ബേസിൽ തമ്പി
മലയാളി ഫാസ്റ്റ് ബൗളറായ ബേസിൽ തമ്പിയാണ് 2017 സീസണിലെ എമർജിങ് പ്ലെയർ. ഗുജറാത്ത് ലയൺസിന് വേണ്ടി കളിച്ച തമ്പി 12കളിയിൽ 11 വിക്കറ്റ് വീഴ്ത്തി.
നിതീഷ് റാണ
ഐ പി എല്ലിന്റെ തുടക്കത്തിൽ മിന്നും ഫോമിലായിരുന്നു നിതീഷ് റാണ. 12 കളിയിൽ 321 റൺസാണ് മുംബൈ ഇന്ത്യൻസിന് വേണ്ടി റാണ അടിച്ചുകൂട്ടിയത്.
റിഷഭ് പന്ത്
ഐ പി എല്ലിലെ ഏറ്റവും മികച്ച ഇന്നിംഗ്സ് എന്ന് സാക്ഷാൽ സച്ചിൻ തെണ്ടുൽക്കർ തന്നെ സാക്ഷ്യപ്പെടുത്തിയ ഇന്നിംഗ്സിന് ഉടമയാണ് പന്ത്. ഡെൽഹി ഡെയർഡെവിൾസ് താരമായ പന്ത് 14 കളിയിൽ 366 റൺസടിച്ചു.
ഇഷൻ കിഷാൻ
അണ്ടർ 19 ടീമിന്റെ ക്യാപ്റ്റനായിരുന്ന ഇഷൻ കിഷാൻ ഗുജറാത്തിന് വേണ്ടി തട്ടുപൊളിപ്പൻ ഇന്നിംഗ്സുകൾ കളിച്ചു. 11 കളിയിൽ 277 റൺസാണ് ഇഷൻ കിഷാന്റെ സമ്പാദ്യം
മുഹമ്മദ് സിറാജ്
ആശിഷ് നെഹ്റയ്ക്ക് പരിക്കേറ്റതിനെ തുടർന്നാണ് മുഹമ്മദ് സിറാജ് സൺറൈസേഴ്സ് ഹൈദരാബാദ് ടീമിൽ എത്തിയത്. ആറ് കളിയിൽ 10 വിക്കറ്റുമായി സിറാജ് വരവറിയിച്ച സീസൺ കൂടിയാണ് ഇത്.
കുൽദീപ് യാദവ്
കൊൽക്കത്ത നൈറ്റ് റൈഡേഴ്സിന്റെ ഇടംകൈ ചൈനാമാൻ ബൗളർ. 12 കളിയിൽ 12 വിക്കറ്റുകളാണ് സമ്പാദ്യം.
വാഷിങ്ടൺ സുന്ദർ
ക്വാളിഫയറിലെ രണ്ട് കളിയിലും മുംബൈ ഇന്ത്യൻസിന് മൂക്കുകയറിട്ട വാഷിങ്ടൺ സുന്ദർ എന്ന 17കാരൻ വലിയ ശ്രദ്ധ പിടിച്ചുപറ്റി. അശ്വിന് പകരക്കാരനായി ടീമിലെത്തിയ സുന്ദർ 11 കളിയിൽ എട്ട് വിക്കറ്റ് വീഴ്ത്തി.