Click it and Unblock the Notifications
കോലി മൂന്നാം നമ്പറില്‍ തിരിച്ചുവരണം
സ്വാഭാവികമായ കളിയല്ല കോലി കാണ്‍പൂരില്‍ കളിച്ചത്. ബാറ്റിംഗ് ഓര്‍ഡര്‍ മാറിയതിന്റെ പ്രശ്‌നം കോലിക്ക് ഉണ്ടായിരുന്നു. റണ്‍ ചേസ് ചെയ്യുന്നതില്‍ സ്‌പെഷലിസ്റ്റായ കോലി മൂന്നാം നമ്പറില്‍ ഇറങ്ങുന്നത് ഇന്ത്യയ്ക്ക് ഗുണം ചെയ്യും. അപ്പോള്‍ രഹാനെ എന്ത് ചെയ്യും എന്നല്ലേ. വഴിയുണ്ട്.
രഹാനെ ഓപ്പണ്‍ ചെയ്യട്ടേ
മികച്ച ഫോമിലാണ് രഹാനെ. രഹാനെ ഓപ്പണറായി കളിക്കാന്‍ കെല്‍പുള്ള താരവുമാണ്. രോഹിത് ശര്‍മയ്‌ക്കൊപ്പം രഹാനെയെ ഓപ്പണ്‍ ചെയ്യിച്ചാല്‍ വേറെയുമുണ്ട് ഗുണം. ശിഖര്‍ ധവാനാകാട്ടെ ഫോമിലേയല്ല. മൂന്ന് കളിയിലും സാന്നിധ്യമറിയിക്കാന്‍ ധവാന് പറ്റിയിട്ടില്ല.
സ്റ്റുവര്‍ട്ട് ബിന്നിയെ ഒഴിവാക്കുക
സ്റ്റുവര്‍ട്ട് ബിന്നിക്ക് പകരം ഒന്നുകില്‍ അമ്പാട്ടി റായിഡു അല്ലെങ്കില്‍ ബൗളിംഗ് ശക്തിപ്പെടുത്താനായി മോഹിത് ശര്‍മ. ഇവരാരെങ്കിലും ടീമിലെത്തണം. ബൗളിംഗില്‍ ഇഷ്ടം പോലെ റണ്‍ വഴങ്ങിയ ബിന്നി നിര്‍ണായക സമയത്ത് ക്രീസിലെത്തി അഞ്ച് പന്തില്‍ 2 റണ്‍സാണ് എടുത്തത്.
ഗുരുകിരത് മാന്‍ വരട്ടെ
ഓള്‍റൗണ്ടര്‍ ഗുരുകിരത് മാനെ ആദ്യ ഇലവനില്‍ ഉള്‍പ്പെടുത്തിയാല്‍ ഇന്ത്യയ്ക്ക് വേണ്ട തകര്‍പ്പനടിക്കാരനും സ്പിന്‍ ബൗളിംഗ് ഓള്‍റൗണ്ടറുമാകും. ശിഖര്‍ ധവാനെ ഒഴിവാക്കുന്ന ഗാപ്പില്‍ മാനെ കളിപ്പിക്കാം.
ഡെത്ത് ബൗളിംഗ് നന്നാക്കണം
അവസാന ഓവറിലെ റണ്‍ വിട്ടുകൊടുക്കല്‍ ഇന്ത്യയെ ശരിക്കും ക്ഷീണിപ്പിച്ചു. പത്തോവറില്‍ ദക്ഷിണാഫ്രിക്ക അടിച്ചത് 109 റണ്‍സാണ്.
