ബിനോ മരണ മാസാണ്
കോട്ടയം പാലാ സ്വദേശികളായ ബിനോയ്ക്കും സഹോദരന് ജോസിനും കുട്ടിക്കാലം തൊട്ടേ ഉള്ളതാണ് ഈ റേസിങ് ഭ്രമം. ഭൂതത്താന് കെട്ടില് തനി നാടന് ലുക്കില് പറന്നിറങ്ങി ബിനോയ് മൂന്നാം സ്ഥാനം നേടി
പ്രായം
ഭൂതത്താന്കെട്ടിലെ ഫോര്വീല് മഡ് റേസിലെ താരത്തിന്റെ വയസ് കേട്ടാല് ഞെട്ടും. നാല്പ്പത്തിമൂന്ന് വയസായി ബിനോയ്ക്ക്. എന്നാ ധൈര്യമാ...
സൂപ്പര്സ്റ്റാര്
സൂപ്പര് സ്റ്റാര് സിനിമകളിലെ എന്ട്രി പോലെ ആവേശത്തോടെ ആര്പ്പുവിളിക്കുന്ന ആള്ക്കൂട്ടത്തിന് നടുവില് തന്റെ മേജര് ജീപ്പിന് മുകളില് മുണ്ടും മടക്കികുത്തി സിനിമാ സൈറ്റിലില് നില്ക്കുന്ന ബിനോയുടെ ചിത്രം വൈറലായിട്ടുണ്ട്.
ജീപ്പും നാടന്
ബിനോയുടെ മേജര് ജീപ്പും തനി നാടനാണ്. ജിപിഎസ് അടക്കമുള്ള യാതൊരുവിധ അത്യാധുനിക സംവിധാനവുമില്ല ജീപ്പിന്. സപ്പോര്ട്ട ചെയ്യാന് ആളുമില്ല.
ക്വാറിയിലെ പഠനം
പിതാവായ ജോസഫ് മാത്യൂ ചീറക്കുഴിയുടെ നിലമ്പൂരിലെ ക്വാറിയില് വച്ചാണ് ഓഫ്റോഡ് റേസിംഗിന്റെ ബാലപാഠങ്ങള് ബിനോയും അനിയന് ജോസും പഠിച്ചെടുക്കുന്നത്. പിന്നെ ഈ വഴിയായി യാത്ര. 2014 പാലായില് നടന്ന ഓഫ് ഫേസ് മത്സരത്തില് പങ്കെടുത്തുകൊണ്ടാണ് ഈ രംഗത്ത് സജീവമായത്.
കൈലി മതി
ഇന്ത്യയിലെവിടെയും റേസിംഗിന് പോകാന് ബിനോയ്ക്ക് തന്റെ ജീപ്പും കൈലിമുണ്ടും ഒരു ഹെല്മറ്റും മതി. ചളിയില് ഇറങ്ങി പയറ്റാന് എന്നാത്തിനാടാ ഉവ്വേ കളറ് കുപ്പായമെന്നാണ് ചോദ്യം.
ആരാധകര്
പാലാ ബ്രദേഴ്സ് എന്നാണ് ഇവരെ വിളിക്കുന്നത്. ഭൂതത്താന്ക്കെട്ട് മഡ്റേസ് അടക്കം 15ഓളം ട്രോഫികളാണ് 2016ല് ഇതുവരെ സ്വന്തമാക്കിയത്. സിനിമാ താരങ്ങള് മുതല് കേസുകളില് പ്രതികളായവരുടെ പോലും ആരാധനാ താരമാണ് ബിനോ.
ഹീറോ
ഹീറോ എന്ന് വിശേഷിപ്പിച്ചാണ് സംവിധായകന് ആഷിക് അബു ബിനോയുടെ ചിത്രം ഫേസ്ബുക്കില് ഷെയര് ചെയ്തത്. ഇനി അഥവാ ആശാനെ സിനിമയിലെടുക്കുമോ എന്നാണ് ആരാധകരുടെ ചോദ്യം.