നൂറ് കോടി യാഹൂ അക്കൗണ്ടുകള് ചോര്ന്നു; ഉപഭോക്താക്കളോട് പാസ്വേഡ് മാറ്റാന് ആവശ്യപ്പെട്ടു
വ്യക്തി വിവരങ്ങള് ചോദിക്കുന്ന മെയിലുകള്ക്ക് മറുപടി നല്കാതിരിക്കുക, സംശയകരമായ ലിങ്കുകളില് ക്ലിക്ക് ചെയ്യാതിരിക്കുക തുടങ്ങിയ നിര്ദേശങ്ങളും യാഹു ഉപഭോക്താക്കല്ക്ക് നല്കിയിട്ടുണ്ട്.
സൈബര് ലോകത്തെ ഞെട്ടിച്ചുകൊണ്ട് വീണ്ടുമൊരു ഹാക്കിങ്ങ്. 2013 ല് നൂറുകോടി ഉപഭോക്താക്കളുടെ അക്കൗണ്ട് ചോര്ന്നിട്ടുണ്ടെന്ന വെളിപ്പെടുത്തലുമായി യാഹുവാണ് രംഗത്തുവന്നിട്ടുള്ളത്. 2014 ലെ അക്കൗണ്ട് ചോര്ത്തല് സംബന്ധിച്ച് സെപ്റ്റംബറിലാണ് യാഹു വെളിപ്പെടുത്തിയത്. അന്ന് 50 കോടി അക്കൗണ്ടുകളിലെ സ്വകാര്യ വിവരങ്ങളാണ് ചോര്ന്നത്.നൂറുകോടി ഉപഭോക്താക്കളുടെ വിവരങ്ങളാണ് 2013 ല് ചോര്ന്നിട്ടുള്ളത്. 50 കോടിയിലേറെ ആള്ക്കാരുടെ വിവരങ്ങള് 2014 ല് ചോര്ന്നിരുന്നുവെന്ന് യാഹു സെപ്റ്റംബറില് വെളിപ്പെടുത്തിയിരുന്നു.
പേരുകള്, ഫോണ് നമ്പറുകള്, പാസ് വേഡുകള്, ഇമെയില് എന്നിവയാണ് ഹാക്കര്മാര് ചോര്ത്തിയത്. എന്നാല് ഉപഭോക്താക്കളുടെ ബാങ്ക് അക്കൗണ്ട് വിവരങ്ങളും ക്രെഡിറ്റ് കാര്ഡ് വിവരങ്ങളും ചോര്ത്തപ്പെട്ടവയില് ഇല്ലെന്നാണ് യാഹു വിവരം നല്കിയിട്ടുള്ളത്. പോലീസ് ഇത് സംബന്ധിച്ച് അന്വേഷണം നടത്തുന്നുണ്ടെന്ന് യാഹു ഏറ്റെടുത്ത വെരിസോണ് അറിയിച്ചു.
ഹാക്കിങ്ങില് നിന്നും സുരക്ഷ നേടുന്നതിനായി ഉപഭോക്താക്കള് അവരുടെ അക്കൗണ്ട് പാസ് വേഡും ക്വസ്റ്റനും മാറ്റണമെന്ന് യാഹു അറിയിച്ചിട്ടുണ്ട്. വ്യക്തി വിവരങ്ങള് ചോദിക്കുന്ന മെയിലുകള്ക്ക് മറുപടി നല്കാതിരിക്കുക, സംശയകരമായ ലിങ്കുകളില് ക്ലിക്ക് ചെയ്യാതിരിക്കുക തുടങ്ങിയ നിര്ദേശങ്ങളും യാഹു ഉപഭോക്താക്കള്ക്ക് നല്കിയിട്ടുണ്ട്.