് വിവാദം, മാധ്യമം പത്രത്തിനെതിരെ യുഎഇ അധികാരികള്‍ക്ക് കത്ത് നല്‍കിയ സംഭവം എന്നീ വിഷയങ്ങളിലും മുഖ്യമന്ത്രി ഉള്‍പ്പെടെ ജലീലിനെ തള്ളിപ്പറഞ്ഞിരുന്നു.

5

എആര്‍ നഗര്‍ സഹകരണ ബാങ്ക് വിവാദത്തില്‍ ഇഡി അന്വേഷണം ആവശ്യപ്പെട്ട ജലീലിന്റെ നടപടി സിപിഎമ്മിനോട് ആലോചിച്ചിട്ടായിരുന്നില്ല. മുസ്ലിം ലീഗിനെതിരായ നീക്കത്തിന്റെ ഭാഗമായിട്ടാണ് ജലീല്‍ ഇടപെട്ടതെങ്കിലും സഹകരണ മേഖലയെ മൊത്തം സംശയ നിഴലിലാക്കുന്ന നടപടിയാണ് ജലീലിന്റേത് എന്ന ആക്ഷേപം സിപിഎമ്മില്‍ ഉയര്‍ന്നിരുന്നു. മാധ്യമത്തിനെതിരായ ജലീലിന്റെ നീക്കവും പാര്‍ട്ടി നേതൃത്വം തള്ളിയിരുന്നു. ഇപ്പോള്‍ മൂന്നാമത്തെ വിവാദമാണ് അദ്ദേഹമുണ്ടാക്കിയിരിക്കുന്നത്.

ഡല്‍ഹി പരിപാടികള്‍ റദ്ദാക്കി; കെടി ജലീല്‍ കേരളത്തിലെത്തി, പ്രതിഷേധം ശക്തമാക്കാന്‍ ഹിന്ദു ഐക്യവേദിഡല്‍ഹി പരിപാടികള്‍ റദ്ദാക്കി; കെടി ജലീല്‍ കേരളത്തിലെത്തി, പ്രതിഷേധം ശക്തമാക്കാന്‍ ഹിന്ദു ഐക്യവേദി

6

ജലീലിനെതിരെ കേരളത്തിലും പോലീസില്‍ പരാതിപ്പെടാന്‍ ബിജെപി ആലോചിക്കുന്നുണ്ട്. പ്രതിപക്ഷം സ്പീക്കര്‍ക്ക് പരാതി നല്‍കുക കൂടി ചെയ്താല്‍ നിയമസഭയ്ക്ക് അകത്തും പുറത്തും ജലീല്‍ വെട്ടിലാകും. ഒരു പക്ഷേ അദ്ദേഹത്തിന്റെ എംഎല്‍എ പദവി വരെ നഷ്ടമാകുന്ന സാഹചര്യത്തിലേക്ക് എത്താം. ഇക്കാര്യം ഷാനിമോള്‍ ഉസ്മാന്‍ പൊതുപരിപാടിയില്‍ പ്രസംഗിക്കവെ സൂചിപ്പിക്കുകയും ചെയ്തു.

7

കെടി ജലീലിനെ മുഖ്യമന്ത്രി പിണറായി വിജയന്‍ സംരക്ഷിക്കുന്നു എന്ന അഭിപ്രായമാണ് പല വിഷയത്തിലും എല്‍ഡിഎഫിലെ കക്ഷികള്‍ക്ക് തന്നെയുള്ളത്. എന്നാല്‍ മാധ്യമം വിഷയത്തില്‍ ജലീലിനെ തള്ളിയാണ് മുഖ്യമന്ത്രി പ്രതികരിച്ചത്. കശ്മീര്‍ വിഷയത്തില്‍ സിപിഎമ്മിന്റെ നിലപാടല്ല ജലീല്‍ പറഞ്ഞതെന്ന് മന്ത്രി എംവി ഗോവിന്ദനും പ്രതികരിച്ചിരുന്നു. ഇതോടെ ജലീലിന്റെ നില കൂടുതല്‍ പരുങ്ങലിലാകുകയാണ്.

English summary
What Will Be KT Jaleel Political Future? UDF Can to Approach Kerala Assembly Speaker
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X