മിക്കി ആര്തര് പറയുന്നത്
ഇരുപത്തിരണ്ടാം വയസ്സില് വിരാട് കോലി കളിച്ച അതേ പോലെയാണ് ബാബര് അസവും കളിക്കുന്നത് എന്നാണ് പാകിസ്താന് കോച്ച് മിക്കി ആര്തര് പറയുന്നത്. മൂന്നേ മൂന്ന് ടെസ്റ്റുകളേ അസം ഇത് വരെയായി കളിച്ചിട്ടുള്ളൂ. അപ്പോഴേക്കും കോലിയുമായി താരതമ്യം ചെയ്യാന് ആര്തര് തയ്യാറായി എന്നതാണ് അത്ഭുതം.
സ്കോര് കാര്ഡ് ഇങ്ങനെ
മൂന്ന് ടെസ്റ്റുകള് മാത്രമേ അസമിന്റെ അക്കൗണ്ടിലുള്ളൂ. ഒരു സെഞ്ചുറി പോലുമില്ല. 90 നോട്ടൗട്ടാണ് ഉയര്ന്ന സ്കോര്. അസം 90ലെത്തി നില്ക്കേ പാകിസ്താന് ടീം ഓളൗട്ടാകുകയായിരുന്നു. ന്യൂസിലന്ഡിനെതിരെ ഹാമില്ട്ടണിലായിരുന്നു ഈ കളി.
ഏകദിനത്തില് അങ്ങനെയല്ല
18 ഏകദിന മത്സരങ്ങള് അസം പാകിസ്താന് വേണ്ടി കളിച്ചിട്ടുണ്ട്. മൂന്ന് സെഞ്ചുറിയും അടിച്ചു. വെസ്റ്റ് ഇന്ഡീസിനെതിരായ ഏകദിന പരമ്പരയില് തുടര്ച്ചയായിട്ടായിരുന്നു ഈ മൂന്ന് സെഞ്ചുറികളും.
പ്രഷറാണ് പക്ഷേ
ബാബര് അസമിനെ വിരാട് കോലിയുമായി താരതമ്യം ചെയ്യുന്നത് വലിയ പ്രഷറാണ് അസമില് ഉണ്ടാക്കുക എന്ന് ആര്തറിനും അറിയാം. പക്ഷേ ഇത് പറയാതെ പറ്റില്ല. പരിശീലകനായി സ്ഥാനമേറ്റ ശേഷം ആദ്യമായി ഓസ്ട്രേലിയയെ നേരിടാന് ഒരുങ്ങുകയാണ് മിക്കി ആര്തറിന്റെ പാകിസ്താന്.