എന്‍ഡിആര്‍എഫും മത്സ്യത്തൊഴിലാളികളും: ഏത് അടിയന്തര സാഹചര്യവും നേരിടാൻ റാന്നി തയ്യാര്‍

പത്തനംതിട്ട: കക്കി ഡാം തുറന്നു വിട്ട സാഹചര്യത്തിൽ റാന്നി മണ്ഡലത്തിലെ സുരക്ഷ സംവിധാനങ്ങള്‍ പരിശോധിച്ച് സ്ഥലം എംഎല്‍എ പ്രമോദ് നാരായണന്‍. ഡാമിൽ നിന്നും ഒഴുകിവരുന്ന ജലം കടന്ന് പോകുന്ന വിവിധ പ്രദേശങ്ങൾ രാവിലെ മുതൽ എംഎല്‍എയുടെ നേതൃത്വത്തിലുള്ള സംഘം നിരീക്ഷിച്ച് വരികയാണ്. പഞ്ചായത്തു പ്രസിഡന്റ് -ജനപ്രതിനിധി കൾ-റവന്യൂ-പോലീസ്- ആരോഗ്യ വകുപ്പ് ഉദ്യോഗസ്ഥരുടെ യോഗങ്ങൾ ഓരോ പ്രദേശത്തും വിളിച്ചു ചേർത്തു എടുത്തിരിക്കുന്ന മുൻകരുതലുകൾ വിലയിരുത്തുന്നുണ്ട്.

ഏത് അടിയന്തര സാഹചര്യവും നേരിടാൻ പത്തനംതിട്ട ജില്ലാ ഭരണകൂടവും,റാന്നിയിലെ സർക്കാർ സംവിധാനങ്ങളും,സന്നദ്ധ പ്രവർത്തകരും സുസജ്ജമാണ്. എന്‍ ഡി ആര്‍എഫിന്റെ സംഘങ്ങളും,രക്ഷാ പ്രവർത്തനത്തിന് ബോട്ടുമായി എത്തിയിട്ടുള്ള കേരളത്തിന്റെ സൈന്യമായ മത്സ്യ തൊഴിലാളികളുടെ സംഘവും നമ്മുക്കൊപ്പമുണ്ടെന്നും എംഎല്‍എ അറിയിച്ചു.

Recommended Video

പാമ്പായാറിന്റെ തീരത്തെ അപകട സാധ്യതയുള്ള സ്ഥലങ്ങളിൽ നിന്നും ആളുകള പൂർണമായും സുരക്ഷിത സ്ഥാനങ്ങളിലേക്ക് മാറ്റുവാൻ നമ്മുക്ക് കഴിഞ്ഞിട്ടുണ്ട്. ആരും സാഹസങ്ങൾക്ക്‌ മുതിരാതെ ആറിന്റെ തീരത്തു നിന്നും അകലം പാലിക്കുകയും,ജാഗ്രത നിർദേശങ്ങൾ കർശനമായി പാലിക്കുകയും വേണം. നിലവിൽ യാതൊരു വിധത്തിലുള്ള ആശങ്കയുടെയും സാഹചര്യമില്ല.വ്യാജ പ്രചരണങ്ങൾക്കു ചെവികൊടുക്കരുത്. ആർക്കെങ്കിലും അടിയന്തര സഹായം അനിവാര്യമായി വന്നാൽ സഹായത്തിനായി റാന്നിയിലെ കണ്ട്രോൾ റൂമുമായി ബന്ധപ്പെടാവുന്നതാണെന്നും എംഎല്‍എ അറിയിച്ചു. (ബന്ധപ്പെടേണ്ട ഫോൺ നമ്പറുകൾ 9446491206, 8921596701).

ഓരോ വീഴ്ചയ്ക്ക് ശേഷവും ഉയര്‍ച്ചയുണ്ടാകുമെന്ന് അമേയ, പൊളി ഫോട്ടോഷൂട്ടെന്ന് ആരാധകര്‍

കക്കി-ആനത്തോട് ഡാമിന്റെ രണ്ടു ഷട്ടറുകള്‍ രാവിലെ 11 മണിക്കു ശേഷമായിരുന്നു ക്രമാനുഗതമായി ഉയര്‍ത്തിയത്. 100 കുമക്‌സ് മുതല്‍ 200 കുമക്‌സ് വരെ ജനവാസ മേഖലകളില്‍ പരമാവധി 15 സെന്റിമീറ്ററില്‍ കൂടുതല്‍ ജലനിരപ്പ് ഉയരാത്ത തരത്തലാണ് ജലം പമ്പാ നദിയിലേക്ക് ഒഴുക്കി വിടുന്നത്. ഡാം തുക്കുന്ന സാഹചര്യത്തില്‍ പമ്പാനദിയുടെ തീരത്തുള്ള തദ്ദേശസ്വയംഭരണ സ്ഥാപനങ്ങള്‍ മൈക്ക് അനൗണ്‍സ്‌മെന്റ് മുഖേന ജനങ്ങള്‍ക്ക് ജാഗ്രതാ നിര്‍ദേശം നല്‍കിയിരുന്നു.

കെഎസ്ഇബി ലിമിറ്റഡിന്റെ അധീനതയിലുള്ളതും ശബരിഗിരി ജലവൈദ്യുത പ്രോജക്ടിന്റെ പരിധിയിലുള്ളതുമായ കക്കി-ആനത്തോട് റിസര്‍വോയറിന്റെ പരമാവധി ജലസംഭരണശേഷി 981.46 മീറ്ററാണ് (സമുദ്രനിരപ്പില്‍ നിന്നും). കെഎസ്ഇബി ലിമിറ്റഡ് നിശ്ചയിച്ചിട്ടുള്ളതും ജില്ലാ ദുരന്ത നിവാരണ അതോറിറ്റി അംഗീകരിച്ച് നല്‍കിയിട്ടുള്ളതുമായ 2021 ഒക്ടോബര്‍ 11 മുതല്‍ 20 വരെയുള്ള കാലയളവില്‍ റിസര്‍വോയറില്‍ സംഭരിക്കുവാന്‍ അനുവദിക്കപ്പെട്ട പരമാവധി ജലനിരപ്പ് (അപ്പര്‍ റൂള്‍ ലെവല്‍) 978.83 മീറ്റര്‍ ആണ്.