Click it and Unblock the Notifications
ബാലന്‍സ്
ഐ പി എല്ലിലെ ഏറ്റവും ബാലന്‍സ്ഡ് ആയിട്ടുള്ള ടീമാണ് സണ്‍റൈസേഴ്‌സ് ഹൈദരാബാദ്. ബാറ്റിംഗിലും ബൗളിംഗിലും ഒരുപോലെ ശക്തി. അന്താരാഷ്ട്ര താരങ്ങളും ഇന്ത്യന്‍ കളിക്കാരും ഒപ്പത്തിനൊപ്പം. പരിചയസമ്പത്തും യുവാക്കളും ഒരുപോലെ. ബാറ്റിംഗിലും ബൗളിംഗിലും മാത്രമല്ല ഫീല്‍ഡിങിലെ പ്രസരിപ്പും എടുത്തുപറയേണ്ടതാണ്. വി വി എസ് ലക്ഷ്മണ്‍, ടോം മൂഡി എന്നിവര്‍ക്കാണ് തിങ്ക് ടാങ്കിന്റെ ചുമതല.
വീക്ക്‌നെസ്
ബാറ്റിംഗില്‍ ഡേവിഡ് വാര്‍ണറിനെ അമിതമായി ആശ്രയിക്കുന്ന ഒരു പ്രശ്‌നം ഹൈദരാബാദിനുണ്ട്. വാര്‍ണര്‍ നേരത്തെ പുറത്തായാല്‍ ഹൈദരാബാദിന്റെ ടോട്ടലും അത്രയ്ക്കത്രയ്ക്ക് ഒതുങ്ങും. ഇത്തവണ ഡേവിഡ് വാര്‍ണര്‍ മികച്ച ഫോമിലല്ല. വാര്‍ണര്‍ മാത്രമല്ല ധവാനും. ഇത് സണ്‍റൈസേഴ്‌സ് ഹൈദരാബാദിന് ഒരു പ്രശ്‌നമാകാന്‍ ഇടയുണ്ട്.
ബാറ്റിംഗില്‍ ഇവര്‍
വാര്‍ണര്‍ തന്നെയാണ് ടീമിലെ ഏറ്റവും മികച്ച ബാറ്റ്‌സ്മാന്‍. പിന്നെ യുവരാജ് സിംഗ്. ശിഖര്‍ ധവാന്‍, വില്യംസന്‍, ഹൂഡ എന്നിങ്ങനെ പോകുന്നു ബാറ്റിംഗിലെ കരുത്ത്. മോയിസ് ഹെന്റിക്കസ്, ബെന്‍ കട്ടിങ് തുടങ്ങിയ ഓള്‍റൗണ്ടര്‍മാരും ബാറ്റ് കൊണ്ട് ശ്രദ്ധേയമായ സംഭാവന നല്‍കുന്നവരാണ്. യുവരാജും ഹൂഡയും ബൗളിംഗിലും മികച്ചുനില്‍ക്കും.
ബൗളിംഗ് നിര ഇങ്ങനെ
ആശിശ് നെഹ്‌റ, ഭുവനേശ്വര്‍ കുമാര്‍, ക്രിസ് ജോര്‍ദാന്‍ എന്നിവരാണ് പ്രധാന ഫാസ്റ്റ് ബൗളര്‍മാര്‍. മുസ്താഫിസുര്‍ റഹ്മാന്റെ അഭാവമായിരിക്കും ഹൈദരാബാദിന്റെ പ്രധാന തലവേദന. മോയിസ് ഹെന്റിക്കസ്, ബെന്‍ കട്ടിങ് എന്നിവര്‍ക്ക് ബൗളിംഗിലും പ്രധാന റോളുണ്ട്. പ്രവീണ്‍ താംബെ, മുഹമ്മദ് നബി, റഷീദ് ഖാന്‍ എന്നിവരാണ് പ്രധാന സ്പിന്നര്‍മാര്‍.
ഫസ്റ്റ് ഇലവന്‍ സാധ്യത
ഡേവിഡ് വാര്‍ണര്‍, ശിഖര്‍ ധവാന്‍, ഹെന്റിക്കസ്, യുവരാജ് സിംഗ്, നമാന്‍ ഓജ, ദീപക് ഹൂഡ, ബെന്‍ കട്ടിങ്, റഷീദ് ഖാന്‍, ബിപുല്‍ ശര്‍മ, ഭുവനേശ്വര്‍ കുമാര്‍, ആശിശ് നെഹ്‌റ ഇതാകും ഹൈദരാബാദിന്റെ ഫസ്റ്റ് ഇലവന്‍. വാര്‍ണര്‍, യുവരാജ് എന്നിവരാണ് കീ. ആദ്യം ബാറ്റ് ചെയ്യാനാണ് ടീമിന് പൊതുവേ താല്‍പര്യം.
