നാലു ടീമുകള്
നിലവിലെ ചാംപ്യന്മാരായ ഇന്ത്യ തീര്ച്ചയായും സെമി ഫൈനലില് കളിക്കുമെന്ന് ചാപ്പല് ഉറപ്പിച്ചുപറയുന്നു. ഇന്ത്യയെക്കൂടാതെ ഓസ്ട്രേലിയ, ഇംഗ്ലണ്ട്, ദക്ഷിണാഫ്രിക്ക എന്നിവരും സെമിയിലെത്തുമെന്ന് അദ്ദേഹം ചൂണ്ടിക്കാട്ടി.
ശക്തര്
ഇന്ത്യ, ഓസ്ട്രേലിയ, ദക്ഷിണാഫ്രിക്ക, ഇംഗ്ലണ്ട് തുടങ്ങിയ നാലു ടീമുകളും ശക്തരാണ്. നല്ല തയ്യാറെടുപ്പാണ് ഈ ടീമുകള് നടത്തിയതെന്നും അതുകൊണ്ട് തന്നെ ഇവര് സെമിയിലെത്തുമെന്ന് തനിക്കുറപ്പുണ്ടെന്നും ചാപ്പല് പറഞ്ഞു.
ഇതുവരെ കണ്ടതല്ല, ഇത്തവണ...
ചാംപ്യന്സ് ട്രോഫിയുടെ ഇതുവരെയുള്ള എഡിഷനുകള് കാര്യമായി ശ്രദ്ധിക്കപ്പെട്ടിട്ടില്ല. എന്നാല് ഇത്തവണ ഇന്ത്യ, ഇംഗ്ലണ്ട്, ഓസ്ട്രേലിയ, ദക്ഷിണാഫ്രിക്ക എന്നിവര് സെമിയില് എത്തിയാല് ഏറ്റവും മികച്ച ചാംപ്യന്ഷിപ്പായി ഇതു മാറുമെന്ന് ചാപ്പല് അഭിപ്രായപ്പെട്ടു.
ഐപിഎല് ഗുണം ചെയ്യും
ഐപിഎല്ലില് നിരവധി മല്സരങ്ങല് തുടര്ച്ചയായി കളിച്ചതിനു പിറകെയാണ് വിരാട് കോലി നയിക്കുന്ന ഇന്ത്യ ചാംപ്യന്സ് ലീഗിനെത്തിയത്. ഇത് തീര്ച്ചയായും ടീമിനു ഗുണം ചെയ്യുമെന്ന് ഓസീസ് ഇതിഹാസം പറഞ്ഞു.
പേസ് ബൗളിങ്
സെമിയിലെത്താന് മിടുക്കുള്ള ഓസ്ട്രേലിയ, ഇംഗ്ലണ്ട്, ദക്ഷിണാഫ്രിക്ക എന്നീ ടീമുകളെപ്പോലെ അതിവേഗത്തില് പന്തെറിയുന്ന ബൗളര്മാര് ഇന്ത്യന് നിരയില് ഇല്ല. എന്നാല് വളരെ സന്തുലിതമാണ് ഇന്ത്യന് ബൗളിങ്. ഏതു സാഹചര്യത്തിലും വിക്കറ്റെടുക്കാനുള്ള ശേഷി അവര്ക്കുണ്ടെന്നും ചാപ്പല് വിലയിരുത്തി.