വീരുവിന്റെ കരിയര് ബെസ്റ്റോ
രണ്ട് ട്രിപ്പിള് സെഞ്ചുറികള് അടിച്ചിട്ടുണ്ട് സേവാഗ്. ഈ നേട്ടം കൈവരിക്കുന്ന ഏക ഇന്ത്യക്കാരനും സേവാഗാണ്. എന്നാല് വന്മതില് രാഹുല് ദ്രാവിഡ് സേവാഗിന്റെ കരിയര് ബെസ്്റ്റായി കാണുന്നത് ഗാലെയിലെ ഈ ഇരട്ടസെഞ്ചുറിയാണ്.
അന്നത്തെ പ്രത്യേകത
സച്ചിനും ദ്രാവിഡും ലക്ഷ്മണനും അടങ്ങിയ ഇന്ത്യന് ബാറ്റിംഗ് അന്ന് തകര്ന്ന് ഛിന്നഭിന്നമായി. സേവാഗ് 201 റണ്സെടുത്തിട്ടും ഇന്ത്യ വെറും 329 റണ്സിന് ഓളൗട്ടായി. എട്ട് പേര് രണ്ടക്കം കടന്നില്ല. ആറ് വിക്കറ്റുകള് വീഴ്ത്തിയ മെന്ഡിസിനെ ഫലപ്രദമായി നേരിടാന് അന്ന് സേവാഗിന് മാത്രമേ കഴിഞ്ഞുള്ളൂ.
റെസ്പെക്ട് വീരുഭായി
വീരുഭായിയുടെ ഈ ഇന്നിംഗ്സിനെ കുറിച്ച് താനും ദ്രാവിഡും സംസാരിച്ചതായി കോലി തന്നെയാണ് പറഞ്ഞത്. സേവാഗിനോടുള്ള ആദരവായിരുന്നു ഇക്കാര്യങ്ങള് പറയുമ്പോള് കോലിയുടെ ശബ്ദത്തില്. സേവാഗും കോലിയും ദില്ലിക്കാരാണ്.
സ്വീപ്പ് കളിക്കണം
സ്പിന്നര്മാരെ നേരിടാന് സ്വീപ്പ് ഷോട്ടുകള് നല്ല ആയുധമാണ് എന്നാണ് കോലിയുടെ അഭിപ്രായം. രഹാനെ നന്നായി സ്വീപ്പ് കളിക്കുന്ന ബാറ്റ്സ്മാനാണ്. രോഹിതും വിജയും ഈ ഷോട്ട് കളിക്കും. താനും കൂടുതലായി സ്വീപ്പ് ഷോട്ടുകള് പരിശീലിക്കുന്നുണ്ട് എന്നാണ് കോലി പറയുന്നത്.