കോഴിക്കോട് വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

വൈവിധ്യങ്ങള്‍ നശിപ്പിച്ചാല്‍ മുറിവേല്‍ക്കുന്നത് സ്വാതന്ത്ര്യത്തിന്; കാന്തപുരം

Google Oneindia Malayalam News

കോഴിക്കോട്: വൈവിധ്യങ്ങള്‍ രാജ്യത്തിന്റെ അലങ്കാരമാണെന്നും അത് നശിപ്പിച്ച് ഒന്ന് മറ്റൊന്നിന് മേല്‍ ആധിപത്യം നേടാന്‍ ശ്രമിച്ചാല്‍ മുറിവേല്‍ക്കുന്നത് സ്വാതന്ത്ര്യത്തിനാമെന്ന് കാന്തപുരം എപി അബൂബക്കര്‍ മുസ്ല്യാര്‍. സ്വാതന്ത്ര്യദിനാഘോഷത്തോട് അനുബന്ധിച്ച് ഫേസ്ബുക്ക് പേജില്‍ നല്‍കിയ സന്ദേശത്തിലാണ് അദ്ദേഹം ഇക്കാര്യം ഉണര്‍ത്തിയത്. ജാതി-മത ഭേദമന്യേ എല്ലാ ഇന്ത്യക്കാരും ഐക്യത്തോടെ ശ്രമിച്ചതിന്റെ ഫലമാണ് സ്വാതന്ത്ര്യം. വൈദേശിക ശക്തികളെ തുരത്താന്‍ സാധിച്ചത് ഒറ്റക്കെട്ടായ ശ്രമത്തിലൂടെയാണ്. അതുകൊണ്ടുതന്നെ എല്ലാവര്‍ക്കും സ്വാതന്ത്ര്യം ആഘോഷിക്കാന്‍ അവകാശമുണ്ട്. അത് നിഷേധിക്കാന്‍ ശ്രമിക്കുന്നത് നീതിക്ക് എതിരാണ്....

a

നിയമപരിധിയില്‍ നിന്നുകൊണ്ടുവേണം എല്ലാവരും പ്രവര്‍ത്തിക്കാന്‍. അതിരുവിട്ട പ്രവര്‍ത്തനങ്ങള്‍ക്ക് നമ്മുടെ സ്വാതന്ത്ര്യ ചിന്തകള്‍ കാരണമാകരുത്. ഐക്യം കാത്തുസൂക്ഷിക്കാന്‍ ഭരണാധികാരികള്‍ ശ്രമിക്കണം. കോടിക്കണക്കിന് ജനങ്ങളെ ഒരുമിപ്പിച്ച് നിര്‍ത്തുന്ന വികാരമാണ് ഇന്ത്യ. വൈവിധ്യം ഇല്ലാതാക്കാന്‍ ആരും ശ്രമിക്കരുത്. വൈവിധ്യം നിലനില്‍ക്കുമ്പോഴാണ് സ്വാതന്ത്ര്യം എല്ലാവര്‍ക്കും സന്തോഷത്തോടെ അനുഭവിക്കാന്‍ കഴിയുന്നതെന്നും കാന്തപുരം പറഞ്ഞു. അദ്ദേഹത്തിന്റെ സന്ദേശത്തിന്റെ പൂര്‍ണ രൂപം ഇങ്ങനെ...

കെടി ജലീലിന് എന്തുപറ്റി; എംഎല്‍എ പദവി തെറിക്കുമോ? പ്രതിപക്ഷം സ്പീക്കറെ സമീപിച്ചാല്‍...കെടി ജലീലിന് എന്തുപറ്റി; എംഎല്‍എ പദവി തെറിക്കുമോ? പ്രതിപക്ഷം സ്പീക്കറെ സമീപിച്ചാല്‍...

