സേവാഗിന്റെ ട്വീറ്റ്
ഇംഗ്ലണ്ട് വീണ്ടും ഒരു ലോകകപ്പില് കൂടി തോറ്റു. സ്പോര്ട്സ് മാത്രമാണ് വ്യത്യാസം. തോല്വി തുടര്ക്കഥയാണ്. ഇത്തവണ കബഡി ലോകകപ്പിലാണ് തോല്വി. ഇന്ത്യ 69 - 18നാണ് ഇംഗ്ലണ്ടിനെ തോല്പിച്ചത്. സെമിഫൈനലിന് ഓള് ദ ബെസ്റ്റ് - ഇതായിരുന്നു സേവാഗിന്റെ ട്വീറ്റിന്റെ ഉളളടക്കം.
ആ ലൂസ് വേറെ
സേവാഗ് ഉദ്ദേശിച്ച ലൂസും ശരിക്കുള്ള ലൂസും വേറെയാണ് എന്നൊരു കമന്റുമായി പിയേഴ്സ് മോര്ഗന് രംഗത്തെത്തി. വീരേന്ദര് സേവാഗിനെ ടാഗ് ചെയ്തുകൊണ്ടായിരുന്നു മോര്ഗന്റെ ട്വീറ്റ്. മോര്ഗനും സേവാഗും തമ്മില് ഇതിന് മുമ്പും ട്വിറ്ററില് കോര്ത്തിട്ടുണ്ട്.
ഇംഗ്ലീഷുകാരോടല്ലാതെ
തോല്വിയുടെ സ്പെല്ലിംഗ് ഇംഗ്ലീഷ് ക്രിക്കറ്റ് ആരാധകരോടല്ലാതെ വേറെ ആരോടാണ് ചോദിക്കുക. അവര്ക്കല്ലേ അത് കൃത്യമായി അറിയുക - മോര്ഗന്റെ കമന്റിനോട് ട്വിറ്ററില് ഒരു വിരുതന് പ്രതികരിച്ചത് ഇങ്ങനെ.
സ്പെല് ചെക്കര്
വീരു പാജി ഒരു ഇംഗ്ലീഷ് കാരനെ പിടിച്ച് സ്പെല് ചെക്കറായി നിയമിച്ചിട്ടുണ്ടല്ലോ. വൗവ്... ഇതായിരുന്നു മറ്റൊരു ആരാധകന്റെ മറുപടി. സേവാഗിന് ഹിന്ദിയും ഇംഗ്ലീഷും അറിയാം മോര്ഗന് ഹിന്ദി അറിയാമോ എന്ന് ചോദിച്ചവരും കുറവല്ല.
സ്പെല്ലിങ് നോക്കിയിരുന്നോ
ഒരു സംവാദം ജയിക്കാന് പറ്റുന്നില്ലെങ്കില് എതിരാളിയുടെ സ്പെല്ലിങ് മിസ്റ്റേക്കും നോക്കിയിരിക്കുകയാണോ വേണ്ടത്. - മോര്ഗനെ ചിലര് കളിയാക്കുന്നത് ഇങ്ങനെ.