ഇന്ത്യൻ ക്രിക്കറ്റിനെ എനിക്ക് പേടിയാണ്.. പറയുന്നത് 360 ഡിഗ്രി ക്രിക്കറ്റർ ഡിവില്ലിയേഴ്സ്, കാരണം??

കേപ്ടൗൺ: വർത്തമാനകാല ക്രിക്കറ്റിലെ ഏറ്റവും മികച്ച ബാറ്റ്സ്മാൻമാരിൽ ഒരാളാണ് ദക്ഷിണാഫ്രിക്കയുടെ എ ബി ഡിവില്ലിയേഴ്സ്. ക്രിക്കറ്റ് ഗ്രൗണ്ടിന്റെ ഏത് കോണിലേക്കും അനായാസം ഷോട്ടുകൾ പായിക്കുന്ന എ ബി ഡിക്ക് മിസ്റ്റർ 360 ഡിഗ്രി ക്രിക്കറ്റർ എന്നാണ് വിളിപ്പേര്. ദക്ഷിണാഫ്രിക്കയിൽ മാത്രമല്ല, ഇന്ത്യയിലും ഇഷ്ടം പോലെ ആരാധകരുണ്ട് എ ബി ഡിക്ക്. ഒരുപക്ഷേ ഇന്ത്യയിൽ ഏറ്റവും കൂടുതൽ ആരാധകരുള്ള വിദേശ താരവും ഡിവില്ലിയേഴ്സ് ആയിരിക്കും.

മുംബൈ Vs പുനെ, ഹൈദരാബാദ് Vs കൊൽക്കത്ത: ഐപിഎൽ പത്തിലെ പ്ലേ ഓഫ് കളികൾ.. തീപ്പൊരി പറക്കും!!

കാര്യങ്ങൾ ഇങ്ങനെയൊക്കെയാണെങ്കിലും ഇന്ത്യൻ ക്രിക്കറ്റിനെ തനിക്ക് പേടിയാണ് എന്നാണ് ഡിവില്ലിയേഴ്സ് പറയുന്നത്. എന്താകും കാരണം എന്നല്ലേ. അതിനുള്ള ഉത്തരമാണ് ഐ പി എൽ. ലോകോത്തര താരങ്ങളോട് കട്ടയ്കക്ക് കട്ട നിന്ന് കളി പഠിച്ച് വളരുന്ന ഇന്ത്യയിലെ യുവതാരങ്ങളെയാണ് ഡിവില്ലിയേഴ്സിന് പേടി. മറ്റൊരു രാജ്യത്തും കാണാത്ത തരം അവസരമാണ് ഇന്ത്യയിലെ യുവതാരങ്ങൾക്ക് ഐ പി എല്ലിലൂടെ കിട്ടുന്നതെന്നും ലോകത്തെ ഏറ്റവും വിലപിടിപ്പുള്ള താരങ്ങളിൽ ഒരാളായ ഡിവില്ലിയേഴ്സ് പറയുന്നു.

ഐ പി എല്ലിൽ റോയൽ ചാലഞ്ചേഴ്സ് ബാംഗ്ലൂരിന് വേണ്ടിയാണ് എ ബി ഡിവില്ലിയേഴ്സ് കളിക്കുന്നത്. പതിനാല് കളികളിൽ വെറും മൂന്നെണ്ണം മാത്രമേ ഇത്തവണ ബാംഗ്ലൂരിന് ജയിക്കാൻ പറ്റിയുള്ളൂ. എ ബി ഡിവില്ലിയേഴ്സ് അടക്കമുള്ള പ്രമുഖരുടെ മോശം ഫോമാണ് ബാംഗ്ലൂരിന് വിനയായത്. കഴിഞ്ഞ സീസണിൽ ഫൈനല്‍ കളിച്ച ബാംഗ്ലൂർ ഇത്തവണ പോയിന്റ് പട്ടികയിൽ ഏറ്റവും താഴെയാണ്. മുംബൈ, പുനെ, കൊൽക്കത്ത, ഹൈദരാബാദ് - എന്നീ ടീമുകളാണ് പ്ലേ ഓഫ് കളിക്കുന്നത്.