മൂന്നാമത്തെ മത്സരം
ഏറെ നാളുകള് കൂടിയാണ് ഇന്ത്യ ഒരു ട്വന്റി 20 മത്സരം കളിക്കുന്നത്. സിംബാബ്വെക്കെതിരെയായിരുന്നു ഇതിന് മുമ്പ് കളിച്ച രണ്ടു മത്സരങ്ങളും. അതും ഇന്ത്യയില് വെച്ചല്ല. അതുകൊണ്ട് തന്നെ ശക്തരായ ദക്ഷിണാഫ്രിക്കയ്ക്കെതിരെ നടക്കുന്ന മൂന്ന് കളികള് ആവേശത്തോടെയാണ് കാണുന്നത്.
ലോകകപ്പിന് മുന്നൊരുക്കം
2016 ട്വന്റി20 ലോകകപ്പിനുള്ള തയ്യാറെടുപ്പാണ് ഇന്ത്യന് ടീമിന് ഈ പരമ്പര. ഇന്ത്യയിലാണ് അടുത്ത ലോകകപ്പ് നടക്കുക. ഒന്നാം ലോകകപ്പില് ചാമ്പ്യന്മാരായ ഇന്ത്യയ്ക്ക് അതിന് ശേം ഒരു ലോകകപ്പ് ജയിക്കാന് പറ്റിയിട്ടില്ല.
എം എസ് ധോണി
ടെസ്റ്റില് നിന്നും വിരമിച്ച ക്യാപ്റ്റന് എം എസ് ധോണി ഇപ്പോള് ട്വന്റി 20 യും ഏകദിനവും മാത്രമേ കളിക്കുന്നുള്ളൂ. ലിമിറ്റഡ് ഓവര് ക്രിക്കറ്റില് തന്റെ കാലം കഴിഞ്ഞിട്ടില്ല എന്ന് ക്രിക്കറ്റ് അധികൃതരെയും ആരാധകരെയും തെളിയിക്കേണ്ട ബാധ്യത ധോണിക്കുണ്ട്
വിരാട് കോലി
ഏത് ഫോര്മാറ്റായാലും ഇന്ത്യന് ടീമിലെ സൂപ്പര് സ്റ്റാര് ഇപ്പോള് വിരാട് കോലിയാണ്. ലിമിറ്റഡ് ഓവര് ക്രിക്കറ്റിലും ധോണിയില്ലെങ്കില് പ്രശ്നമില്ല എന്നൊരു ആത്മവിശ്വാസം സെലക്ടര്മാര്ക്ക് കൊടുക്കാന് കോലിയുടെ മികച്ച പ്രകടനത്തിന് കഴിയും.
രോഹിത് ശര്മ
ടെസ്റ്റ് ടീമില് ഉണ്ടെങ്കിലും ഷോര്ട്ട് ഫോര്മാറ്റുകളിലെ സ്പെഷലിസ്റ്റാണ് രോഹിത്. ഏകദിനത്തിലും ട്വന്റി 20യിലും കളിക്കുന്ന കളി കൊണ്ടാണ് രോഹിത് ഒരു കണക്കിന് ടെസ്റ്റ് ടീമില് പിടിച്ചുനില്ക്കുന്നത് പോലും.
എബി ഡിവില്ലിയേഴ്സ്
ഇന്ത്യന് കളിക്കാരെ പോലെ തന്നെ ഇന്ത്യയില് പോപ്പുലറാണ് എ ബി ഡി. ഡുമിനി, ഡുപ്ലിസി, സ്റ്റെയ്ന് എന്നിവരടക്കം ടീമിലെ ഓരോരുത്തരും ഇന്ത്യന് കാണികള്ക്ക് പരിചിതര് തന്നെ.
മുന്തൂക്കം ഇന്ത്യയ്ക്ക്
ദക്ഷിണാഫ്രിക്കയ്ക്കെതിരെ കളിച്ച എട്ടു മത്സരങ്ങളില് ആറിലും ഇന്ത്യ ജയിച്ചിട്ടുണ്ട്. ഈ ചരിത്രം ധരംശാലയിലും ഇന്ത്യയ്ക്ക് തുണയാകും.
ദക്ഷിണാഫ്രിക്കയ്ക്ക് ക്ഷീണം
ഈ ചരിത്രം മാത്രമല്ല, സന്നാഹമത്സരത്തില് ഇന്ത്യയുടെ എ ടീമിനോട് തോറ്റതിന്റെ ക്ഷീണവും ദക്ഷിണാഫ്രിക്കയ്ക്ക് ഉണ്ട്. ദക്ഷിണാഫ്രിക്കയുടെ ശക്തമായ ബൗളിംഗിനെതിരെ 190 റണ്സ് ചേസ് ചെയ്താണ് ഇന്ത്യയുടെ എ ടീം ജയിച്ചത്.