ജാതി മത ഭേദമന്യേ ഇന്ത്യക്കാര്‍ എന്ന ഒറ്റപരിഗണയില്‍ എല്ലാ വിഭാഗം ജനങ്ങളും ഒത്തുചേര്‍ന്ന് പരിശ്രമിച്ചതിന്റെ ഫലമായാണല്ലോ നമുക്ക് വൈദേശിക ശക്തികളില്‍ നിന്നും സ്വാതന്ത്ര്യം ലഭിച്ചത്.
ഇന്ത്യക്കാര്‍ മുഴുവന്‍ ഒന്നായി നേടിയെടുത്തപോലെ അത് ആസ്വദിക്കാനും മുഴുവന്‍ ഇന്ത്യക്കാര്‍ക്കും അവകാശമുണ്ട്. ആ അവകാശം ആരെങ്കിലും ആര്‍ക്കെങ്കിലും നിഷേധിക്കാന്‍ ശ്രമിക്കുന്നത് രാജ്യത്തിന്റെ നന്മക്കും നീതിക്കും എതിരാണ്.

രാജ്യം സ്വതന്ത്ര റിപ്പബ്ലിക് ആണെന്ന് കരുതി എന്തും ചെയ്യാനുള്ള സ്വാതന്ത്ര്യം ആര്‍ക്കുമില്ല. ഭരണഘടനയും നിയമവും അനുവദിക്കുന്ന രൂപത്തില്‍, മറ്റാരുടെയും സ്വസ്ഥത ഹനിക്കാത്ത രീതിയിലാവണം ഏവരുടെയും ഇടപെടല്‍. അക്രമത്തിലേക്കും അനീതിയിലേക്കും നീങ്ങുന്ന വിധത്തിലുള്ള അതിരുവിട്ട പ്രവര്‍ത്തനങ്ങള്‍ ചെയ്യാനുള്ള പ്രേരകമാവരുത് നമ്മുടെ ഉള്ളിലുള്ള സ്വാതന്ത്ര്യ ചിന്തകള്‍.
എപ്പോഴും മറ്റേത് രാജ്യത്തിന് മുമ്പിലും ഐക്യവും അഖണ്ഡതയും നഷ്ടമാകാത്ത രൂപത്തില്‍ ഇന്ത്യാ രാജ്യത്തെ ഉയര്‍ത്തിക്കൊണ്ടുവരാന്‍ ഏത് കാലത്തുമുള്ള ഭരണാധികാരികള്‍ ശ്രമിക്കുകയും പ്രവര്‍ത്തിക്കുകയും വേണം.

വൈജാത്യങ്ങള്‍ ഉള്‍ക്കൊണ്ട് കോടിക്കണക്കിന് ജനങ്ങളെ ഒരുമിച്ചു നിര്‍ത്തുന്ന വികാരമാണ് ഇന്ത്യ. വൈജ്യാത്യങ്ങളെ നശിപ്പിക്കാനും ഒന്നിന് മീതെ മേല്‍ക്കോയ്മ നേടാന്‍ അതിരുവിട്ട പ്രവര്‍ത്തനങ്ങള്‍ നടത്താനും ശ്രമിക്കുമ്പോള്‍ സ്വസ്ഥ ജീവിതത്തിനും സ്വാതന്ത്ര്യത്തിനുമാണ് മുറിവേല്‍ക്കുന്നത്. വൈജ്യാത്യങ്ങള്‍ നിലനില്‍ക്കുമ്പോഴാണ് രാജ്യത്തിന്റെ സ്വാതന്ത്ര്യം എല്ലാവര്‍ക്കും സന്തോഷത്തോടെ അനുഭവിക്കാന്‍ കഴിയുന്നത്.

കാന്തപുരം എപി അബൂബക്കര്‍ മുസ്ലിയാര്‍
ഗ്രാന്‍ഡ് മുഫ്തി, ഇന്ത്യ

Kozhikode
English summary
Kanthapuram AP Aboobackar Musliar Independence Day Message
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X